неверство – Kurir.mk

Дознајте дали сте во врска или брак со прељубник

Ивана Ефремовски — Sun, 22 Oct 2023 13:44:20 +0000

Ако сте во врска или во брак со некој од овие три хороскопски знаци, се надеваме дека знаете како да простите неверство. Се разбира дека и помеѓу овие хороскопски знаци има верни и лојални, но тие се исклучоци. Овие три хороскопски знаци се сметаат за најголемите прељубници во зодијакот. Близнаците не планираат прељуба, но го прават тоа „додека кажете кекс“. Ако се сомневаат во верноста на саканата личност, тие простуваат, бидејќи и самите не се многу подобри. На близнаците мажи, прељубата едноставно им се случува и ако нивната партнерка дознае за тоа, тој ќе ве убедува дека „не е така како што изгледа“. Тие не се злопамтило, живеат во сегашноста и мотото им е „земи се што ти дава животот“. Стрелците неверени се по природа, дури и кога се обидуваат да бидат лојални, едноставно ќе им се намести ситуација и нема да можат да одолеат на предизвикот на љубовта. Бидејќи обично имаат барем по неколку значителни врски и ако останат во еден брак, нема да бидат верни, освен ако не се оженат на четириесет години. За разлика од жените стрелец кои ја претпочитаат суровата вистината, повеќе од најслатката лага (и затоа тие не простуваат неверство), мажите родени во овој знак неверството на партнерката знаат како да го простат, бидејќи се свесни дека тоа и го заслужиле некако. Водолијата сака да им држи лекции на другите за морал додека самите ги кршат правилата, бидејки на кого ќе му направат задоволство, ако не – на самите себе. Ги импонира тоа што имаат репутација на заводник во друштвото, но гледајки ги нивните сопствени интереси не забележуват дека тоа и пречи на личноста со која се во емотивна врска. Иако неверен, мажот водолија инсистира на искреност и тешко простува, затоа што тој не може да верува дека на неговата партнерка некој друг би можел да и биде поинтересен од него. Поради тоа што ги отфрлаат сите оние лојални, водолијата обично завршува до жена, која ќе биде сè друго, само не – верна.

Паника од другата страна на перница: Што значи ако сонувате дека партнерот ве изневерува?

Ристе Здравков — Thu, 07 Sep 2023 07:30:12 +0000

Паника од другата страна на перницата: Што значи ако сонувате дека партнерот ве изневерува? Во потрага по место Барањето место за препуштање на страстите може да значи недостаток на интимност во врската, а може да симболизира монотонија во вашиот сексуален живот и дека не сте сигурни за иднината на вашата врска. Со бивши Сексот со бившите може да биде многу вознемирувачки или да предизвика вина ако имате нов партнер. Ваквите соништа не се невообичаени бидејќи се резултат на потсвесна споредба на старата со новата врска. Доколку сте сами, постои можност таквите соништа да се резултат на нерасчистени односи со поранешниот партнер. Странец во кревет Странец во кревет обично значи досада и желба за нова возбуда во животот. Тоа може да биде сигнал да се опуштите повеќе, да ризикувате и да станете спонтани – затоа што не знаете каде може да ве однесе. Ако таков сон е непријатен, тоа може да биде предупредување дека чувствувате опасност во реалниот живот. Во јавност Сексот во јавност има двојно значење. Според првото, станува збор за барање одобрение од околината за избор на партнер. Според второто, тоа значи дека му се восхитувате на некој квалитет на вашиот партнер, па би сакале и самите да бидете малку повеќе такви. Тројка „Тројката“ е симбол на желбата за поголема поддршка во животот, но и на нарушена самодоверба. Ако жената е доминантна во сон, тогаш можно е нешто да ви недостасува на емотивното поле на животот. Истиот пол Хомосексуалните соништа ако сте хетеросексуалци, не се воопшто ретки, истакнуваат експертите. Тие обично откриваат потсвесна желба – ако сте жена, потребата за повеќе нежност во животот, а ако сте маж, потребата за повеќе акција и решителност. Прељуба Мамењето во сон може да ви создаде проблем во реалноста, но многу ретко го има истото значење во реалниот живот. Аналитичарите од соништата објаснуваат дека тоа претставува страв од емоционално напуштање, дека партнерот ќе се одљуби или ќе ја раскине врската. Несоодветно Сексот со некој несоодветен, без разлика дали тоа е сопругот на вашата пријателка, роднина или вашиот шеф, значи дека сте заинтригирани од личноста на оној за кој сте сонувале или сте паднале во рутина до тој степен што подобро би направиле нешто драстично за да ја промените ситуацијата во вашиот љубовен живот. Славна личност Славната личност во кревет е всушност идеалот што го барате кај партнерот. Покрај тоа, таквите соништа можат да ја претставуваат вашата желба другите луѓе да ве ценат повеќе, да го забележат вашиот напор или уникатност.

