Ник Кирјиос – Kurir.mk

Кирјиос нема да игра на Вимблдон: Многу сум тажен…

Ристе Здравков — Mon, 03 Jul 2023 07:51:39 +0000

Австралиецот Ник Кирјиос одлучи да се повлече од овогодинешниот Вимблдон, кој започнува денеска во Лондон, објавија организаторите. Причина за ваквата одлука на минатогодишниот финалист на третиот Грен слем во сезоната е повредата на зглобот, која го спречува да игра во висок ритам. „Многу сум тажен што морам да се повлечам од Вимблдон оваа година. При враќањето на теренот почувствував болка во зглобот. Се обидов да направам сè за да бидам подготвен да играм и многу сум разочаран што немав повеќе време пред Вимблдон, но ќе се вратам, како и секогаш“, изјави Австралиецот. Кирјиос моментално ја зазема 33. позиција на АТП листата на најдобри светски тенисери, а сосема е извесно дека по турнирот во Вимблдон ќе следи негов голем пад.

Кирјос: Не жалам, загубив од најголемиот на сите времиња

Бошко Тасиќ — Sat, 01 Jul 2023 07:15:54 +0000

Ник Кирјос е подготвен за настап на Вимблдон. Австралиецот, кој минатата сезона во финалето беше поразен од Новак Ѓоковиќ, ги прескокна тестовите пред Грен слем турнирот во Лондон, но верува дека и оваа сезона може да направи добар резултат. Пред почетокот на турнирот изјави дека има доверба во својата игра и се надева на нови победи, но дека не жали што ја загуби минатата сезона. „Бев покус за таа една победа, но не сум тажен кога велам дека загубив од најдобриот играч на сите времиња, затоа што му дадов добар меч. Ќе биде убаво да зачекориме повторно на истото место, знам ќе има големо медиумско внимание за тоа. Да видиме како ќе биде“, рече Киргиос. Тенисерот од Канбера загуби во четири сета во финалето, но целиот турнир за него беше импресивен. „Мислам дека искуството од минатата сезона ќе ми помогне, фактот што веќе постигнав добар резултат овде и добро ги знам условите на централниот терен. Знам што е потребно за да бидам успешен. Нема притисок врз мене. Знам дека луѓето ќе кажат дека “штом ќе имаш добар резултат, притисокот почнува. За мене е сосема спротивно. Кога сум освоил турнир и играв добро, тоа е сосема спротивно. Можете да се опуштите и да се забавувате“, додаде Кирјос. Неговото мото е што повеќе да ужива на теренот. “Искрено, не морам да докажувам ништо. Победив навистина големи играчи, освоив големи турнири, играв финале на Грен слем, освоив трофеј во двојки. Затоа го правам ова. Можеш само да се забавуваш и да уживаш во сè. “, заклучи Кирјос.

Кирјиос: Да освојам Грен Слем па заминувам во пензија

Бошко Тасиќ — Wed, 21 Dec 2022 06:13:12 +0000

Ник Кирјиос новата сезона ја започна со настап во Светската тениска лига и забележа пораз од Феликс Оже-Алиасим, но се надева дека 2023 година може да биде подобра од претходната. Контроверзниот тенисер зад себе ја остави најуспешната сезона во кариерата, бидејќи за првпат играше Грен слем финале. На Вимблдон во решавачкиот меч подобар од него беше Новак Ѓоковиќ кој победи во четири сета. Тој верува дека 2023 ќе биде поуспешна и со освоен Грен слем да замине во пензија. „Се надевам дека ќе можам да освојам Грен слем и после тоа да се пензионирам“.