независен полициски синдикат – Kurir.mk

Полицискиот синдикат против расформирање на „Алфа“- не биле консултирани за новата систематизација

Дарко Андоновски — Wed, 25 Dec 2019 13:49:11 +0000

Независниот полициски синдикат обвинува дека новата систематизација во МВР ќе донесе поголеми притисоци врз службениците. Со новата систематизација се зголемува бројот на раководители, а според синдикатот, објавени биле интерни огласи во само 48 часа времетраење за пријавување, а со тоа унапредување добиваат само подобните. -Сакаме да ја запознаеме јавноста дека оваа систематизација е спроведена без да Согласно одредбите од член 269 од Колективниот договор на МВР „Министерството е должно да обезбеди редовно и навремено информирање на Синдикатот и на работниците за: покрената постапка за изменување и дополонување на актите за организација и работа и систематизација на работните места во Министерството. Неинформирањето на Независниот синдикат на полицијата ја прави истата ништовна, вели портпаролот на Синдикатот, Дејан Саздовски.

Независниот синдикат на полицијата обвинува за притисоци од министерот Спасовски

Предраг Кукиќ — Sat, 24 Aug 2019 13:55:10 +0000

Независниот синдикат на полицијата бара од Министерството за внатрешни работи и министерот Оливер Спасовски да прекинат постапките против нивните членови и да престанат, како што велат, притисоците за растурање и целосно контролирање на синдикатот. Портпаролот на НСП Дејан Саздов, на денешната прес-конференција, го повика министерот Спасовски да одговори зошто најголемиот дел од претседателите на синдикалните подружници и синдикални организации се незаконски прераспределени од нивните работни места. – Зошто спротивно на сите прописи ги прераспоредивте претседателите на СВР Струмица, Регионален центар Запад, Одделение за безбедност на патниот сообраќај СВР Скопје, ПС Карпош, ПС Чаир, ПС Аеродром, Управни служби Скопје, СВР Куманово, праша Саздов. Нагласи дека генералниот секретар на НСП Орце Коцевски од пред неколку дена спротивно на сите правила и прописи во МВР, како што рече, е разрешен од позицијата командир на Полициска станица од општа надлежност Велес. – Бараме на јавноста да и одговорите поради кои причини и која постапка е истиот разрешен од позицијата командир. Замислете, под притисок и наредба од началник на СВР Велес, решението за разрешување го примил додека е на годишен одмор. Да и одговорите да јавноста зошто истиот е распореден на работно место спротивно на одредбите од Колективниот договор на МВР, изјави Саздов. Претседателот на Конфедерацијата на Синдикални Организации на Македонија – КСОМ, Марјан Ристески, рече дека даваат целосна поддршка на НСП и Генералниот секретар на НСП Орце Коцевски. – Нарушени се меѓучовечките односи меѓу самите полицајци. Тврдам дека виновни се високите структури во полицијата кои се членови на Полицискиот синдикат. Тие не бираат средства и ги интересира само членарина. Нема да дозволам да се уништи НСП, изјави Ристески. Орце Коцевски, нагласи дека се соочува со притисок од почетокот на 2018 година до неговото разрешување и оти има поднесено повеќе пријави за вознемирување на работно место. – Таква постапка во МВР не е водена. Го повикувам надлежниот инспекторат да излезе на терен и да провери зошто министерството не презема мерки за заштита, не само на мојот случај, туку и на сите вработени. Самиот факт дека за време на боледување е формирана работна група и истиот ден изготвила извештај до директорот и за време додека сум на годишен одмор министерот изготвува решение и ми го даваат, укажува која е причината. Точно постои упатство за разрешување и тоа воопшто не е почитувано и не се преземени никакви процедури согласно тоа упатсво, изјави Коцевски. Од НСП посочуваат дека министерството се оградува со молчење на барањата за репрезентативност од НСП, иако во синдикатот членуваат 2.880 вработени во МВР, што е за 500 членови повеќе од законски предвидените 20 проценти од вкупниот број вработени во МВР за добивање репрезентативност.

НПС: Вработени во МВР прераспределени во планина поради синдикалните активности

Ивона Петрова — Wed, 26 Dec 2018 11:51:37 +0000

Независниот синдикат на полицијата денеска реагираше на најновите решенија донесени од страна на МВР за прераспределба на дел од вработени кои се претседатели на синдикални организации. Помошникот генерален секретар на Независниот синдикат на полицијата, Мартин Ефремов изјави дека на 24 декември, два дена по неговиот избор за помошник генерален секретар на синдикатот, му е врачено решение за прераспределување од полициската станица во Аеродром во полициската станица Блаце. -Со оглед на тоа што сум дипломиран правник со положен правосуден испит, дури и преквалификуван за полицаец за моите резултати директно наградуван лично од министерот, а за извршувањето на моите работни задачи не сум бил ниту усно предупреден, сакам да го прашам министерот дали вака изгледа професионализацијата во МВР, со испраќање на работниците во планина, единствено поради нивните синдикални активности, праша Ефремов. Од Независниот синдикат на полицијата најавија дека доколку не добијат одговори заштита на своите членови ќе бараат пред надлежните судови. Поддршка добија и од Конфедерацијата на синдикални организации каде што членка е Независниот синдикат на полицијата.