нголо канте – Kurir.mk

Ал Итихад е пред ангажман и на Канте

Бошко Тасиќ — Wed, 07 Jun 2023 04:43:07 +0000

Во летниот преоден рок се случува вистинска инвазија на Саудијци кои сакаат да купат европски фудбалски ѕвезди, a еден од оние кои ќе се преселат е и Нголо Канте. Преговорите меѓу двете страни се речиси завршени, остануваат уште формалности за трансферот да биде комплетиран. Нголо Канте ќе потпише договор до јуни 2025 година со годишна плата од неверојатни 100 милиони евра. Синоќа овој клуб го комплетираше трансферот на Бензема кој таму ќе заработува по 200 милиони евра годишно.

Канте се договори за трансфер во Арсенал

Бошко Тасиќ — Sat, 29 Apr 2023 06:02:05 +0000

На францускиот играч за врска Нголо Канте му истекува договорот со Челзи на крајот на оваа сезона и ќе стане слободен фудбалер. Неофицијално Канте се договорил за трансфер во Арсенал и тоа договор на две години со клубот од северен Лондон. Од Шпанија пристигнуваат информации дека Канте нема да оди во Барселона, како што се тврдеше претходно, туку сакал да остане во Англија, поточно во Лондон, а најпримамлива му била понудата на Арсенал. Канте има 32 години, оваа сезона ретко игра за Челзи, а претходно ги бранеше боите на Лестер.

СП 2022: Франција без Канте, Португалија без Жота

Ивона Петрова — Wed, 19 Oct 2022 08:05:12 +0000

Француската фудбалска репрезентација на Светското првенство во Катар ќе ја брани титулата без играчот за врска Нголо Канте (31). Фудбалерот на Челзи мораше да го оперира бутниот мускул поради што најмалку четири месеци ќе отсуствува од теренот, Ослабена на Мундијалот во Катар ќе биде и репрезентацијата на Португалија во чиј редови ќе отсуствува Диого Жота. Напаѓачот на Ливерпул се повреди во самиот финиш на дербито против Манчестер сити во неделата и на носилки беше изнесен од теренот на „Енфилд Роуд“. Мундијалот во Катар ќе се одржи од 20 ноември до 18 декември.

Челси се подготвува да се раздели со Канте

Дарко Андоновски — Fri, 19 Jun 2020 11:27:06 +0000

Челси подготвува продажба на францускиот играч од средниот ред Н’Голо Канте за да собере средства за финансирање на трансферите на Каи Хаверц од Баер Леверкузен и Бен Чивел од Лестер, пишува „Тајмс“ во денешниот број. Дваесет и девет-годишниот Канте, светски шампион со француската репрезентација, е еден од милениците на публиката на „Стемфорд Бриџ“ и клучна фигура кај „сините“. Од влегувањето во лондонскиот клуб во 2016 година, тој ги освои Премиер лигата, ФА Купот и Лигата на Европа. Челси веќе потроши 100 милиони фунти на Хаким Зијеш и Тимо Вернер, а на менаџерот Френк Лампард му е порачано дека клубот ќе може да продолжи да троши само доколку продаде некои од неговите сегашни sвезди. Според „Тајмс“, Лампард е подготвен да се раздели со Канте, Тимуе Бакајоко, Миши Батшуаи и Баба Рахман. Сепак, за привлекување Хаврц и Чивел, на Челси ќе му требаат околу 125 милиони фунти повеќе, бидејќи цената на Германецот е околу 75 милиони, а онаа на Англичанецот – околу 50 милиони. Челси води жестока битка за четвртото место во Премиер лигата, а екипата го започнува одново првенството во Англија со натпревари против Астон Вила, Манчестер Сити и Лестер Сити.

Барселона сака да го размени Кутињо за Канте

Дарко Андоновски — Wed, 15 Apr 2020 14:46:47 +0000

Играчот од средниот ред на Челзи, Нголо Канте може да ја продолжи кариерата во Барселона. Според Мундо Депортиво, Каталонците бараат играч од средниот ред кој би донел агресија во средниот ред, и кој може да ја контролира топката. Поради оваа причина, Барселона се заинтересирани за трансфер на Канте. Раководството на клубот сака да му понуди на Челзи размена на 29-годишен Французин за играчот од средниот ред Филипе Кутињо, кого лондонскиот клуб сака да го потпише. Претходно беше објавено дека Кутињо може да замине во Лестер на позајмица. За него се заинтересирани и Тотенхем и Манчестер јунајтед.

Челзи ќе го „позлати“ Канте со новиот договор

Дарко Андоновски — Tue, 31 Jul 2018 10:44:24 +0000

Халфот на Челзи, Н'Голо Канте ќе стане најплатениот играч на „сините“, ако го прифати предлогот од клубот за нов договор. Според „Тајмс“, понудата кон Французинот, кој се претстави многу силно за време на Светското првенство, е за договор за пет години и неделна плата во износ од речиси 290.000 фунти неделно. Така Канте ќе го престигне по плата дури и Еден Азар, кој во моментов добива по 220.000. Се разбира, Белгиецот исто добил предлог за нов договор, но Азар засега чека, бидејќи преферира трансфер во Реал Мадрид. Интерес кон Канте има од ПСЖ и Барселона, но самиот играч не инсистира да си замине од „Стемфорд Бриџ“ и клубот има намера да ја „поттикне“ неговата лојалност.

Скромниот Канте последен го зема во раце пехарот- се срамеше да праша дали може да се фотографира со него (ВИДЕО)

Дарко Андоновски — Tue, 17 Jul 2018 06:36:28 +0000

Канте е докажан тимски играч кога е на терен, а со тоа и многу скромен како човек, тоа се докажа и на завчерашната прослава со пехарот. Доколку Стивен Нзонзи не се присетил дека Нголо Канте се уште не се фотографирал со пехарот и не го допрел откако им беше врачен, веројатно Канте и немаше да се фотографира со него. Тој е играч кој не влетува во преден план пред останатите и секогаш е во сенка на оние главни играчи како во својот тим, така и во репрезентацијата. Во моментите кога трофејот бил во рацете на Флориан Таувин, Нзонзи едноставно го зграбил и му го врачил на скромниот Канте да се фотографира со него, погледнете.

Nzonzi telling the players to give kanté the trophy, then giving the trophy to him before getting a photo for himself. What a nice guy! pic.twitter.com/wjdtz0B5e7
— - (@HazardThings) July 15, 2018