невенка стаменковска стојковски – Kurir.mk

Стаменковска: СДСМ секогаш кога се ближат избори се обидуваат да дискредитираат и шират невистини

Тале Кристо — Mon, 26 Dec 2022 17:34:50 +0000

СДСМ секогаш кога се ближат избори се обидуваат да дискредитираат и шират невистини, регира Невенка Стаменковска Стојковски од ВМРО-ДПМНЕ на изјавата на Влатко Митовски од СДСМ. -Во обид да го извалкаат моето име и името на градоначалникот на општина Гази Баба, Бобан Стефковски би сакала да укажам на следново: Проект „Инклузивна училница: МКФ како алатка за решавање на проблеми во тимот околу детето во образовен контекст“ или кусо „Инклузија преку МКФ“, е аплициран во Национална агенција за Европски образовни програми и мобилност во времето на претходниот градоначалник Борче Ѓорѓиевски во 2021 година. Во рамки на самиот проект е предвидено истиот да се реализира со лица вработени во рамки на институцијата. Проектот е започнат официјално на 01.02.2022 година, мојата номинација е на 02.02.2022 година, за што има и официјална документација. Во рамки на склучениот договор за реализација на овој проект, има предвидено начин на исплата на подготвителни работи и активности согласно член 3 точка 1 и согласно член 2 точка 3 каде се наведува дека средствата се користат од 01.02.2022 година. Исто така, поради други работни обврски најавив уште во октомври дека нема да го извршувам ова задолжение, и од месец октомври има номинирано друго лице. Моето долгогодишно искуство во имплементација на меѓународни и ЕУ проекти како и моето име, не дозволувам да се валка поради ситни политички поени. Во иднина, пред да го пратат Влатко Митовски да држи прес за нешто што ни сам не знае што збори, би било подобро да се советува со неговиот партиски другар, директор на Националната агенција за европски образовни програми и мобилност. За се што е погоре наведено, ја повикувам и Антикорупциска да го провери случајот, вели во реакцијата Стаменковска Стојковски.

Стаменковска Стојковски: На 15 јули ќе победи ВМРО-ДПМНЕ, ние нудиме проекти кои се потребни за граѓаните

Тале Кристо — Sun, 12 Jul 2020 17:01:52 +0000

На 15 јули ќе победи обновата на Македонија и ВМРО-ДПМНЕ ќе формира Влада а со тоа и сите реформи кои што ги вети во текот на изборната кампања и кои се содржани во програмата „Обнова“ ќе има шанса да ги реализираме и да им покажеме на граѓаните дека навистина вредело да се гласа за ВМРО-ДПМНЕ, вели Невенка Стаменковска Стојковски, Заменик министер за информатичко општество. Таа во емисијата „Бизнис поенти“ која се емитува на телевизија Алфа истакна дека за разлика од ВМРО-ДПМНЕ, која во изборната каампања пониду реални проекти нивните опоненти не понудија ниту проекти кои би ги реализирале ниту пак имаа со што да се пофалат дека некој проект од капитално значење успеале да реализираат. -Со гордост можам да кажам дека ВМРО-ДПМНЕ, во своето предизборно преставувавање, понуди проекти кои што навистина се потребни за граѓаните. За разлика од нас, граѓаните можеа да видат дека СДСМ немаат ниту еден проект што можат да го понудат пред граѓаните и ниту пак имаат некој реализиран проект, од периодот на нивно врадеење, со кој можат да се пофалат, рече Стаменковска Стојковски. Таа истакна дека во изминатиот периот од неколку години владеење на СДСМ нема никакви реформи во администрацијата, и со тоа што се фалеа дека дигитализирале неколку услугу, всушност е лага затао што ништо од тоа не функционира. -Во време на СДСМ немаше ни Р од реформи во администрацијата. Иако министерот многу често се фали дека успеал да направи догитализација, дека има дигитализирано 137 услуги, треба само да кликнете на било која од нив ќе видите дека ниту една од од нив не е функционална. За време на пандемијата, бевме сведоци дека пред Управата за матична евиденција, секој дневно имаше редици на луѓе, бидејќи секој еден од нив што аплициран он лајн за да добие извод, всушност изводот никогаш и не го добил. Тие повторно мораше да отидат и да чекаат ред за да ги добијат своите документи, со што се уверивме дека дигитализацијата, со која се фалат, не функционира, истакна заменик министерката Стаменковска Стојковски.

