нездрава храна – Kurir.mk

Четири знаци кои телото ги испраќа ако се храните нездраво: Дебелината не е единствената последица

Магдалена Андонова — Wed, 30 Mar 2022 07:12:08 +0000

После секој оброк треба да се чувствуваме енергично и полни со енергија. Хранливите материи од храната се задолжени да ни обезбедат сила, но доколку се чувствувате уморни и поспани после оброк, причините за тоа треба да ги побарате „во чинијата“. Недостигот или отсуството на витамини и минерали, како и висококалорични оброци полни со комбинација на масти и шеќери прават да се чувствуваме тромо и летаргично. Покрај тоа, лошиот избор на храна може да се манифестира преку дигестивни проблеми, промени на кожата и ослабен имунитет. Замор Дали сте често уморни после јадење или чувствувате потреба да спиете попладне? Ако одговорните се афирмативни, тоа може да укаже дека јадете погрешно. Прекумерните оброци или храна богата со јаглехидрати од бел леб, тестенини, пица и слатки доведуваат до нагли скок на шеќерот во крвта, но и до нагло опаѓање. Ова доведува до замор и слаба концентрација. Лошо варење Надуеност, запек или дијареа укажуваат на недостаток на влакна во исхраната. Минималната дневна количина на влакна е 30 грама. Ако не јадете свежо овошје и зеленчук, мешунки и цели зрна секој ден, време е да започнете. Постојани настинки Инфекциите и настинките кои се менуваат како на „фабричка лента“ се еден од знаците дека не јадете храна која е добра за имунолошкиот систем. Храната полна со таканаречени празни калории, односно богатата со шеќер и бело брашно, може да влијае на имунолошкиот систем, особено ако не јадете храна богата со цинк и селен. Наместо пекарски производи и чоколади, воведете грав, јаткасти плодови, риба и јогурт. Проблеми со кожата Сувата, ронлива кожа, акните и црвените траги може да бидат резултат на несоодветен избор на храна. Најчести виновници повторно се белото брашно и шеќерот, како и неговите алтернативи. Исто така, адитиви во храната или нетолеранција на млечни производи може да се манифестираат со флеки и иритации на кожата.

Не се здрави и не треба да ги имате дома: Исфрлете ги овие производи од вашиот фрижидер

Ивана Ефремовски — Wed, 02 Feb 2022 14:52:31 +0000

Некои намирници кои не се здрави подобро е воопшто да ги немаме во фрижидер, за воопшто да не паѓаме во искушение. Доколку здравата исхрана и живот ви значат, би требало да ги исфрлите следниве работи. Нутриционистката Илејн Маги состави листа на најнездрави намирници кои е подобро воопшто да не ги имате во фрижидер: МАЈОНЕЗ Доколку го јадете често, тогаш јасно ви е зошто маснотиите се таложат на вашите крвни садови, а килограмите ви се лепат. Доколку сте голем љубител на мајонезот, во еден оброк може да внесете околу 360 калории и 40 грама маснотии. Наместо мајонез, подобро е да одберете помалку мрсни сосови и намази, како сенф, рен или намаз од сирење. ПРЕРАБОТКИ ОД МЕСО Саламите, сувомеснатите колбаси, виршлите и паштетите обично се прават од месо со најнизок квалитет, а им се додаваат конзерванси, адитиви и маснотии. Освен тоа содржат и голема количина на сол поради што го зголемуваат ризикот од оштетување на бубрезите и високиот крвен притисок, а не се препорачуваат за јадење повеќе од еднаш неделно. Бројни студии покажаа дека преголемото внесување преработено месо придонесува за зачестена појава на рак на дебелото црево, еден од најраспространетите карциноми. ПОЛНОМАСНИ МЛЕЧНИ ПРОИЗВОДИ Намирниците како полномасно млеко, павлака и путер имаат многу добри состојки како протеини, калциум, витамин Б, но проблемот е во тоа што содржат и многу масти, па доколку секојдневно ги внесуваме постои ризик од зголемено ниво на холестерол. На пример, доколку пиеме пола литар полномасно млеко секој ден, за една недела внесуваме преку 2.000 калории, 105 грама маснотии, од кои 60 грама заситени масти и 35 милиграми холестерол. Поради ова, секогаш е подобро да се изберат млечни производи кои содржат здрави состојки, но и помалку масти. КРЕМАСТИ ПРЕЛИВИ ЗА САЛАТИ Сосовите за салата се одличен додаток кои ги претвораат во вкусно главното јадење, но вообичаеното сервирање содржи околу 120 калории, 12 грама масти и 380 милиграми сол. Поради ова, најдобро е да се избегнуваат, а да употребувате традиционални зачини, вински или јаболков оцет или лимонов сок. МАРГАРИН И НЕГОВИТЕ ДЕРИВАТИ Маргаринот содржи голема количина масни киселини бидејќи се создава како емулзија од растително масло и вода, а докажано е дека неговото редовно користење во исхраната го зголемува ризикот од болести на срцето и крвните садови. Маргаринот го зголемува и нивото на холестеролот, а делува лошо и на имунитетот. Тврдиот маргарин содржи помеѓу 19 и 38 проценти трансмасни киселини, а само во една лажичка се наоѓаат околу 100 калории и 11 грама масти. СМРЗНАТ ПОМФРИТ Оваа верзија на компирот посебно им е драга на најмладите, а луѓето (посебно рестораните) често го купуваат бидејќи им ги олеснува работите во кујната. Сепак, смрзнат компир воопшто не е добар за здравјето, бидејќи содржи големи количини сол и конзерванси. Мала порција од 85 грама компир содржи околу 11 грама масти, околу 3 грама заситени масни киселини, 390 до 540 милиграма натриум и околу 190 калории. Се препорачува да јадете печен компир или најдобро печен во лушпа, советуваат нутриционистите.

Овие намирници се понездрави отколку што мислите

Даниел Василев — Sun, 03 Jun 2018 17:27:17 +0000

Ако сакате да ослабете, многу е важно да ги броите калориите. Сепак, некои намирници се многу понездрави отколку што мислите. Слатки без шеќер Сите многу добро знаеме дека слатките без шеќер не се нужно добро освен ако спаѓате во групата на оние кои се присилени да ги консумираат поради здравствената состојба. Она што можеби не сте го знаеле е дека премногу слатки без шеќер може да предизвикаат дијареа. Шеќерните алкохоли кои се користат во овие слатки не можат до крај да се сварат и предизвикуваат гасови. Преливи на салати Сите знаеме дека треба да избегнуваме разноразни преливи за салати зашто колку и досадната зелена салата да ја прават повкусна, свесни сме дека богатството на вкус доаѓа со цена. Она што можеби не го знаете дека и безмасните преливи се лоши. Тие имаат помалку калории, но имаат повеќе шеќери. Исто така, им недостасува витамин Е. Помфрит од сладок компир Ако пазите на исхраната, веројатно сте слушнале дека помфритот од сладок компир е поздрав од обичниот. Но, тоа и не е баш точно. Во организмот нема да внесете идентична количина на калории, а се она што е корисно во слаткиот компит ќе се изгуби кога ќе го испржите во врело масло. Оревкасти плодови Солените оревкасти плодови се вкусни и често се чувствуваме добро кога така го убиваме чувството на глад зашто сме слушнале дека се здрави. Сепак, тие пресолени и се штетни за вашите бубрези. Кечап Само една лажица кечап има четири грама шеќер. Тоа е повеќе отколку просечен чоколаден кекс.