ница – Kurir.mk

Алжирскиот фудбалер на Ница објави видео во кое повикува на „црн ден за Евреите“, градоначалникот го осуди и побара извинување

Тале Кристо — Sun, 15 Oct 2023 13:23:37 +0000

Одбранбениот фудбалер на Ница, Јусеф Атал објави видео на социјалните мрежи во кое повикува на „црн ден за Евреите“ среде конфликтот меѓу Израел и Палестина, пренесува „RMC Sport“. Фудбалерот подоцна го избриша видеото. Набрзо по објавата одговори и градоначалникот на Ница, Кристијан Естроси, кој побара извинување од играчот. - Го чекам Атал да се извини и да ги осуди терористите на Хамас. Ако не го направи ова, тогаш повеќе нема да има место во нашиот клуб, соопшти Естроси. Забележано е дека Ница сè уште не го коментирала тоа што се случи. Пред скандалозната објава Атал објави фотографија на која е со палестински шал.

Ница се интересира за Енис Барди

Ристе Здравков — Tue, 24 Jan 2023 12:17:05 +0000

Францускиот прволигаш Ница е најновиот клуб што појавува интерес за Енис Барди. Македонскиот репрезентативец е пред заминување од Трабзонспор, откако раководството на клубот сака да го намали буџетот, а проценето е дека Барди е еден од фудбалерите со најголема плата. Покрај Ница, за Барди има интерес од Италија и од Шпанија. Во опција се Торино, Бетис, Алмерија и Мајорка. Енис Барди минатото лето од Леванте се пресели во Трабзонспор.

Изречени казните на соработниците во терористичкиот напад во Ница во 2016 година

Тале Кристо — Tue, 13 Dec 2022 18:41:09 +0000

По 18 години казна затвор добија двајца од обвинетите за членство во терористичка организација поврзана со нападот во Ница од 2016 година во кој загинаа 86 лица. Судијата Лоран Равио во Палатата на правдата во Париз при изрекувањето на казната истакна дека двајцата осуденици му давале морална и материјална поддршка на извршителот на терористичкиот напад, истовремено инспирирајќи го. Судот не нашол поврзаност на обвинетите со меѓународна терористичка организација како што е Исламската држава, но утврдена е јасна инспирираност од џихадизмот. Дванаесет години затвор му е изречени на лицето кое му го дало огненото оружје на извршителот на нападот, додека останатите петмина обвинети во процесот, вмешани во набавката на оружјето, ќе одлежат меѓу две и осум години.

Тур де Франс 2024 се сели од Париз во Ница поради ОИ

Дарко Андоновски — Thu, 01 Dec 2022 20:47:08 +0000

Последната етапа од велосипедската трка Тур де Франс ќе се пресели во 2024 година од Париз во Ница, бидејќи главниот град на Франција ќе биде домаќин на Олимписките игри, соопштија денеска организаторите на трката и градот Ница. Етапата која се возеше во Париз, традиционалниот спринт на Елисејските полиња, овој пат ќе биде индивидуална трка на хронометар. Тур де Франс прв пат го напушта Париз од 1905 година, а воедно тоа ќе биде прв пат од 1989 година последната етапа да биде завршена со трка на хронометар. Париз од јули до август 2024 година ќе биде домаќин на Олимписките игри чиј домаќин беше два пати во минатото – во 1900 и 1924 година.

Ница и Келн ги чека висока казна од УЕФА

Бошко Тасиќ — Sat, 10 Sep 2022 06:55:18 +0000

Европската фудбалска унија (УЕФА) покрена дисциплинска постапка против фудбалските клубови Ница и Келн по физичката пресметка на нивните навивачи пред мечот од 1. коло на Д групата на Лигата на конференции. Натпреварот на „Алијанц ривиера“ поради инцидентите доцнеше еден час, а заврши со реми 1:1. Домаќинот Ница ќе биде казнета за кршење на редот и безбедноста – лансирање на проектили, палење на димни бомби и нереди кои ги предизвикаа нејзините навивачи. Францускиот тим ќе мора да одговара и за недостатоци во идентификација на одговорните лица, обезбедувањето, претресите и филтрирањето на гледачите и ограничување на нивното движење. Против Келн ќе биде покрената постапка поради фрлање на предмети и палење на димни бомби како и нередите кои ги предизвикаа неговите навивачи. Во нередите во Ница беа повредени 32 лица, вклучувајќи и двајца полицајци и редари, а четири навивачи завршија во болница.

ВОЗНЕМИРУВАЧКИ: Моментот кога навивачот на Келн падна од трибина (ВИДЕО)

Бошко Тасиќ — Thu, 08 Sep 2022 20:57:53 +0000

Дуелот меѓу Ница и Келн ќе се памти по големит еинциденти кои ги направија навивачите на двата тима, посебно тоа што се случуваше пред почетокот на мечот.Навивачите се тепаа, беа фрлени многу факели и искршени столчиња. Најлошо помина еден навивач на Келн кој во еден момент падна од горниот дел од трибината и остана неподвижен на долниот дел од другата трибина. https://twitter.com/i/status/1567914675509100545

Каспер Шмајхел се пресели во Ница

Ивона Петрова — Thu, 04 Aug 2022 09:19:56 +0000

Голманот на данската фудбалска репрезентација Каспер Шмајхел (35) ги напушти редовите на премиерлигашот Лестер и кариерата ќе ја продолжи во Ница, соопшти францускиот прволигаш. Шмајхел го чуваше голот на Лестер 11 години и беше миленик на навивачите, а неговиот нов клуб не ги објави финансиските детали од договорот. – Во текот на времето кое го мина со нас, а особено како капитен, Каспер секогаш беше играч подготвен да стане и да преземе одговорност, водејќи ја екипата. Неговото влијание и неговото лидерство на теренот и надвор од него доволно зборуваат за него како професионалец, како фудбалер и какÐ ¾ човек, соопшти Лестер. Синот на легендарниот дански голман Питер Шмајхел за Лестер одигра 479 натпревари и е трет според бројот на настапи во клупската историја, зад Грахам Крис (600) и Адам Блек (557).

