Никола Бошковски – Kurir.mk

Грујовски и Бошковски излегоа од екстрадициски притвор: Еве ја европската пракса врз основа на која одлучуваше Врховниот суд на Грција

Матеја Петровски — Sat, 19 May 2018 11:57:24 +0000

Највисокиот суд во Грција пресече, нема екстрадиција за поранешните функционери во МВР, Горан Грујовски и Никола Бошковски бидејки во Македонија нема да им се овозможи фер судење. Тие во притвор во Грција поминаа седум месеци. Ставот во однос на правното дејство на одлуките за помилување, Европскиот Суд за човекови права (ЕСЧП) го искажал преку примената на Европската конвенција за заштита на човековите права (ЕКЧП) во предметот Lexa v. Slovakia, и според него ефектот од одлуката за помилување не може да се анулира, независно дали помилувањето во било која постапка или со било која одлука е ставено вон сила. Во случајот Lexa v.Slovakia жалителот се жалел дека неговото гонење по помилувањето не било дозволено според важечкиот словачки закон, па од тие причини неговиот притвор не бил во согласност со закон. Главната поента во спорот била дали кривичната постапка против жалителот била дозволена или не, во поглед на постоењето на различни одлуки за помилување во врска со кривичните дела за кои се товарел во тоа време. Во пресудата, Судот констатира дека Уставот на Словачка не содржел одредби со кои изречно се дозволува претседателската одлука за помилување да биде укината, а Законот за кривична постапка не предвидувале постапката да продолжи кога работата станала res judicata, како резултат на одлуката за помилување. Судот понатаму забележува дека укинувањето на безусловни мерки за помилување, генерално не е прифатено со праксата и преовладувачкото правно мислење во другите држави потписнички на ЕКЧП и ги нотира законските измени и дополнувања донесени подоцна (како што се преиначувањето на обемот на овластувањата на претседателот за донесување на мерки за одделни помилувања, условувањето на таквите мерки со потпис од страна на Владата итн.) и подоцнежните напори да се укинат претходните одлуки со донесување на уставен закон и заклучува дека гонењето на жалителот по донесување на одлука за помилување не било дозволено. Со оглед на тоа што во Законот за помилување кој важел во времето кога Претседателот Иванов ги донел одлуките за помилување не била предвидена можност за нивно поништување тие станале конечни, а стекнатите права врз основа на овие одлуки не можат да бидат изменети на штета на лицето за кои се однесуваат што произлегува и од институтот од римското право reformacio in peus. Доколку со дополнително донесените Закон за дополнување на Законот за помилување и Одлуки за поништување на одлуките за помилување, ефектите од помилувањето се анулираат тоа би значело дека истите имаат ретроактивно дејство што е спротивно на член 52 од Уставот на Република Македонија (согласно кој законите и прописите неможат да имаат повратно дејство освен во исклучок кога тоа е поповолно за граѓаните) и што според одлуката на ЕСЧП во случајот Lexa v. Slovakia, претставува повредана на правото на правично судење, заштитено со членот 6 од Конвенцијата.

Европското право е јасно: Нема екстрадиција на веќе помилувани лица кои ги чека неправично судење

Дарко Андоновски — Fri, 18 May 2018 13:01:41 +0000

Највисокиот суд во Грција пресече, нема екстрадиција за поранешните функционери во МВР, Горан Грујовски и Никола Бошковски бидејки во Македонија нема да им се овозможи фер судење, пренесува Алфа. Највисокиот суд во Грција пресече, нема екстрадиција за поранешните функционери во МВР, Горан Грујовски и Никола Бошковски бидејки во Македонија нема да им се овозможи фер судење. Судот во Атина негативно ќе одговори по барањето на министерството за правда по барањето за екстрадиција на двајцата бегалци. Адвокатот на осомничените Петар Василев во изјава за Алфа вели дека ја поздравува објективната одлука на највисокото судско тело во Грција потенцирајки дека тамошниот суд носи одлуки по словото на законот. Судот во Атина констатираше дека не може да одлучува за луѓе кои претходно биле амнестирани. Станува збор за амнестијата која ја направи претседателот Ѓорге Иванов пред две години. Тамошниот суд одлучил дека еднаш донесена одлука за амнестија не може да биде повлечена. За Горан Грујевски и Никола Бошковски пред судот во Скопје се водат постапки по обвинение на СЈО за нивна наводна вмешаност во нелегалното прислушување.

