ники лауда – Kurir.mk

ВИДЕО: Се запали на трка и едвај преживеа- Ники никогаш не си прости за смртта на 200 луѓе

Предраг Кукиќ — Tue, 21 May 2019 18:47:25 +0000

На 71. година почина легендата на Формула 1, Ники Лауда. - Со длабока тага соопштуваме дека нашиот сакан Ники почина во понеделник во кругот на фамилијата. Неговото остварување како сопртист и бизнисмен ќе остане незаборавно. Тој е идол за сите нас, беше добар сопруг, татко и дедо и ќе ни недостасува, соопштило семејството на Лауда. Инаку, Ники Лауда кој е роден на 22 февруари, 1949 година во Виена, заврши во болница поради наводни компликации со бубрезите, а се уште не е позната точната причина за смртта. Светот денеска се простува од тројниот шампион на Формула. Инаку, кариерата освен успесите му ја одбележа и кобна несреќа, во Нинберг во 1976. година кога неговиот болид се запали. Тој имаше изгореници од трет степен на главата и лицето, па остана без поголемиот дел од десното уво, косата, очните капаци и веѓите. Доби и тешко оштетување на белите дробови. Му беше направен оперативен зафатт, и иако многумина мислат дека ова е најголемата несреќа, сепак тој за најкобен момент сметаше друга случка. негов авион, со оглед на тоа дека поседуваше авиокомпании, се сруши, загинаа 200 лица, а тој изјави дека никогаш нема да си го прости тоа.

ЗАМИНА ЛЕГЕНДАТА НА ФОРМУЛА: Почина Ники Лауда

Ивана Ефремовски — Tue, 21 May 2019 06:00:27 +0000

Во 71 година од животот почина легендата на Формула 1, Ники Лауда. -Со длабока тага соопштуваме дека нашиот сакан Ники почина во понеделник во кругот на фамилијата. Неговото остварување како сопртист и бизнисмен ќе остане незаборавно. Тој е идол за сите нас, беше добар сопруг, татко и дедо и ќе ни недостасува, соопштило семејството на Лауда. Инаку, Ники Лауда кој е роден на 22 февруари, 1949 година во Виена, заврши во болница поради наводни компликации со бубрезите, а се уште не е позната точната причина за смртта. Тој во Формула 1 беше активен од 1971 до 1979, па од 1982 до 1985, а неговите успеси засекогаш ќе бидат запишани во историјата со златни букви. Тој има три титули, во 1975, 1977 и 1984 година. Возеше за неколку тима, а ќе се памети како единствен возач кој успеал да освои шампионски титули со Ферари и Мекларен, лутите ривали во Ф1. Еден период Ники Лауда ја имаше и авиокомпанијата “Лауда ер“ која имаше авио линија од Скопје до Виена.

Ники Лауда по три месеци излезе од болница

Катерина Бојаџиева — Wed, 24 Oct 2018 19:47:01 +0000

Легендарниот возач во Формула 1, Ники Лауда, по три месеци си замина од болницата, каде му беше извршена трансплантација на белите дробови. Трикратниот шампион е отпуштен од болницата во Виена во „добра здравствена состојба“. Тој беше хоспитализиран поради сериозна инфекција, а на втори август му беше извршена трансплантација. Лауда во 1976 година имаше сериозна несреќа на трка во Формула 1 и претрпе тешки изгореници особено на главата. Воедно на 69-годишниот возач двапати му беше извршена и трансплантација на бубрезите. Од 2012 година Лауда е дел од екипата на Мерцедес и беше еден од клучните луѓе кои помогнаа Луис Хамилтон да дојде во тимот.

Ники Лауда заздравува по трансплантацијата, докторите со прецизни забрани

Ивона Петрова — Tue, 14 Aug 2018 09:47:45 +0000

Легендарниот шампион во Формула 1, Ники Лауда започна со физикална терапија, соопшти австриски „ОЕ 24“. Лауда закрепнува по трансплантацијата на белите дробови извршена претходниот месец. Во четвртокот и петокот Ники имаше кратка криза поврзана со бубрезите по што беше ставен на дијализа. Во текот на викендот тој беше целосно стабилизиран и проблемот се надмина. Тој се уште се наоѓа во одделот за интензивна нега на виенската болница каде беше опериран. Радува фактот што веќе дише сосема сам и може да разговара. Според лекарскиот тим Лауда нема да може да патува со авион следните шест месеци и што значи дека најверојатно трикратниот шампион на трибините на трка од Ф1 шампионатот најрано ќе го видиме на почетокот на сезоната 2019. Лауда веќе има и трајна забрана да посетува јавни базени, сауни и спа, како и да избегнува животни.

