Никола Ѓоргиев – Kurir.mk

Ѓоргиев: Македонците никогаш не се откажуваат – горд сум на сите во салата!

Ристе Здравков — Sat, 02 Sep 2023 19:57:47 +0000

Капитенот на македонската одбојкарска репрезентација, Никола Ѓоргиев вели дека со пласманот во осминафиналето целта е остварена, но тие ќе одат на повеќе, на уште победи на ова Европско првенство. Македонија стартуваше на најдобар можен начин на Европското првенство, ги победивме двата конкуренти за пласман понатаму Данска и Црна Гора, а сега секоја следна победа е бонус по кој целат нашите одбојкари. „Ова е голема победа, ова е историска победа. Но, сега само се загреавме, за мене сега почнува Европското првенство. Ова што го направивме е историски успех, но го заслуживме тоа. Се подготвивме добро, трениравме долго, секој ден стануваме рано, анализираме, вежбаме по одредените програми и заслиживме да се радуваме. Покажавме дека Македонците никогаш не се откажуваат, горд сум на сите во оваа сала. Сонот го остваривме, но можеме и повеќе . На утрешниот меч против Полска нема што да загубиме. Но на дуелите против Чешка и Холандија ќе се обидеме да победиме и зошто да не го направиме тоа“, вели Ѓоргиев.

Ѓоргиев: Трпението не однесе до голема победа

Бошко Тасиќ — Thu, 31 Aug 2023 03:57:01 +0000

Никола Ѓоргиев е вистински капитен и лидер на репрезентацијата доле на теренот, па како предводник на „спартанците“ беше првиот кој се огласи по големиот и историскиит триумф на Европското првенство кое се игра во Скопје.Македонија ја надигра Данска и со пресврт славеше со 3:1, што е прв голем исчекор кон остварување на целта, а тоа е пласман во нокаут фазата на континенталниот турнир.

– Голема благодарност до сите, овие момци денеска покажаа од што се направени и колку вредат. Беше тешко, но уште кога го загубивме првиот сет, побарав од играчите да останат мирни. Денеска победивме поради тоа што бевме трпеливи во најважните моменти. Благодарен сум на навивачите кои дојдоа да не бодрат и се надевам дека на наредниот ќе има уште повеќе, – изјави капитенот.

Македонија во второто коло има ривал по мерка, бидејќи втор предизвик за „спартанците“ ќе биде селекцијата на Црна Гора, против која влегуваме како фаворити за победа. – Имавме тежок натпревар, не беше лесно и се исцрпивме на физички и психички план. Сега најважно е да одмориме, а потоа ќе мислиме за Црна Гора. Да бидам искрен, не знам ништо за Црна Гора, од утре ќе анализираме и ќе имаме добра подготовка за тој дуел, – дополни капитенот. foto: ekipa.mk

Ѓорѓиев: Од ден во ден сме се подобри, горд сум на момците

Бошко Тасиќ — Tue, 08 Aug 2023 04:21:10 +0000

Капитенот на машката одбојкарска репрезентација Никола Ѓорѓиев не го криеше задоволството од прикажаното на теренот. Зад одбојкарската репрезентација се два добри натпревари во подготовките за Европското првенство од 30. август до 6. септември на кое коорганизатор ќе биде и Македонија. „Третиот микроциклус е завршен со два натпревари против Романија. Првиот многу потежок бидејќи беше со контри и различни тешки топка каде што поените траеа многу подолго и не исцрли за разлика од вториот кој беше вистински натпревар. Одигравме два одлични натпревара и многу сум среќен со квалитетот кој го поседуваме во овој момент. Сигурно дека сме далеку од формата која ја сакаме, меѓутоа од ден на ден како што кажа и селекторот ќе бидеме се подобри и подобри. Здравје Боже да бидеме здрави. Имаме ден пауза па продолжуваме со пријателските натпревари. Можам да кажам од капитенска гледна точка дека се оди десет, горд сум на момците за ова што го одработивме не само овие два натпревари туку целите три недели. Се надевам дека така ќе продолжиме и во останатите три микроциклуси и ќе истрчаме максимално подготвени за победа против Данска“, изјави капитенот.