Психотест: Одговорете на пет прашања и проверете колку сте љубоморни

Ивона Петрова — Mon, 03 Jul 2023 18:39:23 +0000

Љубомората кога се дозира е сосема нормална појава. Сепак, претераната љубомора не е добра за ниту една страна, а може да биде огромен проблем во врската. Обично едната страна има поголем проблем и поради сопствената несигурност се сомнева во партнерот и неговите постапки. Дали некогаш сте се запрашале колку сте љубоморни? Време е да проверите. Одговорете на овие пет прашања и многу брзо ќе имате јасна слика за тоа. 1. Партнерот почнал да добива чудни телефонски повици, на кои не одговара во ваше присуство: оди во кујна или бања, зборува тивко. Каква е вашата реакција? А: Сега ќе направам скандал! Мора да има љубовник/ца Б: Ќе се обидам да прислушувам. Ако тоа не успее, ќе барам по телефонот да видам кој се јавил. В: Мислам дека знам за што зборува: нашата годишнина се ближи - тој веројатно ми подготвува подарок! 2. Ви се чини дека во гужвата на улица од далеку го видовте партнерот: тој се качуваше во такси со млада жена / млад маж која ви е непознат/а. Што мислиш? А: Ме изневерува! Одам дома веднаш да ги фрлам сите негови/нејзини работи низ прозорецот! Б: Се прашувам која е таа/тој? Навечер ќе го/ја прашам со кого се вози во такси сред бел ден В: Во тоа време е на работа, сигурно знам. 3. Се врати саканата личност дома, мириса со скап француски парфем. Вие… А: Веднаш мислиш дека го купил затоа што се гледа со друга жена/маж и обвинуваш за неверство Б: Велиш дека ти се допаѓа како мириса и прашуваш кога ќе ти купи нов парфем В: Работи во успешна компанија и треба убаво да мириса. 4. Упорно и се јавувате на саканата личност, но не крева телефон. Како се однесувате? А: Веќе ги имате најлошите сценарија во вашиот ум - суштината на нив е иста: сега е со друг/а маж/жена Б: Мора да е на состанок. В: Зафатен/а е и не слуша. Штом слушне, ќе се јави. 5. Дали би можеле да простите неверство? О: Никогаш! Б: Многу би ме повредило и понижило, но би нашол/ла сила да простам поради семејството што е на прво место В: Да, зошто да се прави премногу драма од момент на слабост?! На крајот на краиштата, кој од нас е без грев? Најмногу одговори под А Премногу сте љубоморни што понекогаш станува опсесија. Не би било лошо да ја контролирате малку вашата љубомора. Во спротивно, вашата сакана личност еден ден ќе одлучи дека доста е да ве трпи вас и вашите испади и ќе замине. Најмногу одговори под Б Му верувате на партнерот, но одвреме-навреме во вашата душа сè уште има љубомора, што е повеќе добро отколку лошо бидејќи покажувате дека се уште се грижите за партнерот. Навестување на љубомора му дава и самодоверба, се чувствува пожелно. Најмногу одговори под В Воопшто не сте љубоморни. На прв поглед, може да изгледа дека ова е благослов: секогаш сте во добро расположение, не правите сцени и скандали. Но, таквиот став може да значи и дека секогаш ја следите линијата на најмал отпор. Ако некогаш имате вистинска причина да се сомневате во партнерот, нема да им верувате на очите, ќе се уверите себеси дека сте замислиле се.

Овие хороскопски знаци ќе ве изневерат без да трепнат

Ивона Петрова — Mon, 03 Jul 2023 18:15:46 +0000

Иако не постои научна основа која директно би ги поврзала астролошките знаци со верноста, некои хороскопски знаци често се истакнуваат како неверници. Не значи дека сите родени во овие знаци ќе бидат неверни, но според астролошките толкувања тие се повеќе склони кон такво однесување. БЛИЗНАЦИ Близнаците се познати по својата љубопитност и променлива природа, што често ги доведува во искушенија. Сакаат возбуда и нови предизвици, а монотонијата лесно може да ги наведе да бараат забава „на страна“ СТРЕЛЕЦ Слободољубивите Стрелци имаат страст за авантура и откривање нови работи. Тие се стремат кон слобода, а ако се чувствуваат ограничени или ограничени во врската, може да бидат склони кон неверство. ВОДОЛИЈА Водолиите се познати по својата независност и оригиналност. Сакаат слобода и експериментирање, што може да резултира со проблеми во моногамните врски доколку не се чувствуваат доволно исполнети. ОВЕН Овните се енергични и импулсивни, а тоа може да доведе до спонтани одлуки кои вклучуваат неверство. Овните сакаат возбуда, а ако врската не го обезбедува, може да ја побараат на друго место.

