неврохирургија – Kurir.mk

Драма на Неврохирургија: Пациент нападнал болничар и друг пациент, па скокнал од прозор

Ивона Петрова — Mon, 11 Apr 2022 07:47:08 +0000

Инцидент со пациент вчеравечер е регистриран на Клиника за неврохирургија во рамки на клиничкиот центар „Мајка Тереза“. Како што дознава Курир, пациент нападнал друг пациент и болничар, по што скокнал од вториот кат. Од МВР за Курир потврдуваат дека ваков настан кај нив е пријавен вчеравечер околу 21 часот. -Пријавено е дека Б.З. (62) од Свети Николе кој бил пациент во болницата со тврди предмети кои ги нашол во собата фрлал кон пациентот С.В. (66) од с.Колари, кичевско. Потоа болничарот Н.Б. (23) влегол во собата со цел да ја смири ситуацијата, но Б.З. и кон него почнал да фрла со предмети по што го отворил прозорецот и скокнал од вториот кат, потврдуваат од МВР за Курир. Пациентот се здобил со тешки телесни повреди и бил задржан на понатамошно лекување. Останатите двајца се здобиле со телесни повреди. Полицијата работи на расчитување на случајот.

На Клиниката за неврохирургија првпат изведена нова техника што врши флуоросцентно обојување на туморите

Тале Кристо — Thu, 03 Feb 2022 14:48:16 +0000

На Клиниката за неврохирургија денеска првпат била изведена нова техника што врши визуелизација односно флуоросцентно обојување на туморите. Новата техника при операцијата ја извршиле д-р Венко Филипче и д-р Владимир Рендевски. -Оваа примена на напредна технологија, значајно придонесува за прецизно отстранување на тумор на мозокот кај пациентите. На колегите од Клиниката им благодарам за асистенцијата. На пациентот му посакувам што побрзо опоравување, вели д-р Филипче.

Пациентката од Тетово не дочека да се оперира на неврохирургија – почина од компликации на коронавирусот, кој го доби во болница

Магдалена Андонова — Fri, 25 Dec 2020 15:43:10 +0000

Пациентката од Тетово која требаше да се оперира од тумор на мозок, но,на неврохирургија одбиваа да и направат операција ,почина од компликации на коронавирусот, со кој се зарази во болница.Семејството е крајно разочарано од негрижата и непрофесионалноста.Ја однесовме да ја излечиме, ја вративме почината,вели синот Жарко. Две недели упорно се обидувале да стапат во контакт со болницата за да дознаат за состојбата на неговата мајка, но залудно.Единствениот повик што го добиле, бил само за да им соопштат дека починала.Се сомневаат дека не добивала соодветна грижа, пренесува Алфа.мк Вртено е од повеќе броеви, многу пати, никој не се јавуваше, да ни каже како се третира жената,како е, што е.. она беше неподвижна, полусвесна, она не можеше сама да се храни, вода да пие..Немавме никаква информација.Јас ја однесов да се излечи, а не да добие уште една болест која за нејзе беше фатална-Жарко Трајковски- син на починатата. Целиот текст може да го прочитате на АЛФА.

Пациент избегал од Неврохирургија

Ивана Ефремовски — Sat, 31 Aug 2019 14:59:17 +0000

На 30.08.2019 во 20:40 часот во Полициската станица Центар Х.К.(52) од Тетово пријавила дека околу 15:30 часот од Одделот за неврохирургија при Комплексот клиники „Мајка Тереза“ се оддалечил Ш.К.(59) од Тетово. Се преземаат мерки за пронаоѓање на лицето.

Чувајте ја кичмата, Клиниката за неврохирургија до средината на мај ќе се реновира!

Ивана Ефремовски — Sat, 03 Mar 2018 09:51:40 +0000

Во претстојниот период до средина на мај треба да внимавате да не се повредите или да не дојдете во ситуација да имате потреба од неврохируршка операција. Средината на февруари се огласи Клиниката за неврохирургија известувајќи ги колегите дека започнува со комплетна реконструкција на Одделот за интензивно лекување и Одделот за болничко лекување, или како што се вели во соопштението „со што значително ќе биде намален капицетот за хоспитализирање на пациенти“. Во истото се известува дека активностите се очекува да завршат до средината на мај годинава. Притоа се замолуваат вработените во здравствените установи во тој период на оваа Клиника да ги испраќаат само итните случаи. Но, она што се пропушта да се направи е да се известат здравствените работници каде точно да упатуваат своите пациенти на кои им е потребен итен неврохируршки третман. Проблемот е што вакви операции нема каде да се прават во држaвава, освен на оваа клиника.