В сабота сите на забава и кошарка во хуманитарни цели

Ристе Здравков — Tue, 04 Apr 2023 08:40:15 +0000

Групата ентузијазсти, собрани во тимот Водњански Ласици (не е грешка, се вика Ласици), претстојната сабота (8 април) ќе организира ревијален кошаркарски натпревар со хуманитарен карактер. Противник на Ласици ќе им биде италијанскиот Сгарупати, сличен состав кој патува низ светот и учествува на вакви настани, а овојпат ќе им помогне на нашите ентузијасти во акцијата за собирање средства за Никола Ѓорѓиев кој боледува од рак на коските. Настанот нема да биде само кошаркарски бидејќи е предвидена и забава, а поканети се сите кои сакаат да учествуваат во хуманитарната акција. Целиот текст прочитајте го на kos.mk

Ѓоргиев: На турнирот во Струмица не го покажавме тоа што го знаеме

Ивона Петрова — Mon, 07 Jun 2021 05:52:47 +0000

По крајот на финалниот натпревар од завршниот турнир во Европската сребрена лига видно беше разочарувањето кај нашите одбојкари поради поразот од Данска со 3:1 во сетови. Капитенот на македонската одбојкарска репрезентација, Никола Ѓоргиев, смета дека репрезентативците на турнирот во Струмица не го покажале тоа што го знаат. – Колку што видов од статистиката двајца играчи на Данска не победија. Тоа е прво што можам да го видам. Мислам дека на овие два натпревари не одигравме онака како што знаеме, не одигравме течно, постојано бевме стегнати и не покажавме тоа што треба. Ете, втор пат ни се случува, можеби затоа што сме организатори на финалниот турнир. Со Хрватска пред три години и вчера не покажавме некоја убедлива игра, а во финалето иако поведовме со 1:0 во сетови, не издржавме. Можеби сами на себе си создаваме притисок дека можеме повеќе, но не можеме да го издржиме тој притисок. Противникот беше подобар денеска. Но, ние сме подобри од Данска и уште 99 натпревари да играме исто толку пати ќе победиме, рече капитенот Никола Ѓорѓиев. Подвлече дека за претстојното Европско првенство за два месеци треба напорно да се работи и на континенталниот собир ќе атакуваат на влез во вториот круг. Репрезентативецот Филип Деспотовски смета дека Данците одиграле многу добро. -Данците одиграа на повисоко ниво кое ние, за жал, не можевме да го стигнеме. Можеби на хартија се послаба репрезентација од нас, но тоа не значи ништо. Многу жалам што не успеваме да завршиме први на домашен терен, изјави Деспотовски. Големиот пехар и златните медали на репрезентацијата на Данска им ги врачи премиерот Зоран Заев, кој заедно со министерот за здравство, Венко Филипче, директорот на Агенцијата за спорт и млади, Наумче Мојсоски и градоначалникот на Струмица, Коста Јаневски го следеше натпреварот. Пред почетокот на завршниот натпревар Одбојкарската федерација на Македонија на репрезентативците Горѓи Ѓорѓиев, Никола Ѓоргиев, Владо Милев, Дарко Ангеловски, Филип Депостовски и Александар Љафтов им додели признанија за одиграни повеќе од 100 натпревари во дресот на македонската репрезентација.

Ѓоргиев: „Експлодиравме“ – играме светска одбојка, заслужено сме на ЕУРО!