Психијатарка објаснува: Што се крие зад неверството и каква е поврзаноста со љубовта?

Ивана Ефремовски — Thu, 16 Mar 2023 09:43:21 +0000

Постојат многубројни психолошки причини за тоа зошто некој сака да изневерува, но според психијатарката д-р Сузан Еделман, најдоброто објаснување е она што го користеше поранешниот претседател на САД - Бил Клинтон, кога ја објаснуваше својата љубовна авантура со Моника Левински. Тој тогаш рече, го направил тоа - затоа што можел.

Во интервју за „Елит дејли“ (Elite Daily), д-р Еделман објаснува дека луѓето кои редовно изневеруваат, без разлика колку го сакаат партнерот/-ката, најверојатно „имаат проблеми со корени во детството поради што се чувствуваат недостојни за љубов“ и се плашат од интимност. -Поради тоа избегнуваат да бидат вистински интимни со партнерот. А, друго можно објаснување, е дека тие би можеле да имаат проблеми со сексуална зависност или нарцисоидни или социопатски карактерни црти, појасни докторката. Таа смета оти е важно, тн. „сериски изневерувачи“ кои сфаќаат дека имаат проблем - да побараат помош. -Но, почнете со тоа што ќе бидете искрени со себе и ќе си признаете дека имате проблем. Во спротивно, најверојатно ќе повредите многу луѓе, а ќе ја нарушите и вашата самоувереност, нагласи д-р Еделман. Има совети и за оние кои веќе изневерувале, но имаат каење и не сакаат тоа да им стане навика. -Ако не планирате тоа да прејде навика, поштедувањето од болката на партнерот е најдобриот начин доколку навистина сакате да останете со него / неа. Но, ако се посомнева и ве праша дека сте неверни, не ги влошувајте работите со лажење, советува психијатарката. Како човекот да им се спротивстави на погрешните мисли? - Со настојување на фактот дека има моќ да му одолее на нагонот. -Првиот чекор е да се разгледаат вистинските последици од изневерувањето. Треба да бидете целосно свесни за тоа што би можело да се случи ако постапите според вашите желби. Многу е веројатно дека изневерувањето ќе му наштети на односот со партнерот, децата, но и на вашиот углед. Откако ќе ја преминете линијата, можеби ќе биде полесно да ја преминете повторно и така да создадете шема на мамење, појасни Еделман. Разговорот со пријател или член на семејството кој разбира и сака да помогне, исто така може да биде од помош. -А, и да му кажете на партнерот дека имате нагон на изневерување, може да биде изненадувачки корисно. Иако тоа може да биде многу тешко да се направи, помалку ќе го повредите партнерот ако тоа е само мисла, а не и намера за вистински чин, рече стручњакот. Секако, важно е и да се нагласи - има разлика за тоа дали оваа желба се јавила поради горенаведените причини или зашто сте несреќни во врската. (МИА)

