Независниот синдикат за образование и наука утре излегува на протест пре МОН

Магдалена Андонова — Fri, 19 Feb 2021 14:00:18 +0000

Независниот синдикат за образование и наука (НСОН) известува дека на ден 20.02.2020 од 13.00 часот до 14.00 часот, пред зградата на МОН, ќе одржи синдикален протест од страна на НСОН. Во 13.40, Претседателот на НСОН – Томислав Гиевски, преку пресконференција ќе се обрати до медиумите со цел да ја запозне широката јавност за Барањата на НСОН и проблемите со кои се соочуваат просветните работници. - И покрај повеќето обиди за воспоставување дијалог, со цел да бидеме сослушани, ние, просветните работници кои сме синдикално обединети во Независниот синдикат за образование и наука- НСОН, избравме својот револт поради игнорантскиот однос на надлежните и своите барања кои се засновани на позитивните законски одредби во државата да ги изнесеме во форма на протест. Барањата на НСОН во име на просветните работници се следниве: - Почитување на ставот на Друштвата на наставници во врска со најавената Концепција за реформи во основното образование ; - Исплата на плата за просветните работници во согласност со Колективниот договор ; - Исплата на платите согласно со Закон и Колективен договор, најдоцна до 10-ти во месецот ; - Исплата на додаток на плата за наставниците кои работат со двојно зголемен фонд на часови ; - Исплата на регрес за годишен одмор од кој просветните работници моментално се изземени ; - Организиран превоз, месечна карта за јавен превоз или месечен надоместок за патни трошоци за просветните работници кои патуваат на работа во рурални средини или од една во друга општина; - Трансформација на работниот однос на просветните работници кои во континуитет се вработени две или повеќе години, истакнуваат од НСОН.

НСОН: Директори присилуваат наставници сами да си набават компјутер за онлајн настава, МОН им испраќа задолженија во 23 часот

Ивона Петрова — Fri, 02 Oct 2020 07:50:33 +0000

Независен синдикат за образование и наука (НСОН) за утре најавува прес-конференција на која како што велат, ќе ја запознаат широката јавност со проблемите со кои се соочуваат наставниците во новата учебна 2020/2021 година. Во име на просветните работници Ве известуваме за дел од проблемите со кои се соочуваме: * На дел од колегите им е двојно зголемен работниот учинок односно двојно им е зголемен фондот на часови што е спротивно на законот за наставници и стручни соработници, а со тоа работните обврски во денот им надминуваат и над 8 часа во денот. * Во најголем дел од училиштата, работодавачот нема обезбедно компјутер односно средство за работа за on-line настава, а како резултат на тоа во некои училишта, директорите ги присилуваат колегите сами да си набават компјутер без да имаат во обзир дека и наставниците имаат свои семејство и деца на кои треба да им обезбедат услови за следење на on-line настава . * МОН не го почитува приватниот живот и работното време на наставниците, со тоа што доставува работни задачи до наставниците во 23.00 часот и бара истите да бидат завршени во утринските часови на наредниот ден, се вели во соопштението на НСОН. Оттаму посочуваат дека поднеле барање за средба со министерката за образование и наука Мила Царовска со цел презентирање и надминување на проблемите, но на истото барање не добиле одговор.

Независен синдикат за образование и наука – Kurir.mk

Независниот синдикат за образование и наука утре излегува на протест пре МОН

НСОН: Директори присилуваат наставници сами да си набават компјутер за онлајн настава, МОН им испраќа задолженија во 23 часот