Врховен суд на Атина: Во Македонија нема услови за фер судење, не одлучуваме за луѓе кои се веќе амнестирани

Ивана Ефремовски — Fri, 18 May 2018 11:32:40 +0000

Грчкиот суд го одби барањето на македонското Министерство за правда за екстрадиција на бегалците Горан Грујевски и Никола Бошковски. Главниот аргумент на грчкиот Врховен суд за да не ги екстрадира во Македонија,е дека не може да одлучува за луѓе кои претходно биле амнестирани. Станува збор за амнестијата која ја направи претседателот Ѓорге Иванов пред две години. Тамошниот суд одлучил дека еднаш донесена одлука за амнестија не може да биде повлечена. Врховниот суд во Атина одлучил дека двајцата не треба да бидат испорачани во земјава бидејќи тука нема услови да им се овозможи фер судење.

За екстрадицијата на Грујевски и Бошковски денеска одлука на грчкиот Врховен суд

Ивана Ефремовски — Fri, 18 May 2018 06:06:49 +0000

Врховниот суд во Атина, денеска треба да ја соопшти одлуката по поднесената жалба за екстрадиција на Горан Грујевски и Никола Бошковски, јави вчера дописничката на МИА од Атина. Откако солунскиот суд на 5 јануари годинава даде зелено светло за екстрадиција, Врховниот суд во Атина веќе одржаа четири рочишта, а послдното се сослушување беше зад затворени врати на 27 април. За Грујевски и Бошковски во Грција, како што веќе објави МИА, се водат три различни и меѓусебно неповрзани процеси. Во овој момент, приоритет има Врховниот суд, односно соопштувањето на одлуката, а дури потоа ќе се одредат датумите за другите два процеси, тоа за фалсификуваните патни исправи и барањето за азил. Горан Грујевски и Никола Бошковски од 13 февруари по нивното пренесување од Солун во Атина, се наоѓаат во атинскиот затвор „Коридалос“. Сите четири рочиште во Врховниот суд во Атина поминаа без никаков интерес од медиумите во Грција, а единствен новинар во судницата беше дописничката на МИА од Атина, нешто што беше и еден од аргументите на адвокатите на Грујевски и Бошковски да побараат рочиштето да биде зад затворени врати.

Во Врховниот суд во Атина започна рочиштето за Грујевски и Бошковски

Дарко Андоновски — Fri, 27 Apr 2018 09:05:51 +0000

Зад затворени врати, исто како и минатиот пат, во Врховниот суд во Атина продолжи рочиштето по поднесената жалба за екстрадиција на Горан Грујевски и Никола Бошковски, откако на 9 март, беше прекинато поради правни прашања. Како што јави дописничката на МИА од Атина, неколку минути по 11:30 часот по локално време, откако поминаа сите останати над 20 случаи, што беа на дневен ред, започна рочиштето во атинскиот суд. Судницата беше испразнета, поради барањето на двајцата адвокати од Грција од минатиот месец, рочиштето да се одржи зад затворени врати, па така во судницата останаа само Грујевски и Бошковски, адвокатскиот тим, двајцата преведувачи и полициското обезбедување, но и адвокатот од Македонија, кој е сведок во случајот. Како што објави МИА, на минатото, трето по ред рочиште во Врховниот суд во Атина, двајцата адвокати побараа судењето да биде зад затворени врати бидејќи, како што рекоа, станува збор за политички прогон, а Грујевски и Бошковски се обвинети за политички криминал (нешто со што тие како одбрана не се согласуваат), објаснија дека во исказот што ќе го дадат има прашања кои што се доверливи, кои што не се за во јавност, со оглед на тоа дека рочиштата се јавни и никој не знае кој сѐ се наоѓа во судницата. Безбедноста на нивните клиенти беше уште еден од аргументите на адвокатите. Едниот, образложи дека исказите што ќе ги дадат се однесуваат на политички случај, со прислушувањата по кои имаше политички пресврт и промена на власта. Како дополнителен аргумент, еден од адвокатите посочи дека во судницата има и новинари, кои што сакаат да објават што кажале Грујевски и Бошковски во исказот. За конкретниот случај, не постои никаков интерес во грчките медиуми и единствен новинар во судницата, како и на изминатите три рочишта, така и денес, беше дописничката на МИА од Атина.

