Ники Хејли – Kurir.mk

Ники Хејли објави кандидатура за претседателка на САД во 2024 година

Тале Кристо — Tue, 14 Feb 2023 13:30:09 +0000

Поранешната американска амбасадорка во ОН, Ники Хејли денеска објави дека ќе се кандидира за претседател во 2024 година, предизвикувајќи го колегата републикански кандидат Доналд Трамп предлагајќи „нова генерација“ на лидерство во Вашингтон. „Јас сум Ники Хејли и се кандидирам за претседател“, рече 51-годишната поранешна гувернерка на Јужна Каролина и ќерка на индиски имигранти во видео изјава „Време е за нова генерација на лидерство - повторно да ја откриеме фискалната одговорност, да ја обезбедиме нашата граница и да ја зајакнеме нашата земја, нашата гордост и нашата цел“.

Ники Хејли ќе се кандидира за претседател на САД

Катерина Бојаџиева — Wed, 01 Feb 2023 16:03:04 +0000

Поранешната гувернерка на Јужна Каролина Ники Хејли ќе се кандидира за претседателска номинација на Републиканската партија во 2024 година на 15 февруари против нејзиниот поранешен шеф, поранешниот претседател Доналд Трамп, изјави извор запознат со нејзините планови. Се очекува Хејли да открие детали за нејзината понуда во текот на денот, според The Post и Courier, кои први ги објавија нејзините планови. Ќерка на индиски имигранти кои водеа успешен бизнис со облека во руралните делови на државата, Хејли заработи репутација во Републиканската партија поради нејзиниот веродостоен пристап кон прашањата на полот и расата. Таа се истакна и како силен застапник на американските интереси во странство во својство на американски амбасадор во ОН за време на мандатот на претседателот Трамп од 2017 до 2018 година. Хејли неколкупати се огради од Трамп, а подоцна ја ублажи реториката кон него, велејќи дека тој има важна улога во Републиканската партија.

Ники Хејли ќе биде директорка на „Боинг“

Предраг Кукиќ — Tue, 26 Feb 2019 15:47:10 +0000

Американската компанија за производство на авиони „Боинг“ соопшти дека поранешната американска амбасадорка во Обединетите нации Ники Хејли ќе биде директорка во таа фирма. Хејли на таа позиција ќе биде поставена на годишниот собир на акционери на 29 април. Хејли (47) беше прва жена гувернер на Јужна Каролина и трипати беше избрана во Претставничкиот дом на Конгресот на таа американска сојузна држава.

Иванка Трамп и Ники Хејли меѓу кандидатите од САД за нов шеф на Светска банка, тврди „Фајненшал тајмс“

Ивона Петрова — Sat, 12 Jan 2019 08:06:30 +0000

Иванка Трамп, ќерка на американскиот претседател Доналд Трамп и поранешната амбасадорка на САД во ОН, Ники Нејли се меѓу кандидатите за функцијата претседател на Светска банка, објави Фајненшал тајмс. Весникот не прецизира извор за информацијата. На 1 февруари актуелниот претседател на Светска банка си заминува од функцијата, а времен шеф е Кристалина Георгиева. Таа не може да биде претседател на СБ бидејќи по правило претседател на таа банка е од САД. Банката ќе прекине со разгледување кандидатури во средината на февруари, а изборот на нов претседател ќе биде во средината на април. МИА

Хејли барала повлекување на УНМИК од Косово

Предраг Кукиќ — Wed, 17 Oct 2018 08:28:33 +0000

Американската амбасадорка во ОН Ники Хејли испратила писмо до генералниот секретар на ОН во кое бара УНМИК да се повлече од Косово. Тоа се наведува во писмото до Антонио Гутереш во кое Танјуг имал увид. Писмото го испратила на 9 октомври, истиот ден кога објави дека се повлекува од функцијата амбасадор на САД во ОН. (МИА)