Извршена трансплантација на белите дробови, Ники Лауда дише самостојно

Ивона Петрова — Mon, 06 Aug 2018 15:59:34 +0000

Легендата за автомобилскиот спорт Ники Лауда се опоравува многу брзо по трансплантацијата на белите дробови. Лекарите од клиниката каде веше извршена операцијата денеска соопштија дека трикратниот светски шампион во Формула 1 веќе нема потреба од помош при дишењето. - Само 24 часа по операцијата Ники Лауда беше целосно свесен. Беше отстранета помошната цевка и веќе дише самостојно, се вели во заедничката изјава на лекарскиот тим од виенската Општа болница и Медицинскиот универзитет од Виена. Во соопштението се додава дека сите органи во телото на Лауда добро функционираат. Лауда, кој беше во одреден период и управен директор на тимот на Мерцедес во Формула 1, беше подложен на операција во четвртокот, откако лекарите сметаа дека нема друг начин да се отстрани вирусната инфекција. Шеесет и деветгодишниот Лауда има сериозни здравствени проблеми откако при несреќа за време на трката во август 1976 година се запали неговиот болид. Лауда, кој е шампион од 1975, 1977 и 1984 година, потоа почна да работи како авиопилот и формираше сопствена авионска компанија „Лауда Ер“. Тој исто така беше коментатор и телевизиски аналитичар. МИА

Состојбата на Ники Лауда се подобрува

Ристе Здравков — Sun, 05 Aug 2018 07:53:42 +0000

Состојбата на Ники Лауда се подобрува, откако во четвртокот му беше извршена успешна трансплантацијата на белите дробови во болница во Виена. Еден од хирурзите кои ја извршија операцијата Валтер Клепетко за австриските медиуми потврди дека состојбата на трикратниот светски шампион во Формула 1 се стабилизирала и започнала да се подобрува. - Периодот на заздравување кај пациентите трае меѓу две до три седмици, но за господин Лауда заради неговата 69-годишна возраст ќе биде потребно малку повеќе време. Но во моментов сме задоволни, бидејќи се е во ред, истакна Клепетко. Лауда по одмор на Ибица итно беше хоспитализиран поради драстично влошување на тешката болест на белите дробови, а по операцијата првично беше соопштено дека неговата состојба е критична.

Ники Лауда се бори за живот

Ивона Петрова — Fri, 03 Aug 2018 07:58:17 +0000

Трикратниот шампион во Формула 1, Ники Лауда е во лоша состојба во виенската болница, откако претрпе трансплантација на белите дробови. Шеесет и девет-годишниот австриец беше опериран во четвртокот поради тешка болест на белите дробови, велат од болницата. Претходно, Лауда помина низ две трансплантации на бубрег. -Молиме за разбирање, семејството не сака да дава јавни изјави, се обидуваме да ја сочуваме приватноста на семејството Лауда, објавија од болницата. Според медиумите во Австрија, сепак, тоа е сериозна операција по која Лауда е во животна опасност. Белиот дроб на Ники Лауда беше засегнат уште при ужасната несреќа на „Нирбургринг“ на 1 август 1976. Тогаш Лауда вдиши отровен чад, што води до тешки повреди на белите дробови. Ова беше најголемата штета по тешката несреќа во која изгоре голем дел од телото на пилотот. Од тогаш, белите дробови на Лауда функционирале ограничено. Австриецот е во болница веќе 13 дена, а неговата состојба е далеку по драматична од претходните предвидувања. Се верува дека Лауда фатил летен грип на Ибица и првично ја потценил ситуацијата. Кога симптомите се влошиле, сопственикот на авиокомпанијата „Laudamotion“ оди директно во Виена. Поради големиот вирус, Лауда првично помина неколку дена во единицата за интензивна нега пред да се врати во нормален режим. Меѓутоа, во четвртокот неговата состојба се влошила повторно.