незаконит лов – Kurir.mk

Акциска контрола за незаконит лов, констатирани 6 кривични дела, одземени 9 ловни пушки и муниција

Ивана Ефремовски — Sun, 20 Nov 2022 11:31:25 +0000

Денеска (20.08.2022), во периодот од 04.00 до 08.00 часот, на подрачјето на сите Сектори за внатрешни работи, полициски службеници од Одделот за униформирана полиција извршиле контрола во реоните каде се врши ловство. При контролата, со која биле опфатени 132 локации, биле констатирани шест кривични дела „незаконит лов“ по член 228 од Кривичниот законик и еден прекршок по член 83А од Законот за оружје. Во 06.00 часот во Богданци, кај рампата за ветерници, шест лица биле затекнати при незаконит лов и од нив биле одземени осум ловечки пушки и повеќе парчиња патрони и муниција. Притоа, од Љ.Ш.(60) од с.Стојаково била одземена ловечка пушка „BAIKAL“ и 18 патрони калибар 12мм., од П.Ѓ.(42) од Валандово биле одземени ловечка пушка „BAIKAL“, ловечка пушка „Чешка Збројевка“, 15 патрони и 19 куршуми, од Т.Т.(35) од Богданци биле одземени две ловечки пушки „BAIKAL“ и 15 патрони 12 мм, од В.Б.(47) од с.Ѓавато биле одземени ловечка пушка „BAIKAL“ и 26 патрони 12 мм, од К.Б.(37) од с.Ѓавато биле одземени ловечка пушка „Бергара“ и 18 куршуми калибар 30 60 и од Л.П.(32) од с.Ѓавато биле одземени ловечка пушка „Huglu“ и 17 патрони калибар 12 мм. Во 06.45 часот, пак, на место викано „Витанска крстосница“, на подрачјето на Чашка, од И.Т.(61) од с.Горно Оризари биле одземени ловечка пушка ,,М-80“ и 12 патрони 12 мм, поради сторен прекршок по член 83А од Законот за оружје. По целосно документирање на случајот против лицата ќе бидат поднесени соодветни пријави.

Сакал да фаќа риба, а сега ќе одговара за „незаконит лов“

Ивана Ефремовски — Wed, 16 Nov 2022 16:19:55 +0000

Надворешната канцеларија за криминалистички работи Виница поднесе кривична пријава против М.Г.(65) од Виница поради постоење основи на сомнение за сторено кривично дело „незаконит лов“. На 20.09.2022, пријавениот на место викано „Каскада“ во близина на с.Јакимово, виничко, во реката Осојница поставил мрежи за ловење риба на штета на концесионерот.

Ловеле во време на забрана: Две лица ќе одговараат за незаконит лов

Ивана Ефремовски — Wed, 01 Jun 2022 16:01:27 +0000

Надворешната канцеларија за криминалистички работи Кочани поднесе кривична пријава против Д.Ј.(36) и А.М. од Облешево, поради постоење основи на сомнение за сторено кривично дело „незаконит лов“. На 26.09.2021, пријавените неовластено ловеле во време на забрана за лов на место викано „Кенев рид“, атар на с.Спанчево. Притоа, од пријавените биле одземени две парчиња еднострелно долго огнено оружје, и тоа ,,Баикал” калибар 12 GA и „Застава M-75” калибар 12 GA, репетирачко долго огнено оружје ,,Zastava М-70” калибар 30-06 и две дозволи за оружје.

Приведени лица поради незаконит лов

Тале Кристо — Fri, 04 Mar 2022 11:10:49 +0000

На 03.03.2022 во 23.10 часот помеѓу селата Романовце и Брзак, кумановско, полициски службеници од СВР Куманово ги лишиле од слобода З.С.(55) од село Мршевци, скопско и Д.П.(45) од село Мралино, скопско, затоа што вршеле незаконит лов. При преглед кај нив биле пронајдени и одземени улов и ловечка пушка „Застава“ со патрони. Се преземаат мерки за расчистување на случајот, по што ќе биде поднесена соодветна пријава.

Затекнат кочанчанец како врши неазаконит лов: Полицијата го одзела оружјето, лицето приведено

Магдалена Андонова — Fri, 14 Jan 2022 10:27:03 +0000

На 13.01.2022 полициски службеници го лишиле од слобода Ј.П. (58) од Кочани, бидејќи во место викано „Потоците“, атар на Оризари, кочанско, бил затекнат како врши незаконит лов со ловечка пушка „цифсан ЦСП 555“ калибар 12 ГА. Од страна на полициски службеници биле одземени ловечката пушка со ремник, испукан ловен патрон калибар 12 ГА, ловна муниција 34 броја калибар 12 ГА. По целосно документирање на случајот против Ј.П. ќе биде поднесена соодветна пријава.

Албанец уапсен во Македонија поради „незаконит лов“

Ивана Ефремовски — Tue, 07 Dec 2021 11:33:54 +0000

На 06.12.2021 во 15:00 часот во с.Горенци, општина Дебарца, полициски службеници од Одделението за прекуграничен криминал при СВР Охрид го лишиле од слобода Ф.Ч.(34) од Република Албанија, поради сомнение дека сторил кривично дело „незаконит лов“ по член 228 од Кривичниот законик. Тој бил задржан во полициска станица и по целосно документирање на случајот против него ќе биде поднесена соодветна пријава.

Вршеле незаконски лов – приведени две лица од кочанско

Магдалена Андонова — Mon, 27 Sep 2021 11:55:16 +0000

На 26.09.2021, по преземени мерки и добиени оперативни сознанија, полициски службеници од ОВР Кочани ги лишиле од слобода Д.Ј.(35) од с.Чешиново и А.М.(18) од с.Облешево, општина Чешиново – Облешево, поради постоење основи на сомнение дека во атарот на с.Спанчево сториле кривично дело „незаконит лов“. Во врска со случајот повикан бил А.Ј.(57) од с.Чешиново. Кај А.Ј. и Д.Ј. биле пронајдени и времено одземени три ловечки пушки. Запознаен е Јавен обвинител и по целосно комплетирање на случајот против лицата ќе бидат поднесени соодветни пријави.

За незаконит лов лишени од слобода две лица

Ивана Ефремовски — Wed, 02 Sep 2020 08:30:57 +0000

На 01.09.2020 во 22:30 часот во с.Панчарево, полициски службеници од Полициска станица за Граничен премин и Граничен надзор Делчево, поради постоење основи на сомнение дека вршеле незаконит лов, од слобода ги лишиле М.Д.(26) и Т.И.(38), двајцата од с.Панчарево, делчевско. По целосно документирање на случајот, против нив ќе биде поднесен соодветен поднесок.