Врховниот суд во Атина утре решава за екстрадицијата на Грујевски и Бошковски

Катерина Бојаџиева — Thu, 26 Apr 2018 08:07:46 +0000

Рочиштето во Врховниот суд во Атина, по поднесената жалба за екстрадиција на Горан Грујевски и Никола Бошковски се очекува да продолжи утре, откако на 9 март, беше прекинато поради правни прашања. Како што јави дописничката на МИА од Атина, рочиштето минатиот месец се одржа зад затворени врати, по барање на тимот од двајцата грчки адвокати на Грујевски и Бошковски. Ваквото барање до шесточлениот совет на судии и обвинителот, адвокатите го образложија со тоа дека станува збор за политички прогон и се обвинети за политички криминал (нешто со што тие како одбрана не се согласуваат) објаснија дека во исказот што ќе го дадат има прашања кои што се доверливи, кои што не се за во јавност, со оглед на тоа дека рочиштата се јавни и никој не знае кој сѐ се наоѓа во судницата. Безбедноста на нивните клиенти беше уште еден од аргументите на адвокатите. Образложија дека исказите што ќе ги дадат се однесуваат на политички случај, со прислушувањата по кои имаше политички пресврт и промена на власта. Како дополнителен аргумент, еден од адвокатите посочи дека во судницата има и новинари, кои што сакаат да објават што кажале Грујевски и Бошковски во исказот. За конкретниот случај досега, не постоеше никаков интерес во грчките медиуми и единствен новинар во судницата, беше дописничката на МИА од Атина. Ваквите рочишта по правило се јавни, а само во одредени случаи се прават исклучоци и се одржуваат зад затворени врати. По завршувањето на рочиштето, со полициско обезбедување, Грујевски и Бошковски беа повторно вратени во атинскиот затвор „Коридалос“. Утре, ќе биде четврто рочиште во Врховниот суд во Атина. Освен минатото што беше прекинато, првите две се одложија. Едното поради тоа што немаше преведувач, другото поради отсуство на еден од двајцата адвокати. За Грујевски и Бошковски во Грција, како што веќе објави МИА, се водат три различни и меѓусебно неповрзани процеси. Едниот процес е за фалсификуваните пасоши, со кои беа фатени на солунскиот аеродром, судењето по три одложувања, ќе се одржи на 17 мај годинава. Другиот случај е по поднесеното барање за азил на 29 ноември минатата година. Сослушувањето пред комисијата за азил во Солун беше закажано за 15 февруари, но одложено, поради тоа што тие веќе се наоѓаа во Атина. Третиот е по македонското барање за екстрадицијата, за кој Советот на судии во Солун, на 5 јануари одлучи, Никола Бошковски и Горан Грујевски да бидат екстрадирани во Македонија, а веднаш потоа нивните адвокати поднесоа жалба против одлуката на судот, за случајот да го разгледа Врховниот суд во Атина.

„Таргет-Тврдина“ повторно одложено, се чекаат Грујовски и Бошковски да седнат на обвинителната клупа

Ивона Петрова — Tue, 27 Mar 2018 09:59:23 +0000

Во Кривичниот суд денеска повторно е одложено судењето за случајот Таргет-Тврдина, во кој се обвинети поранешниот директор на тајната полиција, Сашо Мијалков и поранешната министерката за внатрешни работи, Гордана Јанкулоска. Останаа празни столчињата на Горан Грујевски и Никола Бошковски кои се во екстрадиционен притвор во Солун. Судот одреди екстрадиција, но тие се жалат на оваа одлука до Врховниот суд во Атина. Следното рочиште е закажано за 15 мај. Доколку повторно не се присутни Грујовски и Бошковски, судијата Џенета Бектовиќ најави дека ќе бара раздвојување на постапката на овие двајца обвинети од останатите. -Таму се водат повеќе постапки за нив, така да ќе оставиме на судот да видиме. Постапката е во фаза на жалба на решение на Апелациониот суд во Солун и истата се води пред Врховен суд на Република Грција. Седницата е закажана за 27 април. Минатото рочиште беше одложено поради тоа што Судот побара мислење од Институтот за меѓународно право при Министерството за правда на Р. Грција, изјави адвокатот Петар Василев. Инаку, во „Таргет – Тврдина“, обвинети се вкупно 12 лица. Случајот се однесува на уништување на два система за прислушување и следење на над 5.000 телефонски броеви.