Приватен детектив открива: На овие места луѓето најмногу изневеруваат

Ивона Петрова — Mon, 09 Jan 2023 12:50:47 +0000

Сопственик на приватна детективска агенција откри на кои места најмногу изневеруваат партнерите... Факт е дека изневерувањето во врските се случува. Дали ќе бидат откриени зависи од вештината на партнерот кој изневерува. Судејќи според филмовите, аферите најмногу се одвиваат во хостели, затскриени и тајни места. Но, дали е навистина така? Според Лука Атнес, кој раководи со приватна детективска агенција, местата каде што се случуваат измами не се воопшто романтични, а имагинацијата доаѓа до израз во голема мера. Како што кажа и самиот, низ својата 21-годишна кариера сфатил дека креативноста и изборот на чудни места и до ден денес го восхитуваат. Ова се некои од најчестите локации каде луѓето изневеруваат, според овој сопственик на приватна детективска агенција: 1. Шума „Знам дека звучи како малку бизарно сценарио за филм, но тоа навистина се случува. Да речеме неодамна следевме господин кој трчаше секое утро и по неколку километри ќе сретне жена и ќе продолжија да трчаат заедно. По кратко време заедно трчајќи дојдоа во област со многу дрвја и грмушки и останаа таму 20 минути пред да продолжат да трчаат и да се вратат дома. А откако поставивме неколку скриени камери во грмушките, имавме и цврсти докази за потврда нашите сомнежи“, откри Лука една од приказните. 2. Паркинг Како што објасни, паркингот е едно од најчестите места каде што луѓето вршат неверство. „Знаевме дека имаме случаи кога луѓето мамат на паркинг во луди услови, како што е еден случај кога ги фативме на дело, во текот на летото, на 40 степени“, објасни тој. 3. Јавни тоалети „За разлика од многу други локации кои секој може да ги користи, факт е дека јавните тоалети се места кои нудат прилично високо ниво на приватност. А неверството како ова е потешко да се докаже, бидејќи нема ништо чудно во тоа да одите во тоалет и да останете таму, така што алиби полесно се гради“, истакна Лука. 4. Кино „Затемнетиот простор во кој сите присутни се фокусирани на екранот секако е во корист на неверниците. Филмовите можат да послужат и како одлично алиби, бидејќи е можно да се сретне личноста со која има афера во самата сала, откако филмот ќе почне да се емитува. А седењето во темна просторија значи да се обезбеди можност секоја таква акција да помине невидена, како и секој звук што го правите“, заклучи тој.

По 30 години решена мистерија, татко успеал да ги пронајде двете ќерки

Ивона Петрова — Thu, 22 Dec 2022 21:01:49 +0000

Откако го фатила сопругот како изневерува, а поради тоа и ја претепал, Илејн Јејтс (74) решила да побегне со двете ќерки од Род Ајленд во Америка во 1985 година. Постарата ќерка Кимберли тогаш имала четири години, а Кели само десет месеци. Нивниот татко Расел ги барал повеќе од три децении. Расел Јејтс никогаш не се откажал од потрагата по своите ќерки и после 31 година успеал да ги најде. Полицијата преку компјутерски програми направила фотографии од ќерките, односно како тие би можеле да изгледаат по 30 години. Врз основа на тие генерички фотографии објавени на социјалните мрежи, полицијата успеала да им влезе во трага. Откриле дека Илејн Јејтс живее под името Лијана Валдберг во Тексас. Илејн била пронајдена во нејзиниот нов дом во Хјустон, 3.000 километри оддалечен од оној од кој побегнала. Ќерките во тоа време биле мажени и живееле со нивните нови семејства под псевдоними. Жената била уапсена и чека екстрадиција од Тексас на Род Ајленд. Ќерките, независно од нивната мајка, биле сослушани во полиција и им бил даден телефонскиот број на нивниот татко. Не е познато дали дотогаш знаеле за нивниот претходен идентитет. -Отсекогаш се трудев да ги најдам своите деца и конечно можам да контактирам со нив, рекол Расел и истакнал дека едвај чека да контактира со своите ќерки. Расел не негирал дека ја претепал сопругата за време на расправија откако таа го фатила како ја изневерува. Тој додал дека бил лош сопруг, но дека е добар татко и дека ги барал своите ќерки повеќе од 30 години.

Со нив браковите не траат долго: Овие пет хороскопски знаци најчесто се разведуваат

Ивана Ефремовски — Fri, 11 Nov 2022 17:32:08 +0000

Долготрајниот брак со љубов е важен фактор во животот на многу луѓе, но има хороскопски знаци кои имаат поголеми шанси за развод од другите. Ако сте родени во еден од овие 5 хороскопски знаци, размислете добро пред да се одлучите за брак бидејќи имате поголеми шанси за развод од другите хороскопски знаци. Близнаци Променливите Близнаци сакаат едно нешто еден ден, а другиот нешто сосема друго, па на оваа листа се најдоа со причина бидејќи со нив никогаш не се знае. Исто така, имаат тенденција да ги идеализираат своите партнери, па лесно можат да се разочараат од нив. Водолија Ја сакаат својата независност и најдобро се чувствуваат кога се сами - НАЈСАМИОТ знак на зодијакот. Ако се чувствуваат ограничени во врската или бракот, голема е веројатноста дека ќе раскинат или ќе поднесат барање за развод бидејќи нивната слобода е на прво место. Јарец За разлика од Близнаците и Водолиите, Јарците обично не се тие што бараат развод, туку најчесто тоа го посакуваат нивните сопружници. Имено, луѓето родени во овој знак се обидуваат да ги импресионираат партнерите додека не го добијат она што го сакаат, а тоа најчесто е брак, а потоа престануваат да се трудат. Стрелец Стрелците обожаваат флерт и не можат да се воздржат од него дури и кога се во брак, што секако на нивните сопружници воопшто не им се допаѓа, па по некое време не се разведуваат. Ретки се оние кои можат да издржат во брак со типични претставници на овој знак. Скорпија Исто како и Стрелците, Скорпиите не пропуштаат прилика да флертуваат и имаат тенденција да ги изневеруваат своите партнери. Покрај тоа, тие се многу љубоморни и посесивни во брак или врска, што ретко кој може долго да го издржи.

