ник калатес – Kurir.mk

Ник Калатес и Немања Бјелица заминуваат од Фенербахче

Бошко Тасиќ — Sat, 26 Aug 2023 05:24:09 +0000

Фенербахче прави коренити промени во тимот за наредната сезона, па турскиот гигант бара начин да се ослободи од обврските кон плејмејкерот Ник Калатес, но и српскиот кошаркар Немања Бјелица. Калатес веќе извесно време беше во војна со тренерот Итудис и извесно беше дека Фенер ќе бара начин да го раскине договорот со него. Бјелица пак требаше да биде големо засилување откако лани дојде од НБА-лигата, но серијата повреди го ограничи на само седум евролигашки средби на кои имаше скромен просек од 2,7 поени по натпревар.

„Донесовме одлука – Бјелица и Калатес не се дел од нашите планови за наредната сезона. Веќе ги контактиравме нивните менаџери и одлуката им е соопштена. Тие имаат уште по една година од договорот со нашиот клуб, но се надеваме дека наскоро ќе најдеме заеднички јазик“, изјави генералниот менаџер на Фенербахче, Дерва Јаниер.

Ник Калатес ќе го пропушти Светското првенство во кошарка

Бошко Тасиќ — Wed, 19 Jul 2023 04:15:36 +0000

Грчкиот кошаркар Ник Калатес ќе го пропушти претстојниот Мундијал. Својата одлука играчот му ја соопшти на селекторот на грчката репрезентација Димитрис Итудис. Триесет и четиригодишниот кошаркар планира да одмори пред претстојната сезона во Евролигата, тврди „Gazzetta.gr“. Грчката репрезентација би можела да се соочи со сериозен проблем во бековската линија, бидејќи и Тајлер Дорси и Костас Слукас решија да го пропуштат Мундобаскет. Грција ќе игра во групата Ц заедно со САД, Нов Зеланд и Јордан. Натпреварите по групи ќе се одржат во Манила, Филипини. Светското кошаркарско првенство ќе се игра од 25 август до 10 септември.

Ник Калатес официјално во Фенербахче!

Бошко Тасиќ — Tue, 23 Aug 2022 18:40:56 +0000

Грчкиот репрезентативец, Ник Калатес и официјално е ново засилување на Фенербахче. 33-годишниот кошаркар и раководството на клубот потпишаа двегодишен договор. Калатес доаѓа од Барселона, минатата сезона во Евролига одигра 29 натпревари на кои постигна 7,3 поени, четири скока и 6,4 асистенции во просек.

Калатес заминува од Барселона

Бошко Тасиќ — Thu, 23 Jun 2022 21:32:19 +0000

Каталонскиот клуб Барселона ќе го отпушти грчкиот репрезентативец Ник Калатес. Тој има договор на уште една година, но раководството на Барса веќе му соопштило дека не влегува во плановите на Шарунас Јасикевичиус за новата сезона. И пред завршувањето на првенството, шпанските медиуми тврдеа дека плејмејкерот не е во добри односи со тренерот и дека најверојатно ќе си оди, но сега останува само официјално да биде потврдено. Интерес за Калатес веќе покажаа Макаби и Фенербахче, но и неговиот поранешен клуб Панатинаикос не би имал ништо против да го види во своите редови.

Фенербахче сериозно заинтересиран за Калатес

Бошко Тасиќ — Sun, 29 May 2022 08:08:05 +0000

Според шпанските медиуми, Фенербахче дал понуда за Нико Калатес. Калатес е во Барселона од 2020 година, но според медиумите, во Барселона не биле задоволни игрите на грчкиот кошаркар, тоа би можело да биде причина за неговото заминување. Од следната сезона нов тренер на Фенербахче веројатно ќе биде Димитрис Итудис. Калатес и Итудис во минатото соработуваа во Панатинаикос. Калатес ја освои Евролигата во својот прв мандат во Панатинаикос, а Итудис тогаш му беше помошник на Жељко Обрадовиќ. По првите три сезони поминати во Панатинаикос, Калатес замина во Локомотив Кубан, од каде што се пресели во НБА каде играше за Мемфис. Тој се врати во Панатинаикос, каде помина пет години, а во 2020 година дојде во Барселона, со која двапати играше на фајналфорот на Евролигата.