Стаменковска Стојковски: Три години Николоска и Манчевски ги штитат своите директори од одговорност

Дарко Андоновски — Wed, 08 Jul 2020 15:32:18 +0000

Дополнителната заменик министер за информатичко општество и администрација Невенка Стаменковска Стојковски со објава на својот Фејсбук профил реагира на денешниот состанок на министерот за МИОА Дамјан Манчевски со директорката на Државниот управен инспекторат, Фаница Николоска. Стаменковска Стојковски во објавата вели дека денеска Манчевски „не одржал состанок со Фаница Николоска директорка на Државниот управен инспекторат, туку со Фаница Николоска кандидатка за пратеник на СДСМ“. – Да беше Фаница Николоска директорка на Државниот управен инспекторат, секоја година, како што бара законот, ќе вршеше редовен инспекциски во сите институции на јавниот сектор, а во врска со вработувањата во јавниот сектор и оценувањето на административните службеници. Но, Фаница Николоска е кандидат за пратеник на СДСМ, а не директор на државен орган кој се грижи институциите да работат законски. Не врши надзор овие изминати три години и директорите кои се нејзини сопартијци нема кој да ги казни за незаконското работење, потенцира меѓу останатото дополнителната заменик министер Стојковски. Таа наведува и дека „Манчевски и Николоска денеска не се состанале за молкот на Агенцијата за вработување за околу 10 илјади предмети за право на материјално обезбедување во вид на паричен надоместок, кои во управна постапка и после 5 и пол месеци немаат никаков одговор, туку, како што посочува, се договарале какви изборни спотчиња ќе снимаат за замајување на јавноста“. Како што пишува во објавата, Николоска и Манчевски три години не констатирале неправилност во ниту една институција, а поврзано со Законот за административни службеници и Законот за вработени во јавен сектор. -Нивна единствена обврска е да замижуваат пред очигледните непочитувања на правата на вработените во јавниот сектор и незаконските вработувања да ги направат законски поради застареност на предметите. Затоа Фаница Николоска е наградена за пратеник во ИЕ 6. За да може да продолжи со непостапување по претставките од вработените во јавниот сектор, а со тоа и да може да врши притисок и уцена врз истите овие вработени а во полза на СДСМ и нејзиното пратеничко столче. Фаница Николоска повеќе истрча за СДСМ овие неколку денови во изборната кампања, отколку што законски сработи за три години колку што е директорка на Државниот управен инспекторат, истакнува Стаменковска Стојковски.

Три години Фаница Николоска и Дамјан Манчевски ги штитат своите директори од одговорност. Денеска Дамјан Манчевски не... Posted by Невенка Стаменковска Стојковски on Wednesday, July 8, 2020

Стаменковска: Злоупотребите на работници за време на изборен процес се надградени

Дарко Андоновски — Tue, 07 Jul 2020 12:59:24 +0000

Вработувањата кои се спроведуваа во изминатиот период останаа непроверени, а со самото тоа и несанкционирани, посебно вработувањата преку Агенции за привремени вработувања кои спротивно на закон и без реална потреба и основ, отстапуваа работници на институции за време на изборен процес, a за кое побарав преку соопштенија уште на 12, 25 и 26 март 2020 година, и со претставки до ДКСК, да се отвори постапка за моите наводи за злоупотреби и назаконско вработување и доколку се потврди, соодветно да се санкционира, реагира денеска дополнителната заменичка-министерка за информатичко општество Невенка Стаменковска Стојковски, во врска со активностите на директори од СДСМ на државните и локални институции во Македонски Брод во работно време за партиски потреби. -Злоупотребите денес се надградени и секој ден гледаме како кандидати за пратеници од СДСM, најголемиот дел од својата кампања ја поминуваат во посети на државни и јавни институции, а притоа се користи целата логистика и се злоупотребуваат институциите за партиски цели, наведува таа на својот Фејсбук профил. Прашува дали ДКСК ќе укаже, постапи и ќе покрене било каква постапка за несовесните функционери и злоупотребите на службени простории, вработени и службени тајни за партиски цели во време на кампања. -Одговорност ќе има, а народот на 15 јули ќе ги ослободи заробените институции од режимот на СДСM и Зоран Заев, пишува таа на Фејсбук.

