Никола Даниловски – Kurir.mk

РФМ го одложи целото коло поради смртта на Никола Даниловски

Бошко Тасиќ — Sat, 29 May 2021 16:54:51 +0000

Утринава во водите на Охридското езеро беше пронајдено телото на 26-годишниот голман на РК Охрид, Никола Даниловски кој беше и македонски репрезентативец.

Ракометната федерација на Македонија реши да го одложи целото коло кое требаше да се игра викендов.

„Со голема тага и неверување испраќаме последен поздрав на репрезентативецот Никола Даниловски. Почивај во мир, сочуство до семејството“, напишаа од РФМ.

Сите македонски ракометни профили преку своите социјални мрежи изразуваат сочувство за Никола Данаиловски.

Ракометниот клуб Охрид се прости од Даниловски

Ивона Петрова — Sat, 29 May 2021 13:00:42 +0000

Од водите на Охридското Езеро денеска е извлечено телото на Никола Даниловски, голман на ГРК Охрид, поранешен член на РК Металург и репрезентативец во националниот ракометен тим. Беживотното тело на 26-годишниот спортист роден во Скопје е пронајдено во близина на туристичката населба Лагадин. Потрагата по него започнала уште синоќа, а била известена и полицијата. -Последен поздрав од Ракометниот клуб Охрид за голманот Никола Даниловски-Џамбо. Засекогаш ќе бидеш еден од нас, напишаа од клубот. Поради трагичната смрт на младиот голман одложен е вечерашниот меч од Супер лигата помеѓу Охрид и Струга. Последен поздрав до Даниловски испратија и од Ракометната федерација.

ТРАГЕДИЈА ВО РАКОМЕТНА МАКЕДОНИЈА: Се удави репрезентативниот голман Никола Даниловски

Бошко Тасиќ — Sat, 29 May 2021 11:11:57 +0000

Огромна трагедија го потресе утрово Охрид и ракометна Македонија. Под засега непознати околности, кои во моментов се истражувани од охридската полиција, животот го загуби голманот на РК Охрид и македонски репрезентативец 26-годишниот Никола Даниловски. Безживотното тело на младиот спортист е пронајдено денеска во водите на Охридското Езеро, а како што информираат од охридската полиција, на телото немало никакви траги од насилство. Според информациите од охридската полиција, тој се водел за исчезнат од синоќа, а по него интензивно ноќва трагале полицијата како и неговите соиграчи и блиски пријатели. Безживотното тело било пронајдено денеска во туристичката населба Лагадин во близина на Охрид. Поради трагичната смрт на младиот голман, одложен е вечерашниот меч од Суперлигата во ракометната лига на Македонија, меѓу Охрид и Струга. Даниловски изминативе години беше постојано на репрезентативните списоци на Данило Брестовац и Кире Лазаров, а во својата кариера покрај за Охрид претходно бранеше и за Металург и за Еурофарм Пелистер. фото: ekipa.mk