Ивона Петрова — Sun, 17 Jan 2021 08:01:57 +0000

Капитенот на македонската одбојкарска репрезентација, Никола Ѓоргиев вели дека против Турција одигравме тимски, борбено и заслужено сме на Европското првенство и тоа по втор пат. -Беше експлозија, немавме слаба точка, заслуживме, играме светска одбојка, одигравме најдобро, не знам што кажам повеќе, второ Европско првенство, најважна е константноста, важно е одиме на ЕУРО. Кога бев мал, Македонија не играше на светски и европски првенства, навивавме за други, македонската јавност има прекрасно лето, фудбалерите и ние на ЕУРО, спортот ја спои нацијата, посакувам и медал на каратистот Павлов, мојот брат по спортот, да оди на Олимписки игри и да не израдува, изјави Ѓоргиев.

Никола Ѓоргиев: Дојдовме, видовме, научивме!

Дарко Андоновски — Thu, 19 Sep 2019 17:00:07 +0000

Македонската машка одбојкарска репрезентација денеска се врати од Словенија, каде за само неколку поени не успеа да се пласира во осминафиналето на Европското првенство. Одбојкарите се фотографираа на аеродромот, а капитенот Никола Ѓоргиев преку социјалните мрежи изрази благодарност до навивачите и државата за поддршката. – Дојдовме, видовме, научивме. До следното лето, порача најдобриот играч во тимот на селекторот Матијашевиќ. Потоа на тимот му беше приреден пречек и од фанови, со музика од оркестарот „Џамбо Агушеви“, па репрезентативците запеаја и заиграа оро.

Ѓоргиев: Имаме срце како планина, заслужуваме осминафинале

Дарко Андоновски — Tue, 17 Sep 2019 19:53:29 +0000

Најдобриот македонски одбојкар Никола Ѓорѓиев, беше еуфоричен после победата над Словенците, и го истакна големото срце на тимот, како главен фактор за триумфот. -Видовте ли како ги победивме среде Словенија? Во 2014 година двапати им водевме 2-1, а губевме 2-3, сега сè се врати. Имаме срце како планина. Местото ни е меѓу најдобрите 16 во Европа. Немаше слаб играч, играме сите, се бориме до крај, изјави капитенот. Осминафиналето е на дофат, утре после мечот Турција – Финска ќе се знае дали македонскиот тим ќе патува во Нант каде се игра нокаут фазата. -Ние не сме добра, туку луда екипа. Во сите елементи ја надигравме Словенија. Не нè потценија, си ги совладавме чесно. Грев ќе биде ако не одиме понатаму, рече Деспотовски. Селекторот Никола Матијашевиќ го истакна добриот блок на нашите одбојкари, и додаде дека тоа е доказ за борбеноста на тимот. Тој си посака осминафинале во Нант против домашната Франција, земјата во која долги години работи во клупската одбојка.

Ѓоргиев: Сакаме да стигнеме до Европското првенство

Ристе Здравков — Sun, 26 Aug 2018 07:53:49 +0000

Македонската одбојкарска репрезентација во краjно неизвесен натпревар ја совлада на гости Швајцарија со 2:3 во сетови во четвртото квалификациско коло за Европското првенство во 2019 година. Капитенот на македонската одбојкарска репрезентација, Никола Ѓоргиев, имаше извореден учинок и оствари 33 поени (31 од напад, два од блок). - Исцрпени сме, но среќни. Ова е третпат да водиме со 2:0 и пак мора да играме во пет сета. Мислам дека нашата група е многу тешка. Нашите навивачи создадоа неверојатна атмосфера овде во Шоненверд и се чувствував како дома. Ни дадоа дополнителна мотивација за да го освоиме петтиот сет. Секогаш сме пропуштале големи настани како Европското првенство само поради еден поен, сега сакаме да стигнеме до главниот настан, истакна Ѓоргиев по натпреварот. Македонија овој квалификациски циклус го завршува со две победи и два порази, а клучните два натпревари за пласман на ЕП ќе ги игра во јануари идната година. Македонските одбојкари прво ќе гостуваат кај Украина, а последниот натпревар од квалификациите го играат дома против Унгарија. Македонија е втора во групата Ф со шест бодови, а Украина со 11 се наоѓа на водечката позиција, Швајцарија има четири и Унгарија е последна со три бодови.