УЖАС НА ВЕЛИГДЕН: Со нож избодени свештеник и калуѓерка во Ница, сторителот сакал да го убие Макрон

Ивана Ефремовски — Sun, 24 Apr 2022 14:40:36 +0000

Свештеник и калуѓерка се повредени во напад со нож утринава во Ница, објави францускиот весник Фигаро. Напаѓачот е уапсен. Тој спонтано и кажал на полицијата дека сака да го „убие Макрон“ на денот на изборите, но според полициски извор, тој завршил во црква. Инцидентот се случил во црквата Сен Пјер д’Арен во јужниот дел на градот. Околу 10:00 часот, непосредно пред богослужбата, во црквата влегол маж и веднаш се обратил кон свештеникот Кшиштоф Руџински (57) од полско потекло. Го прободел околу 20 пати, главно во пределот на градниот кош. Сестрата Мари-Клод (72) била полесно повредена во раката кога интервенирала за да го разоружа напаѓачот. На двете жртви им била укажана лекарска помош. Нивните животи не се во опасност, според првичните заклучоци на лекарите, објавени од повеќе извори, а подоцна потврдени од министерот за внатрешни работи Џералд Дарманин, кој се огласи на Твитер. Тој изрази солидарност со парохијаните и им честиташе на полициските сили за брзото апсење на сторителот.

Une agression a eu lieu ce matin dans une église à Nice. Le prêtre est blessé. Pas de pronostic vital engagé. Solidarité avec les paroissiens et merci aux forces de l’ordre qui ont interpellé rapidement l’auteur. Le Préfet est sur place.
— Gérald DARMANIN (@GDarmanin) April 24, 2022

Напаѓачот има биполарно растројство и неодамна бил примен во болница во Ница поради психички проблеми. Тој не е познат на полицијата и разузнавачките служби. Истрагата во моментов ја исклучува верзијата за терористички акт.

„Сакал да умре како маченик и да убива во името на Алах“ – младо лице уапсено во Ница

Ивана Ефремовски — Wed, 16 Mar 2022 10:35:36 +0000

Две лица на возраст од 19 и 25 години, кои извеле напад со нож, ноќеска биле уаспени во Ница од патрола на криминалистичката полиција, јави дописникот на МИА. Според информацијата објавена од повеќе француски медиуми, настанот се случи во центарот на Ница, околу еден часот по полноќ. Еден од двајцата осомничени неколку пати избодел 37-годишен маж во рамото и рацете пред да побегне пред очите на полицијата. За време на потера 19-годишното младо лице многупати извикал „Алах Акбар“, дури и ја повикал полиција да пука во него. -Пукајте во мене, сакам да умрам како маченик, сакам да одам во рајот, наводно рекол тој, наведе РТЛ, која се повикува на полициски извор. Ксавиер Боном, јавниот обвинител на Ница, повика на внимателност: „Сето ова останува да се потврди“. Осомничениот бил соборен на земја и уапсен од агент на полицијата без ниту еден истрел, додека неговиот помошник, исто така, бил неутрализиран. Кај првиот уапсен полицијата открила крвав нож на превиткување и банкарска картичка кои не му припаѓале. Откако го врзале со лисици, тој и повторувал на полицијата дека „сака да умре како маченик, да убива во името на Алах, да убие хомосексуалци“. Жртвата на нападот била хоспитализирана. Неговиот живот не се во опасност. „Очекуваме детали за степенот на неговите повреди“, велат од обвинителството. Истрагата и е доверена на правосудната полиција, при што се прецизира дека е известено и Националното антитерористичко обвинителство кое „го следи напредокот на прввичната истрага“. (МИА)

Градоначалникот на Ница повика за делумно затворање во регионот поради Ковид-19

Ивана Ефремовски — Sun, 21 Feb 2021 09:12:10 +0000

Градоначалникот на францускиот медитерански град Ница денеска повика на „локдаун“ за време на викендот во регионот за да се запре приливот на посетители и да се ограничи наглото зголемување на инфекциите со коронавирусот. -Потребни ни се силни мерки што ќе бидат над полицискиот час во 18 часот на национално ниво, или построг полициски час или делумно затворање на одредено време. Заклучувањето за време на викендот би имало смисла… тоа би го запрело приливот на посетители, изјави за радиото Франс-инфо, градоначалникот Кристијан Естроси. Трет ден по ред, бројот на нови случаи на коронавирус се зголемува во Франција, а министерот за здравство, Оливие Веран, предупредува дека тој тренд не е добар знак. Според податоците на Министерството за здравство за вчера, во последните 24 часа биле заразени уште 22.371 лице, а починале 183 пациенти. (MИА)