Трамп ја прифати оставката на Ники Хејли

Ивона Петрова — Tue, 09 Oct 2018 15:56:25 +0000

Американскиот претседател Доналд Трамп ја прифати оставката на амбасадорката на САД во ОН Ники Хејли, и најави дека таа ќе ја напушти функцијата кон крајот на годината. Трамп рече дека Хејли му рекла уште пред шест месеци дека сака да се повлече од таа функција и оти сака да се одмори малку. Трамп во изјава за пофали Хејли за работата, велејќи дека функцијата ја извршувала „извонредно“. Тој рече дека таа е „многу посебна“ личност која ги „разбира работите“ и оти заедно решиле многу проблеми. Американскиот претседател порача дека Хејли може да се врати во администрацијата во друга улога и оти „може да избира“ што сака да работи. Хејли (46) рече дека во овој момент нема планови за иден ангажман. Таа ги демантираше гласините дека планира да се кандидира за претседател на изборите во 2020 година. Претседателот на САД додаде дека во следните 2-3 недели ќе објави кој ќе биде новиот амабсадор во ОН. Поранешната гувернерка на Јужна Каролина беше именувана за амбасадорка во Светската организација набрзо по инаугурацијата на Трамп, во ноември 2016 година. МИА

Американската амбасадорка во ОН поднесе оставка

Ивона Петрова — Tue, 09 Oct 2018 14:53:54 +0000

Американската амбасадорка во ОН Ники Хејли поднесе оставка на функцијата. Американскиот претседател Доналд Трамп ја прифатил нејзината оставка, јавија американски медиуми. Портпаролката на Белата куќа Сара Сандерс изјави дека Хејли ќе има средба со Трамп во текот на денот. И американскиот претседател на Твитер најави дека од неа ќе следува „голема објава“, јави Си-Ен-Ен.

Поранешната гувернерка на Јужна Каролина беше именувана за амбасадорка во Светската организација набрзо по инаугурацијата на Трамп.

МИА

Хејли: САД нема да си заминат од Сирија додека не остварат три цели

Даниел Василев — Sun, 15 Apr 2018 14:43:07 +0000

САД нема да ги повлечат своите војници од Сирија се додека не остварат три цели, изјави денеска американската амбасадорка во ОН, Ники Хејли. Таа нагласи прва цел на САД во Сирија е да добијат гаранции дека хемиското оружје нема да се користи на начин што би ги загрозувал американските интереси, втора - целосно да биде поразена групата Исламска држава и трета - да се создаде добра позиција за следење на активностите на Иран. - Наша цел е американските сили да се вратат дома, но нема да си заминеме се додека не бидеме сигурни дека сме ги оставриле овие три работи, изјави Хејли во интервју за телевизијата Фокс. МИА

Хејли: Трамп се уште не донел одлука за можна акција во Сирија

Ивана Ефремовски — Fri, 13 Apr 2018 17:01:55 +0000

Амбасадорката на САД во ОН, Ники Хејли изјави денеска дека американскиот претседател Доналд Трамп се уште не донел одлука за можна акција во Сирија. Таа нгласи дека силите на сирискиот претседател Башар Асад најмалку 50 пати користеле хемиско оружје за време на седумгодишната војна во државата. – Нашиот претседател се уште не донел одлука за можна акција во Сирија. Но, доколку САД и нашите сојузници одлучат да дејствуваат во Сирија тоа ќе биде во одбрана на принципите за кои сите сме согласни, изјави таа на вонредна седница на СБ на ОН

Хејли се закани со нови санкции кон Северна Кореја

Ивона Петрова — Wed, 03 Jan 2018 07:52:17 +0000

Американската амбасадорка во Обединетите нации, Ники Хејли се закани со заострување на режимот на санкции кон Северна Кореја, доколку земјата изврши уште една ракетна проба. - Слушнавме дека Северна Кореја планира нова ракетна проба. Се надеваме дека нема да дојде до тоа, изјави Хејли. САД веќе издејствуваа заострување на санкциите кон Северна Кореја, откако нејзината армија изврши неколку ракетни проби во 2017 година при што лансираше ракети кон Јапонија. Вашингтон изврши притисок и врз Кина, која ја обвини дека ги крши санкциите кон Северна Кореја и скришно и доставува нафта.