невладини организации – Kurir.mk

СП 2022: Невладини организации бараат спонзорите да ги обесштетат странските работници

Тале Кристо — Tue, 20 Sep 2022 17:24:35 +0000

Неколку невладини организации за заштита на човековите права ги повикаа денеска спонзорите на претстојното Светско фудбалско првенство да им платат отштета на работниците кои биле ангажирани на изградба на објектите за потребите на Мундијалот во Катар. Како причина за барањето организациите ги наведоа злоупотребата на работниците и тешките услови за работа. Невладините организации редовно ги критикуваат условите за работа на работниците мигранти ангажирани на градилиштата во Катар. Од вкупно 14 корпоративни партнери на ФИФА, досега само Кока-Кола, Адидас, Мекдоналдс и АБ Инбев се обврзаа да исплатат паричен надомест за странските работници во Катар. – Останаа уште само два месеци до почетокот на турнирот и спонзорите би требало да го искористат своето влијание за да извршат притисок врз ФИФА и Катар да ги исполнат своите обврски кон работниците, изјави Минки Ворде, директорка во Хјуман Рајтс Воч.

Невладини организации: Здравствената криза може да прерасне во нарушување на човековите права

Катерина Бојаџиева — Thu, 02 Apr 2020 16:41:22 +0000

Силниот дигитален надзор за контрола на пандемијата на коронавирусот мора да биде ограничен во време и обем, порачаа денеска повеќе од 100 невладини организации, предупредувајќи ги владите да не ја користат оваа криза за нарушување на слободата на човековите права. Организациите наведуваат дека владите ширум светот, од препознавања лица до следење на телефоните, се свртуваат кон технологии за следење на заразата и контрола на населението за време на карантинот. „Но, без контрола, овие мерки може трајно да им наштетат на човековите права“, соопштија водечките светски невладини организации, предводени од „Хјуман рајтс воч“.

Новинарката Точи: Ги снема невладините кои протестираа за воздух и здравство, си фатија позиции па сега им е супер по цена на човечки животи

Ивана Ефремовски — Tue, 22 Jan 2019 08:39:23 +0000

Новинарката Менче Точи на својот Фејсбук профил со критика за состојбата во здравството и загаденоста на воздухот. Таа коментира дека лицата од невладините организации кои порано протестираа на овие теми, сега си фатија позиција и никаде ги нема. -Ги снема невладините или истите оние ликови што протестираа за чист воздух, а богами и за состојбата во здравството за која ревносно го дигаа својот глас. Си фатија позиции па сега се е супер, по цена и на човечки животи. Не бидува држава од нас, дефинитивно, напиша Точи.

Невладините во Тетово бараат повеќе зеленило во градот

Матеја Петровски — Tue, 24 Apr 2018 13:48:03 +0000

Со зелен теписон на градскиот плоштад како и дрва и палми напарвени од отпадоци собрани од тетовските улици активистите од неколку невладини организации од Тетово со симболичен пикник на градскиот плоштад од локалната самоуправа побараа да го зголеми зеленилото во градот. - Нашата акција е да се покрие сиво со зелено зошто многу малку имаме зеленило особено во централното подрачје на Тетово. Со овој наш перформанс праќаме порака до надлежните дека треба да има повеќе зеленило низ градот, рече Гзим Нухиу. Тој посочи дека кога побарале дозвола од градските власти за организација на настанот ги повикале и претставниците на општината да дојдат но не добиле потврден одговор и оти никој од локалната власт не ја посетил активноста. Лус Отон е 25-годишна девојка од Франција која во Тетово е на студиски престој. -Мило ми е што можам да дадам придонес во вакви настани во кои младите посочуваат проблем како што е недостиг на зеленило. Нема места каде луѓето може да поминат квалитетно време. Во градот каде што живеам во Франција имаме повеќе поголеми паркови и тие се отворени за сите, а за нив се грижи општината, изјави Лус. Според Законот за урбано зеленило донесен во јануари годинава како стандард е поставено да постои 25 метри квадратни по жител зелена површина во сите идни генерални урбанистички планови како и најмалку 20 отсто зелена површина на секоја градежна парцела зависно од намената и локацијата. (Миа)

СДСМ ги замолкна “невладините“ за загадувањето!

Ивана Ефремовски — Tue, 09 Jan 2018 19:19:44 +0000

Молк кај невладините организации за екстремната загаденост на воздухот. Доколку е потребно ќе дишат и чист јаглерод диоксид, но на протест против власта на СДСМ нема да излезат. Имено, главниот град на Македонија ги сруши сите рекорди. Скопје оваа зима го достигна првото место на најзагаден град во светот. Невладините организации кои минатата зима редовно го пречекуваа тогашниот градоначалник Коце Трајановски протестирајќи пред неговиот кабинет, барајќи и субвенции за гробни места, бидејќи според нив загадувањето во главниот град тогаш одземало многу човечки животи, сега ги нема да излезат со реакција. Молчат како воздухот во Скопје да е нормален и чист. Фактичката состојба е полоша од минатата година. Клиниките се преполни, а граѓаните на сопствен ризик излегуваат од своите домови за своите основни потреби. Секоја минута помината надвор е ризична, не само за децата туку и за бремените жени, старите изнемоштени лица, хронично болните, но за жал повеќе нема протести со гас маски или какви било барања од невладините организации. Додека лани протестираа сега никаде ги нема. Имено, минатата година додека се уште градот го водеше Коце Трајановски, остри критики како и протести беа упатени кон него од страна на сегашниот директор на Агенцијата за туризам, Александар Донев кој ги организираше протести, како и друг вид на граѓански незадоволства. -Не можеме да очекуваме само добра волја доколку ние сме во волку мал број,мислам дека треба се поголем број граѓани да се вклучат да го покажеме на шето незадоволство да се превземе некаква акција, тогаш ниту градоначалникот ниту било која институција неможе да не игнорира. Тоа се покажува како успешно и до сега. Мислам дека тоа е единствениот излез затоа што додека сме во помал број ќе идеме во една институција ќе идеме во друга, треба сите да придонесеме кон тоа и тогаш никој нема да може да не игнорира, рече Александар Донев во изјава за медиумите, додека воздухот се уште му беше “приоритет“ Донев, човекот што бараше субвенции за гробно место е награден со директорска позиција и веројатно не му пречи толку загадениот воздух бидејќи поголемиот дел од времето го минува надвор од Македонија. Неговото прославување следува по низа скапите аражмани како во Тирана, така и патувања во Аргентина. Од власта на СДСМ ништо ефективно во врска со загадувањето. На социјалните мрежи има низа повици Заев и Шилегов нешто да превземат, но нивните сопартијци кои под превезот на невладини организации протестираа до лани, сега се тивки и не се грижат за загаденоста. Камионот “градилиште“ во среде центар на градот во периодот на најзагаденост. Да излезат со реакција ги нема ни бројните новинари блиски до сегашната власт. Луѓе кои беа најгласни за загадениот водух во време додека СДСМ беше опозиција. Дали сега воздухот не им е проблем?