никлас ландин – Kurir.mk

ОФИЦИЈАЛНО: Никлас Ландин се договори со дански Алборг!

Ристе Здравков — Mon, 04 Apr 2022 11:12:38 +0000

Најдобриот голман на светот, Никлас Ландин од следното лето во 2023 година ќе го брани голот на Алборг. Иако Данецот имаше активен договор со Кил до 2025, вицепрвакот на Европа успеа да го привлече во своите редови. Ландин има 33 години, член е на Кил од 2015 година, а со него успеа да освои многу трофеи. Сепак, откако беше официјализиран потписот на четиригодишен договор, данскиот голман нагласи дека е среќен и смета дека Алборг е вистинската одлука за него. „Минав одлични години во Германија, но мислам дека најдобро за семејството е враќање во Данска. Покрај тоа, Алборг има одлични амбиции, па така беше перфектна одлука. Ги следев нивните настапи во изминатиот период, а гостував и во фантастичната атмосфера во „Шпаркасен Арена“. Импресиониран сум, навистина едвај чекам да станам дел од проектот“, изјави Ландин. Ова ќе биде кам-бек во родната Данска по пауза од единаесет години. Кариерата на Ландин започна во ГОГ Гудме, па преку Силкеборг дојде до трансфер во Рајн Некар Левен. Алборг припрема неверојатен тим. Соиграчи на Ландин во данскиот првак ќе бидат Микел Хансен, Арон Палмарсон, Кристијан Бјорнсен и Јеспер Нилсен.

Кил во Скопје и без Ландин?

Бошко Тасиќ — Sat, 23 Oct 2021 06:15:08 +0000

Данскиот голман и член на германскиот биндеслигаш Кил, Никлас Ландин би можел да го пропушти натпреварот против Магдебург во Бундес лигата, како и средбата против Вардар во Лигата на шампионите в среда во Скопје. Ландин се повреди на дуелот против Пик Сегед и не можеше да го заврши натпреварот така што постои голема можност да го нема во составот на „зебрите“ во Скопје следната седмица. Под знак прашалник се и Сандер Сагосен и Штефан Вајнхолд кои се позитивни на Ковид 19.

Данска без Хансен и Ландин на последните два меча од квалификациите за ЕП

Бошко Тасиќ — Tue, 13 Apr 2021 20:52:59 +0000

Данската ракометна репрезентација го објави списокот на ракометари кои ќе конкурираат за настап на натпреварите против Финска и Швајцарија во квалификациите пласман на Европското првенство. Селекторот Николај Јакобсен одлучи да има даде одмор на на најдобрите Никлас Ландин, Микел Хансен, Хенрик Мелгард и Ласе Сван кои сигурно нема да настапат на последните два квалификациски меча. Светскиот првак најпрво ќе гостува во Цирих, а неколку дена подоцна ќе биде домаќин на финската репрезентација. Цел е да се освојат максимален број бодови кои ќе донесат заверка на првата позиција на табелата каде се наоѓа и нашата репрезентација.

Никлас Ландин најави повлекување од репрезентацијата

Бошко Тасиќ — Tue, 06 Apr 2021 15:37:52 +0000

Еден од најдобрите ракометни голмани во светот, Данецот Никлас Ландин најави свое повлекување од националниот дрес. Со репрезентацијата на Данска посакува да му помогне на својот брат, Магнус Ландин во походот кон освојување на преостанатите медали од големите натпреварувања. Според информациите на данските медиуми голманот на Кил ќе се појави на ОИ во Токио и на ЕП во ракомет кое наредната година ќе се одигра во јануари во Унгарија и Словечка по што ќе се повлече од националниот дрес.

Ландин го продолжи договорот со Кил до 2025 година

Бошко Тасиќ — Fri, 05 Mar 2021 20:17:03 +0000

Данскиот ракометен голман Никлас Ландин потпиша нов четиригодишен договор со актуелниот европски првак германски Кил. По мегатрансферот на Микел Хансен од Алборг во 2022 година се најавуваше дека Ландин би можел да ги следи стапките на својот репрезентативен колега и да се врати во татковината. Ландин сепак стави крај на шпекулациите потпишувајќи со Кил до 2025 година.

„Останувањето на Ландин е јасен сигнал од наша страна, успеавме да го убедиме во нашиот план бидејќи сите работиме заедно за иста цел – Кил да продолжи да биде дел од врвот на европскиот ракомет“, изјави менаџинг директорот на германскиот гигнт, Виктор Шилаги.

Самиот голман исто така беше презадоволен од постигнатиот договор. „За мене немаше друга опција. Сакав само да потпишам нов договор со Кил, се чувствувам прекрасно овде, моето семејство е одлично. За мене Кил е најдобриот клуб во светот на ракометот“, истакна Ландин.

ВИДЕО: Неверојатен автогол на данскиот голман Ландин- цел свет му се смее!

Курир — Sat, 27 Jan 2018 18:02:55 +0000

Кил неодамна загуби од Рајн-Некар Левен во германскиот Суперкуп, а победникот беше решен дури по изведување пенали. Покрај неизвесната завршница, еден момент кој предизвикува внимание кај ракометните фанови е потег на голманот на Кил, Никлас Ландин. Данскиот репрезентативец на уникатен начин постигна автогол, а и сам не можеше да поверува што направил во оваа ситуација. Данскиот голман беше причина за сеир на присутните гледачи, бидејќи постигна несекојдневен гол и тоа во својата мрежа. При резултат 8-8, Рајн Некар тргна во контра напад, кој заврши со удар во стативата, а Ландин во обид да ја спаси топката неочекувано ја испрати во сопствената мрежа.