Наместо во служба на граѓаните, функционерите на СДСМ во служба на Зоран Заев‼️ ☢️Вработувањата кои се спроведуваа во... Posted by Невенка Стаменковска Стојковски on Tuesday, July 7, 2020

Стаменковска-Стојковски: Општина Ѓорче Петров е заробена институција од режимот на Зоран Заев и СДСМ

Дарко Андоновски — Wed, 01 Jul 2020 14:29:36 +0000

Дополнителниот министер за информатичко општество и администрација Невенка Стаменковска Стојковски денеска беше во општината Ѓорче Петров од каде имаше своја прес-конференција. -Општина Ѓорче Петров е заробена институција од режимот на Зоран Заев и СДСМ. Обновата доаѓа а одговорност ќе има. Правото и законите мора да се почитуваат, стои во нејзиниот пост на

Општина Ѓорче Петров е заробена институција од режимот на Зоран Заев и СДСМ. Обновата доаѓа а одговорност ќе има. Правото и законите мора да се почитуваат. Posted by Невенка Стаменковска Стојковски on Wednesday, July 1, 2020

Стаменковска: Градоначалникот на Лозово во основно училиште спроведува анкета колку пратеници ќе добие СДСМ

Дарко Андоновски — Fri, 26 Jun 2020 18:20:55 +0000

Дополнителната заменик министерка за информатичко општество и администрација Невенка Стаменковска Стојкоски денеска преку објава на својот профил на Фејсбук упати обвинувања дека вработените во Општина Лозово, како што пишува, се изложени на притисоци, мобинг и деградација и упати повик тоа да го пријават во надлежните институции. – За време на пандемија градоначалникот на Општина Лозово склучува договори за привремени вработувања кои што се 1.200 повеќе во споредба со сумата на договорите што се склучени во 2016 година, вели Стаменковска Стојкоски во изјава објавена на нејзиниот профил на Фејсбук. Таа му порачува на градоначалникот, како што рече, „да престанат злоупотребата и партизацијата бидејќи она што се случува во Општина Лозово е да се водат селективни дисциплински постапки за вработени без никакви серизони оправдани причини“. Градоначалникот, посочи таа, не одговара за недоставување извештаи со ранг листи за годишни оцени за сите административни службеници во институциите во предвидениот рок за што Законот за административни службеници предводува глоба од 3.500 до 7.000 евра. -Во исто време додека тој се повикува на член 8 од Изборниот законик како што вели дека не може да ми дозволи да влезам во службените простории на Општина Лозво тој во основното училиште во општината спроведува анкета за СДСМ и колку пратеници ќе добијат. Би сакала да му порачам дека секој ќе понесе одговорност за своите постапки и за ноторната злоупотереба на институциите за партиски цели. Нема да направиме компримис со основните принципи на демократијата и слободата и на избирачкото право на вработените во јавниот сектор, изјави Стаменковска Стојкоски. https://www.facebook.com/nevenkastamenkovska/posts/977794845983838

Стаменковска-Стојковски: Обидот на градоначалникот на Лозово да ги спречи вработените да пријават притисок е потврда за се што се пишува за него

