„Невозможна мисија 7″ – Kurir.mk

Том Круз во најопасниот каскадерски потфат досега

Ивона Петрова — Fri, 27 Aug 2021 12:05:13 +0000

Том Круз вчера го претстави она што тој самиот го нарече – најопасниот каскадерски трик на сите времиња. Се работи за сцена од претстојниот филм „Невозможна мисија 7“. Круз, познат по опасните сцени каде што самиот ги изведува каскадерските маневри, тука вози мотор по стрмен предел кој се спушта од џиновска карпа, во Норвешка, па потоа се фрла во воздух пред да го отвори падобранот. Видеото и разговорот меѓу глумецот и режисерот Кристофер Меквери за подвигот беа прикажани на собирот на кинематографи и директори на холивудски студија во Лас Вегас. – Oва е најопасното нешто што сум се обидел да го направам, а работиме на тоа со години. Сакав да го направам ова од кога бев малечок!, изјави Круз. Во новото продолжение, суперагентот Итан Хант почнува нова мисија која ветува серија акциони сцени од кои запира здивот. „Невозможна мисија 7“ треба да излезе во мај 2022 година со едногодишно задоцнување поради пандемијата што го прекина снимањето во Италија, па тоа проддолжи во Норвешка и Велика Британија.

Продолжува невозможната мисија за снимање на филмот „Невозможна мисија 7“

Тале Кристо — Wed, 08 Jul 2020 09:30:01 +0000

Том Круз продолжува со снимањето на седмиот дел од филмот „Невозможна мисија”. Но, тоа нема да се одвива во Венеција, Италија, како што првично беше предвидено, туку во Велика Британија, откако Владата во оваа земја дозволи работа на филмските студија затворени поради корона-пандемијата. Круз имал и видеоразговор со тамошниот министер за култура – Оливер Дауден, којшто потоа во изјава го потврди олабавувањето на ограничувачките мерки. Снимањето ќе продолжи во студијата на „Ворнер брос” во Ливсден, Хартфордшир. Според протоколите, глумците и филмската екипа ќе треба да работат во изолиран простор и да се движат само во работните простории и местото на престој, а не и на јавни места. Том Круз, Сајмон Пег, Ребека Фергусон, Винг Рејмс и другите ѕвезди од серијалот филмови, веќе се подготвуваат за новата акциона авантура. Британецот во побитните неколку ликови, Сајмон Пег вели дека глумецот-каскадер Том Круз (58) не е тип што оди на ризик. – Тој никогаш не прави ништо без размислување и сите негови актерски акробации се внимателно замислени, обмислени и изведени. Сѐ што прави, е навистина безопасно, нагласи Пег. (МИА)

Том Круз и екипата од „Невозможна мисија 7“ ставени во карантин заради коронавирусот

Ивана Ефремовски — Sun, 01 Mar 2020 09:04:06 +0000

Холивудскиот актер Том Круз и екипата на филмот „Невозможна мисија 7“, што се снима во Венеција, се сместени во карантин заради коорнавирусот што се шири низ Италија. Веста ја пренесе весникот „Џерусалем пост“ , повикувајќи се на британскиот актер Сајмон Пејџ. Тој наведува дека Том Круз допатувал во Италија на 20 февруари заради снимање на седмото продолжение од филмот „Невозможна мисија“. Заради епидемијата од коорнавирус, што со молневита брзина се шири низ Италија, целата филмска екипа е ставена во изолација во раскошниот хотел „Грити палас“, пренесе„ Џерусалем пост“. Оттаму се истакнува дека никој од филмската екипа не е заразен од коронавирус, а во карантин ќе се наоѓаат до утре, 2 март.

Претходно, медиумите пренесоа дека снимањето на холивудскиот блок-бастер е стопирано заради ширењето на коорнавирусот. Фулмот „Невозможна мисија 7“ требаше во кино салите да се појави во јули следната година, но сега е неизвесно дали планираниот термин ќе биде исполнет.

Коронавирусот го одложи снимањето на „Невозможна мисија 7″

Ивона Петрова — Tue, 25 Feb 2020 10:19:52 +0000

Парамаунт пикчрс го одложи снимањето на филмот „Невозможна мисија 7″ во Италија, поради заканите од коронавирусот. Снимањето на новиот филм од серијалот требаше да почне вчера во Венеција, но позитивните тестови за присуство на коронавирус во Италија ги принудија продуцентите да го замрзнат проектот. Во соопштението, Парамаунт пикчрс се повикува на забраната за собири на јавни места во Венеција и изразува загриженост за глумците и другите вработени. Не се знае до кога ќе трае одлагањето. Ѕвездата на филмот, Том Круз претходно не бил пристигнат во Венеција. Компанијата вчера го одложи и прикажувањето на филмот „Соник” во Кина. Кината во земјата не работат поради опасноста од коронавирусот. Кинескиот кинопазар е вториот најголем на светот.