Хулкенберг: Прашање на време е појавувањето на Мик Шумахер во Формула 1

Ивона Петрова — Wed, 26 Aug 2020 09:40:06 +0000

Возачот во Формула 1, Нико Хулкенберг смета дека транзицијата на возачот во Формула 2, Мик Шумахер во Формула 1 е неизбежна. – Mислам дека настапот на Мик во Формула 1 е прашање на време. Порано се тркав со Мајкл, а сега би сакал да се натпреварувам со неговиот син, изјави Хулкенберг. Напредокот на Шумахер јуниор го следи и раководството на Ферари. Според Матијаја Биното, преминувањето во Ф1 во 2021 година ќе биде „логичен чекор“. – Почнувањето во мал Ф-1 тим ќе биде логичен чекор за Мик Шумахер во 2021 година, смета Биното. Во исто време, поранешниот пилот на Ф1 и двократен победник на 24 часа на Ле Ман Јирки Јeрвилехто забележува дека германскиот возач сè уште не покажал извонредни резултати: „Несомнено, во моментот, Роберт Шварцман е посилен. Шумахер има име, но тој допрва треба да го достигне нивото што луѓето го очекуваат“. Во Формула 2 водат возачите на Академијата Ферари: Калум Илот ја зазема првата позиција, Шварцман – втората. Шумахер е со 42 бода зад лидерот и е на петтата позиција.

Хулкенберг нема да се трка во Формула 1 следната година

Ивона Петрова — Fri, 15 Nov 2019 07:58:00 +0000

Нико Хулкенберг потврди дека нема да се трка следната сезона во Формула 1, но исто така не смета дека ќе се повлече трајно од елитните автомобилски серии. Триесет и две-годишниот Германец е дел од трките уште од 2010 година, а за Рено вози уште од 2017 година. Сепак, тој не доби предлог за нов договор следната сезона. – Ова не е трајно повлекување. Јас едноставно нема да возам во Формула 1 во 2020 година. Кој знае што ќе се случи следно? Го сакам овој спорт. Ќе се обидам да бидам фит додека ја чекам мојата следна шанса, сподели Хулкенберг пред новинарите пред Големата награда на Бразил во Сао Паоло.

Нико Хулкенберг – Kurir.mk

Хулкенберг: Прашање на време е појавувањето на Мик Шумахер во Формула 1

Хулкенберг нема да се трка во Формула 1 следната година