неуспех – Kurir.mk

Милошоски: Преговарачката рамка е резултат на неспособноста на Заев, Ковачевски, Маричиќ и Бујар Османи

Тале Кристо — Thu, 21 Jul 2022 17:34:27 +0000

Пратеникот од ВМРО-ДПМНЕ Антонијо Милошоски, вечерва во своето гостување во емисијата ,,Само интервју”, рече дека ако блокадата на Бугарија ние ја толкуваме како причина за да отстапиме дополнително од интегритетот на Уставот или од кои било други прашања, ние самите ќе си го поканиме второто, третото, петтото или десеттото вето. - Тогаш Бугарија ќе развие навика и ќе каже во ред, тука ветото функционира, денес ќе им го смениме Уставот, утре учебникот, задутре ќе им го смениме споменикот и на крајот ќе смениме сѐ што сакаме. Македонија не треба да прифати таков начин на преговори, тоа не е европеизација на државата и тоа не го зборам само јас. Земете го Гералд Кнаус, многу добар познавач и промотор на европеизација и обединување на Европа, земете ја Малинка Ристова – работи 30 години на тоа. Вархеи и Фон Дер Лаен земаат плата, месечно по 24.000 евра и 27.000 евра Урсула фон дер Лајен за да дојде и да каже убави зборови, потоа ќе замине во Ангола, потоа во Мароко, ќе разговара за гас итн. – рече Милошоски. Милошоски кажа ако се земе предвид регионот, Црна Гора преговара веќе 10 години, а други земји кандидати во рок од 6-7 стануваат членки, Србија води преговори веќе 8 години и треба да бидеме реално со себе, ако во ЕУ има замор од проширување, зошто би се правеле отстапки кога не ни е гарантирано членството. - Ако се направат отстапки, како што беше во случајот Словенија – Хрватска и двете земји постигнат некој компромис кој што треба да се сретне во моментот на зачленувањето на Хрватска во ЕУ и се прави одреден компромис, тогаш вреди да се размисли. Европа има интерес да има транформација и во македонското општество и во целиот регион, затоа што ние природно, културно и економски припаѓаме кон Европа. Зошто тука би имале влијание некои трети или четврти држави кои имаат помалку со европските вредности и со нашите вредности? Но, Европа треба да си ги почитува своите правила, јас ќе ве потсетам на еден пример каде што Македонија успеа да се обедини. Тоа беше Лисабонската декларација, тогаш целата ЕУ кажа ние сме спремни да ја признаеме вашата држава доколку нема збор Македонија во истата. Тогаш беше Глигоров, беше Кљусев, опозиција, влада и други - рече Милошоски.

Арсовски: Каде што оваа Влада има замешано прсти е тотален неуспех и крах – Покрај фамозниот договор со Бугарија, Македонија не доби датум

Тале Кристо — Mon, 18 Jan 2021 20:50:25 +0000

Димче Арсовски, портпарол на ВМРО-ДПМНЕ вечерва гостуваше во „Радио Лидер“ каде што нагласи дека секаде каде што оваа Влада на СДСМ има замешано прсти е тотален неуспех и крах. „На оваа влада се им е поврзано низ призмата на популизам, да излезат да се пофалат, нивнаните медиуми да испромовираат и толку. Се завршува таму. Нема понатамошен успех и реализирање на она што го ветуваа. Така беше и со договорот со соседна Бугарија“, рече Арсовски. Арсовски додаде дека за секој погрешен чекор на СДСМ, ВМРО-ДПМНЕ има многу пати предупредувано дека тоа ќе и наштети на Македонија, но залудно владата на СДСМ до сега ниту еднаш ја нема послушано опозицијата. „Владата на СДСМ не започнува нешто да работи за да помогне на граѓаните и на државата, се што правата, прават за личен интерес и прават единствено за нивните фамилијарни бизниси. Конкретно со договорот со Бугарија кога го потпишаа, ние предвидовме дека ќе се случи ова, истото беше и со договорот од Нивици кога се потпишуваше и тогаш предвидовме дека истото ќе се случува што денес практично се случува. Тогаш и цело време потоа ВМРО-ДПМНЕ беше обвинувана како партија која што шири дефетизам, беше обвинувана како партија која што е против интересите на Република Македонија. И секогаш бевме во право, и сега тоа повторно се докажува дека ние сме во право. Значи се што прават им е гол популизам и спротивно на интересите на граѓаните и на државата“, појасни Арсовски. Арсовски посочи дека ВМРО-ДПМНЕ предвиди уште на самиот почеток дека договорот со Бугарија ќе биде проблематичен за Република Македонија. И дека и покрај тој договор Македонија нема да добие датум за отпочнување на преговори со ЕУ. „Мислам дека Зоран Заев, Бујар Османи и останатите, Никола Димитров би биле најсреќни да не ја направеа онаа фамозна слика каде што одеа по датумот. Значи лажеа, секое излегување на телевизија лажеа дека само што сме добиле датум. За жал датум се уште нема“, нагласи Арсовски. Арсовски рече дека иако владата на Заев ги уверуваше граѓаните дека сите надворешни прашања се затворени, сепак излезе спротивното. За жал со договорот со Бугарија Заев и наштети на Македонија.

Салах им се извини на навивачите за неуспехот

Дарко Андоновски — Tue, 26 Jun 2018 07:06:49 +0000

Египетскиот репрезентативец Мохамед Салах им се извини на навивачите за неуспешните резултати на Светското првенство. Египќаните го завршија турнирот на последното место во групата А без ниту еден освоен бод. - Ние би сакале да им се извиниме на сите Египќани кои дојдоа да не поддржат. Знам дека сега им е тешко. Само сакам да кажам дека сме на Светското првенство за првпат по 28 години. Некои играчи немаат доволно искуство. Ќе се вратиме во 2022 година, нагласи Салах. Египет вчера загуби од Саудиска Арабија со 2:1 и со три порази на исто толку средби го завршија Мундијалот.