Дарко Андоновски — Thu, 25 Jun 2020 14:42:34 +0000

Дополнителниот министер за информатичко општество и администрација Невенка Стаменковска Стојковски преку статус на Фејсбук пишува дека обидот на Градоначалникот на општина Лозово да ги спречи вработените во јавниот сектор да пријават притисок е само потврда на сето она што го пишуваат за него како политичар, работодавец, но и како човек. -Обидот на Градоначалникот на општина Лозово да ги спречи вработените во јавниот сектор да пријават притисок е само потврда на сето она што го пишуваат за него како политичар, работодавец, но и како човек. Имено, сакав да испратам заедничка порака со градоначалникот дека слободните, фер и демократски избори се наш заеднички императив и дека реалната изборна волја на граѓаните не смее да биде попречена. За жал, додека функционерите на СДСМ декларативно повикуваат на фер и демократски избори, во исто време ги попречуваат сите искрени активности кои се преземаат во таа насока. Сакам да ја известам јавноста дека денес преку допис добив одговор од градоначалникот на СДСМ од Лозово со кој ме известува дека тој не дозволува вработените слободно да можат да пријават притисок во простории на општината на настанот „Отворен ден со граѓаните“ кој е предвиден да се одржи утре од 14:30 до 15:30 часот. На овој начин, функционерите на СДСМ најдиректно порачуваат дека се против начелото за избори без притисок врз вработените во јавната администрација, а градоначалникот покажува дека сите пишувања во медиумите не се без основа. Нема да дозволам злоупотреби на администрацијата и нема компромис на одржувањето на слободни, фер и демократски избори. Ќе потсетам дека законот е јасен и дека секој кој ќе се дрзне врши притисок и заплашување на гласачите ќе одговара со казна затвор од три до пет години. „Отворен ден со граѓаните“ утре ќе има, дали пред или во општината. Банерот за фер избори ќе биде во Лозово, а на вработените во Општина Лозово и јавниот сектор им порачуваме дека во нас имаат партнер кој ќе им овозможи без страв да го остварат своето избирачко право. Го сакале тоа од СДСМ или не, стои во нејзиниот пост на Фејсбук. https://www.facebook.com/nevenkastamenkovska/posts/977189356044387

Стаменковска-Стојковски: Ескалира состојбата и во Службата за општи и заеднички работи каде вработените се изложени на најголеми притисоци преку закани, уцени и распоредувања

Дарко Андоновски — Mon, 08 Jun 2020 13:41:46 +0000

Дополнителниот министер за информатичко општество и администрација на својот Фејсбук профил сподели реакција во која пишува дека заробените институции, хибридениот режим, без одговорност и без грижа за животот и здравјето на своите вработени, не запираат со притисоците и заканите кон вработените во јавниот сектор од една страна, додека надлежните за вршење надзор над примена на законите со месеци не постапуваат по жалби и претставки за да го заштитат правото од работен однос од друга страна. -?Заробените институции, хибридениот режим, без одговорност и без грижа за животот и здравјето на своите вработени, не запираат со притисоците и заканите кон вработените во јавниот сектор од една страна, додека надлежните за вршење надзор над примена на законите со месеци не постапуваат по жалби и претставки за да го заштитат правото од работен однос од друга страна. ⚠️Имено, во изминатиов период доставив претставка за незаконско работење во ЈП за стопанисување со објекти за спорт во сопственост на Република Македонија и за Царинска управа, но до денес немам никаков одговор од Државната комисија за спречување на корупција и од Државниот управен инспекторат. ?Поради не постапување на овие институции во Царинска управа се продолжува со незаконски распоредувања и унапредувања и истите незаконски постапки нема кој да ги запре. Директорот на Царинска управа, доколку за унапредување неговиот кандидат не ги исполнува условите или има помалку бодови, истото не го спречува да го унапреди послабо рангираниот или пак воопшто да не изврши избор што е спротивно на закон. ?Во моментов ескалира состојбата и во Службата за општи и заеднички работи каде вработените се изложени на најголеми притисоци преку закани, уцени, распоредувања, дисциплински постапки и најново: тенденциозни и неосновани забелешки во полугодишното интервју со намера да се влијае врз вработените за претстојните предвремени парламентарни избори. За сите притисоци и закани врз вработените, во континуитет алармирам и ги известувам надлежните институции. Одговорност мора да има‼️ ?Злоупотребите на институциите и на вработенитеза партиски цели и на веднаш мора да сопре, а одговорност да има. ?Апелирам уште еднаш да се запре со притисоците и заканите врз вработените во јавниот сектор, да се запре со незаконските вработувања и унапредувања а надлежните институции да спроведуваат надзори да ги штитат правата од работен однос а не да замижуваат и не постапуваат. ?‍⚖️Секоја злоупотреба на службена должност и овластувањата кои ги имаат функционерите на СДС, ќе сноси одговорност, порано или подоцна! ?Ќе повторам и ќе апелирам до одговорните лица во институциите, доследна примена на Законот за безбедност и здравје при работа, за безбедни работни места лоцирани во просторииите на работодавецот или во некоја привремена или подвижна работна локација до која вработениот има пристап во текот на неговата работа и која е под директна или индиректна контрола на работодавецот. ⏳Време е надлежните функционери на СДС да се посветат на здравјето на вработените а не на притисоци и предизборен поткуп. ?Ги повикувам вработените во јавниот сектор и понатака да ме контактираат за секој притисок, уцена или закана. Ја имате мојата поддршка. Ќе победиме, ќе успееме, стои во нејзиниот пост на Фејсбук. https://www.facebook.com/nevenkastamenkovska/posts/964857067277616

