Ник Кириос – Kurir.mk

Кириос парично казнет за инцидентите во Мајами

Ивана Ефремовски — Fri, 01 Apr 2022 16:17:49 +0000

Австралискиот тенисер Ник Кириос скапо ќе го плати своето недолично однесување и кавгата со судијата Карлос Бернардески за време на осминафиналето на Мајами Опен, во кое беше поразен од Италијанецот Јаник Синер, откако Здружението на тениски професионалци (АТП) му изрече казна во износ од 35.000 долари. ОД АТП објавија дека Кириос е казнет со 5.000 долари поради пцуење, со 10.000 долари за неспортско однесување и дополнителни 20.000 долари поради вербално малтретирање. Австралиецот само две недели претходно, исто така, предизвика инцидент на турнирот од серијата Мастерс 1000 во четвртфиналето против Шпанецот Рафаел Надал, и беше парично казнет со 25.000 долари. (МИА)

И тоа се случи – Кирјиос го брани Ѓоковиќ

Бошко Тасиќ — Fri, 07 Jan 2022 09:57:27 +0000

Австралискиот тенисер Ник Кирјиос застана во одбрана на Новак Ѓоковиќ поради третманот кој најдобриот тенисер на светот го има од австралиските власти. „Гледате, јас дефинитивно верувам дека треба да се преземе нешто – јас сум вакциниран заради моето здравје и на мојата мајка, но еве колку лошо се справуваме со ситуацијата на Новак, навистина лошо. Шегите што ги правите и насловите, сето тоа е многу смешно. Тој е еден од големите шампиони, но на крајот тој е само човек“, напиша Кирјиос. Австралијанецот во минатото често го критикуваше Ѓоковиќ за неговото однесување надвор од теренот, но сега застана на негова страна и тоа во својата Австралија.