ник нурс – Kurir.mk

Филаделфија 76 има нов тренер

Бошко Тасиќ — Tue, 30 May 2023 04:55:19 +0000

Филаделфија Севентисиксерс пред околу 15 дена се збогува со тренерот Док Риверс и тоа екипата не успеа да ја мине полуфиналната рунда во источната конференција. Управата на „76ките“ веднаш се вклучија во акција за наследникот на Риверс и уште од самиот старт имаше неколку имиња кои се издвоија, важеа за фаворити, па токму еден од нив сега е избран за предводник на клубот кој има три титули во својата историја. Се работи за 55-годишниот Ник Нурс кој изминативе десет години му ги посвети на Торонто Репторс, прво како асистент, а потоа и како главен тренер каде успеа да стане првак со „рептилите“ во 2019 година. Сериозен интерес за Нурс имало и од Феникс Санс, ама стратегот од Ајова се реши за Филаделфија затоа што сакал да работи со Џоел Ембид, а добро го познава и Дарил Мори кој претседател за кошаркарски операции.

Торонто Репторс го смени тренерот на крајот од сезоната

Бошко Тасиќ — Sat, 22 Apr 2023 05:54:21 +0000

Кошаркарскиот клуб Торонто му даде отказ на тренерот Ник Нурс, четири години откако тој ги предводеше Репторс до нивната прва и единствена титула во НБА лигата. Нурс помина десет сезони во Торонто, првите пет како асистент. Како прв тренер на Репторс имаше ефект од 227 победи и 163 порази. Последните три сезони не одеа како што планираше тимот, Торонто Репторс го пропуштија плеј-офот во 2021 година кога своите натпревари ги играа на Флорида поради пандемијата на коронавирус, во 2022 година загубија во првото коло од плеј-офот, а оваа година сезоната ја завршија во плеј-ин. Првото име што го споменуваат американските медиуми како наследник на Нурс на клупата на Торонто е поранешниот тренер на Бостон, Име Удока. .

Ник Нурс: Нивото на НБА е многу високо, сите екипи се силни

Дарко Андоновски — Mon, 26 Oct 2020 11:28:32 +0000

Тренерот на Торонто репторс, Ник Нурс, рече дека нивото на НБА е толку високо што тимот, за да победи, мора да се претстави најдобро на секој натпревар. – Во НБА, сите екипи се силни, сите се борат, секој е тешко да се победи. Најтешко е да се победат екипите кои се надвор од плејоф-зоната, бидејќи играчите се борат за своите договори. Мора да се докажувате на секој натпревар, бидејќи нивото на лигата е многу високо, изјави Нурс за порталот „Светот на кошарката“. Торонто оваа година не успеа да ја одбрани шампионската титула освоена во сезоната 2018/19.