Стаменковска Стојковски: Владата веднаш да преземе мерки за заштита на вработените во јавниот сектор

Дарко Андоновски — Thu, 04 Jun 2020 15:04:41 +0000

Владата веднаш да преземе мерки за заштита на вработените во јавниот сектор, апелира денеска дополнителниот заменик-министер за информатичко општество и администрација, Невенка Стаменковска Стојковски. Според неа, раководните лица од СДСМ не само што не преземаат соодветни мерки за заштита на вработените во јавниот сектор, туку се обидуваат и да ги прикријат оние кои имале симптоми на коронавирусот, а има и ситуации каде на вработени со симптоми не им се дозволува да го напуштат работното место. -Владата да овозможи мерки за заштита на вработените во јавниот сектор. Вработените кои се распределени и патуваат надвор од местото на живеење да бидат вратени веднаш во својата матична институција или да бидат ослободени од патување за да се заштитат нивните животи и нивните семејства. Да се ослободат сите вработени кои немаат безбеден и редовен превоз до нивното работно место и назад, да работат од дома онлајн освен оние од институциите каде навистина има потреба од физичко присуство на вработените, но притоа да се примени принципот на ротација на вработените, но не повеќе од две лица присутни во иста просторија и да се утврди дека условите се согласно препораките за заштита, да се преземат мерки за соодветна организација на работните единици/простории во институциите како би имало соодветен простор, односно растојание меѓу вработените, а хронично болните, бремените жени, лицата кои се самохрани родители веднаш да бидат ослободени од работа, а функционерите на СДСМ за кои добив известување дека не ги почитуваат мерките и препораките, веднаш да бидат санкционирани и повикани на одговорност, рече Стаменковска Стојковски во видео изјава. Таа потсети дека во понеделникот, на 1 јуни 2020, го предупредила министерот Дамјан Манчевски дека, како што рече, не постојат никакви протоколи, дека условите не се согласно препораките на Светската здравствена организација, како и дека здравјето на вработените е доведено во прашање. -За жал, утрово се потврди, дознав дека во зградата позади мене каде работам, поголем број вработени од различни институции имале симптоми на КОВИД-19. Сигурна сум дека никој не презел каква било мерка за заштита на вработените од оваа зграда и општо за вработените во јавниот сектор. Апелирам на доследна примена на Законот за безбедност и здравје при работа бидејќи сериозно сум загрижена и револтирана што и по три месеци од прогласување на вонредната состојба, не се воспоставени никакви протоколи за работа во секоја институција со цел заштита на животот и здравјето на вработените во јавниот сектор, а со тоа и на сите граѓани кои користат услуги од институциите, нагласи дополнителниот заменик-министер.

Стаменковска Стојковски: Идентификувавме дури 65 неисполнети ветувања во однос на Реформата на јавната администрација

Ивана Ефремовски — Wed, 03 Jun 2020 10:52:52 +0000

Три години од формирањето на Владата, Дамјан Манчевски говори за "евидентни резултати". Такви резултати имаат само во водењето на нивната капитулантска политика. "Наведната глава сабја не ја сече, но и сонце не гледа". А не гледа не само поради капитулантската политика, туку и поради криминалците кои не мислат на граѓаните туку само на своите џебови, истакнува заменик министерката Невенка Стаменковска Стојковски. Нејзиниот Фејсбук статус го пренесуваме во продолжение: Од нивниот „План за живот“ идентификувавме дури 65 неисполнети ветувања во однос на Реформата на јавната администрација, развојот на информатичкото општество и медиумите, области кои се под директна надлежност на Министерството за информатичко и администрација.

Во првата година биле обезбедени помалку од 0,5% од потребните средства за спроведување на акцискиот план за Стратегијата за Реформа на јавна администрација, а се доцни со над 50% од активностите предвидени во истиот. Но затоа, Владата на СДС не се откажува од комодитетот и во истата година обезбедила средства за над 150 луксузни возила. Тоа говори за нивните приоритети! Но, одговорност ќе има, а судот на народот пристигна.