Одложено рочиштето за жалбата на Грујевски и Бошковски

Ивана Ефремовски — Fri, 16 Feb 2018 09:35:16 +0000

Врховниот суд во Атина за 2 март го одложи рочиштето на кое требаше да биде разгледана жалбата на одлуката за екстрадиција на Судот во Солун за поранешниот началник во УБК Горан Грујевски и неговиот колега Никола Бошковски, јави дописникот на МИА од Атина. Рочиштето е одложено поради тоа што адвокатите немале време да го разгледаат предметот и затоа што не бил обезбеден преведувач на македонски јазик. Во Судот имаше преведувач на бугарски јазик, но одбраната инсистираше на македонски превод. Грујевски и Бошковски од Врховниот суд се вратени во атинскиот затвор „Коридалос“. На денешното рочиште, покрај жалбата на Грујевски и Бошковски, требаше да се разгледаат уште 20 други случаи. Вчерашното сослушување на Грујевски и Бошкоски пред Комитетот за азил во Солун вчера беше одложено. Тие пред Комитетот требаше да ги изнесат причините поради кои го бараат азилот во Грција. Претходно нивното првично сослушување во Комитетот беше одложено бидејќи имало проблем со обезбедување преведувач на македонски јазик. Одлучувањето во Атина доаѓа по нивните жалби откако Основниот суд во Солун одлучи дека тие треба да бидат екстрадирани во земјава. Според некои домашни проценки, двајцата бегалци би требало да бидат екстрадирани наредниот месец, за кога во Кривичниот суд се закажани рочиштата за Таргет- Тврдина и Трезор. Грујевски и Бошковски барање за добивање политички азил во Грција доставија на 29 ноември минатата година. Овој потег, како што јави дописникот на МИА од Атина, беше очекуван, со оглед на тоа дека во вакви случаи, за да се пролонгира екстрадицијата следниот чекор е барање азил. Со поднесеното барање за политички азил, пак, се отвори нов паралелен и дополнителен процес. Грујевски и Бошковски, во Грција, веќе имаат три различни и меѓусебно неповрзани процеси, едниот за екстрадицијата по издадената меѓународна потерница од македонска страна, другиот за фалсификуваните пасоши со кои беа фатени на солунскиот аеродром и третиот по барањето за азил. (МИА)

Грујевски и Бошковски пред Врховниот суд во Атина

Ивана Ефремовски — Fri, 16 Feb 2018 08:27:12 +0000

Поранешниот началник во УБК Горан Грујевски и неговиот колега Никола Бошковски, денеска во 9:30 треба да бидат на рочиште во Врховниот суд во Атина, каде ќе се одлучува по нивната жалба за одлуката за екстрадиција на судот во Солун, јави дописникот на МИА од Атина. Сослушување на Грујевски и Бошкоски пред Комитетот за азил во Солун вчера беше одложено. Тие пред Комитетот требаше да ги изнесат причините поради кои го бараат азилот во Грција. Претходно нивното првично сослушување во Комитетот беше одложено бидејќи имало проблем со обезбедување преведувач на македонски јазик. Одлучувањето во Атина доаѓа по нивните жалби откако Основниот суд во Солун одлучи дека тие треба да бидат екстрадирани во земјава. Според некои домашни проценки, двајцата бегалци би требало да бидат екстрадирани наредниот месец, за кога во Кривичниот суд се закажани рочиштата за Таргет- Тврдина и Трезор. Грујевски и Бошковски барање за добивање политички азил во Грција доставија на 29 ноември минатата година. Овој потег, како што јави дописникот на МИА од Атина, беше очекуван, со оглед на тоа дека во вакви случаи, за да се пролонгира екстрадицијата следниот чекор е барање азил. Со поднесеното барање за политички азил, пак, се отвори нов паралелен и дополнителен процес. Грујевски и Бошковски, во Грција, веќе имаат три различни и меѓусебно неповрзани процеси, едниот за екстрадицијата по издадената меѓународна потерница од македонска страна, другиот за фалсификуваните пасоши со кои беа фатени на солунскиот аеродром и третиот по барањето за азил. (МИА)

Одобрена екстрадицијата на Грујевски и Бошковски

Курир — Fri, 05 Jan 2018 09:42:12 +0000

Советот на судии во Солун, денеска одлучи, Никола Бошковски и Горан Грујески да бидат екстрадирани во Македонија.

Според солунскиот портал Вориа, јавува дописникот на МИА од Атина, веднаш по објавувањето на пресудата, двајцата обвинети, поднеле жалба против одлуката на судот, за случајот да го разглед Врховниот суд во Атина.

И соопштувањето на одлуката, исто како и сослушувањето беше зад затворени врати.