Три причини зошто луѓето ги изневеруваат партнерите кои ги сакаат: Неверството не е секогаш резултат на лоша врска

Ивана Ефремовски — Thu, 10 Nov 2022 09:09:38 +0000

Изневерувањето не е секогаш резултат на лоша врска. Всушност, повеќето луѓе кои изневеруваат велат дека го сакаат својот партнер, го сметаат партнерот привлечен, ја ценат нивната врска и не сакаат да го уништат животот што го создале со партнерот. Самоистражување За некои, изневерувањето е начин да се истражат потиснатите делови од себе. Овие луѓе навистина не сакаат да ја променат суштината на тоа што се, тие само сакаат да избегаат од тоа ограничување на кратко. Тие не бараат друга личност, тие бараат скриена верзија од себе. Несигурност Понекогаш луѓето имаат проблеми со самодовербата. Тие не се чувствуваат привлечни, моќни, паметни, млади итн. Затоа бараат потврда преку изневерување. Тие ја користат таа искра на интерес за да се чувствуваат посакувано и ценето. Ги привлекува забранетото Овие прељубници се како деца кои го крадат чоколадото што мајка им им рекла дека не можат да го имаат. Затоа забранетото чоколадо изгледа многу пожелно. Истото е и со измамата. Бидејќи прељубниците не треба да изневеруваат, изневерувањето им е особено интересно и привлечно.

Неверството е помал проблем од ОВИЕ ГРЕШКИ: Ако правите вакви работи, си ја уништувате врската

Ивана Ефремовски — Thu, 27 Oct 2022 19:45:58 +0000

Постојат некои работи кои ја уништуваат врската постепено, а некои ги сметаат за полоши и од неверство. Врската се заснова на доверба, искреност, лојалност, љубов и меѓусебно разбирање, и ако само тие работи недостасуваат, тешко дека ќе преживеат. Некои работи што ги правите може да бидат уште полоши од мамењето затоа што ја уништуваат врската малку по малку. Кои се работите што доведуваат до распад почесто од аферата зад грбот на партнерот?

Лаги

Колку и да криете разни работи од партнерот, лажењето никогаш не е добра идеја. Дури и ако сакате да заштитите друга личност, малите лаги може да доведат и до големи проблеми подоцна. Штом ќе се расипе довербата, тешко е да се обнови.

Недоверба

Ако ви е тешко да му верувате на вашиот партнер дури и околу некои мали нешта, веројатно сте насобрале лутина кон таа личност која во никој случај не е добра. Честопати ја уништува врската дури и пред да сфатите дека е меѓу вас. Обрнете внимание на тоа.

Понижување

Постојани забелешки, коментари, критики… Сето ова влијае на самодовербата на партнерот, а вербалната навреда не е неопходна за да се уништи. Можеби тоа го правите целосно несвесно или мислите дека не е толку страшно. Вие ја уништувате врската.

Останување во врска кога повеќе нема љубов

Да останете со некој само затоа што сте зависни од нив и не знаете да бидете сами по години и години во врска е сосема погрешно. Не само што ги нарушувате односите со таа личност, туку и го нарушувате вашиот мир и среќа.

Недостаток на комуникација

Ако не можете да споделите некои работи од вашиот живот со партнерот, тоа е алармантно. Со тек на време многу ќе се акумулираат и комуникацијата ќе се сведува на минимум. Обидете се да го поправите ова пред да биде предоцна.

Манипулација

Односот не е игра каде што можете да манипулирате со некого. Поентата е да се третирате еден со друг подеднакво. Ова е токму темелот на секоја здрава врска. Манипулацијата, во која било форма, може да ѝ наштети на некоја личност, да ја уништи самодовербата и да направи повеќе штета отколку што мислите.