никола ѓорѓиев – Kurir.mk

Ѓорѓиев: Не сум навикнат да седам на клупа кога ѝ требам на Македонија

Бошко Тасиќ — Tue, 05 Sep 2023 17:25:12 +0000

Никола Ѓорѓиев, доби лоша вест дека нема да може да игра за Македонија против „лалињата“. Причината е повреда, а по дуелот со Холандија кој заврши со 0-3 во сетови за ривалот, капитенот најави дека ќе направи се за да игра на клучниот меч во групната фаза со Чешка. „Тажен сум, толку напор и одрекувања и ова ми се случува. После ручекот заминав во собата и таму останав. Никогаш во кариерата ова не ми се случило. Беше многу лошо, сакав да играм, но медицинскиот тим ми рече да не се загревам и да одморам. Сега е подобро, но болката е тука. Не знам за што се работи, лекарите се сомневаат на мускулот и очекувам да направиме план за рекуперација по натреварот. Не сум навикнат, никогаш не сум седел на клупа кога сум ѝ требал на Македонија. Се надевам дека ќе се подготвам. Утрово одлично тренирав, добро се чувствував, но ете се случи тој пех. Добро што не се случи ова против Данска или Црна Гора. Се надевам дека и со инјекции ќе играм, живеам за овие натпревари и сакам да ја избегнеме Италија, Екипата е во одлична форма, без разлика дали ќе играм, верувам дека ќе ја победиме Чешка. Сакам да ја повикам јавноста сите заедно да завршиме како трети и да сонуваме четвртфинале“, изјави Ѓорѓиев.

Никола Ѓорѓиев: Верувам дека формата ќе биде на максимално ниво до ЕП!

Бошко Тасиќ — Wed, 16 Aug 2023 17:48:53 +0000

Каппитенот на одбојкарската репрезентација на Македонија Никола Ѓорѓиев е задоволен од досега сработеното, но верува дека формата дополнително ќе биде подигната и со натпреварите на меѓународниот турнир „Чајка“ кој одбојкарите ги очекува овој викенд.

„Може да кажеме дека успешно ги минуваме подготовките, имавме квалитетни тест-дуели а посебно сум горд на првиот натпревар против Израел, кога од 0-2 во сетови, на крајот славевме со 3-2, со што покажавме голема ментална сила и карактер. Токму тоа ќе ни биде неопходно на Европското првенство. Мечот со Јапонија, пак, кој го одигравме речиси на ‘една топка’. За жал, поради премореност го загубивме иако водевме со 2-1 во сетови. Евидентно е дека првите сетови ги губиме, па затоа е потребно малку повеќе енергија да посветиме на почетокот од натпреварите“ – вели Ѓорѓиев кој верува дека на последните пет пријателски меча ќе се темпира вистинската форма.

„Не очекуваат сега најпрво два меча со Јапонија од затворен тип, а на турнирот „Чајка“, кој ќе биде силен, ќе играме уште три меча, со Јапонија, Египет и со Грција. Се надевам на уште подобри резултати со кои ќе ја достигнеме формата на максимално ниво пред ЕП“.

Стефковски го вработи младиот Никола Ѓорѓиев во општина Гази Баба

Катерина Бојаџиева — Wed, 05 Jul 2023 09:33:28 +0000

Денес, градоначалникот на општина Гази Баба Бобан Стефковски оддржа средба со 19 годишниот Никола Ѓорѓиев кој боледува од рак на коски и за кого цела Македонија се обедини во хуманоста. На средбата градоначалникот Стефковски го информираше младиот Никола дека донел одлука да го вработи во општинската администрација и истиот да биде дел од неговиот тим. За средбата градоначалникот Стефковски информираше на својата официјална страна на фејсбук на која напиша: МЛАДИОТ НИКОЛА ЃОРЃИЕВ ОД ДЕНЕС ЌЕ РАБОТИ ВО ОПШТИНА ГАЗИ БАБА! 19 годишниот Никола Ѓорѓиев од Црешево за кого во хуманоста се обедини цела Македонија од денес ќе биде мој соработник во општинската администрација на општина Гази Баба. Кога прв пат го сретнав Никола, запознав еден млад човек, полн со живот, кој ми кажа дека по сите предизвици со кои се соочил во животот, сака да се вработи и да биде самостоен човек. Таа желба на Никола од денес станува реалност. Никола ќе биде дел од мојот тим и ќе има можност да даде свој придонес во напредокот на општина Гази Баба. Што се однесува до лекувањето на Никола, тоа се одвива согласно утврдениот протокол и тој на 17ти Јули, треба да замине за Турција со цел примање на четвртиот дел од терапијата. Никола, кога те запознав ти кажав дека во мене низ целиот твој живот ќе имаш пријател и сојузник. И тоа ќе остане така! За мене нема ништо повредно од тоа кога знам дека со одредена моја постапка, сум причината за нечија среќа.

Младиот Никола замина на лекување во Турција

Катерина Бојаџиева — Mon, 10 Apr 2023 06:54:21 +0000

Рано утрово, градоначалникот на општина Гази Баба Бобан Стефковски на Меѓународниот аеродром Скопје го испрати 19-годишниот Никола Ѓорѓиев на пат за Турција. Во објава на својата официјална страна на фејсбук, градоначалникот Стефковски напиша: МЛАДИОТ НИКОЛА ЗАМИНА ЗА ТУРЦИЈА. Рано утрово на Меѓународниот аеродром Скопје му посакав среќен пат на Никола кој замина за Турција. Во следните денови на Никола во Турција ќе му бидат направени испитувања со што ќе биде утврден протоколот за неговото лекување. На Никола му подарив благословена бројаница со цел во оваа битка да го следи Божјиот благослов! - напиша Стефковски.

ДОНИРАЈ ЗА НИКОЛА – да бидеме хумани, 143 488 (А1) и 143 117 (Т-МОБИЛЕ)

Дарко Андоновски — Wed, 05 Apr 2023 07:51:40 +0000

19 годишниот Никола Ѓорѓиев од Црешево, општина Гази Баба боледува од карцином на коските. Животот досега неколку пати го има ставено Никола пред сериозни предизвици. Истиот е без родители и живее со своите баба и дедо. Во борбата со болеста на Никола му е потребна нашата помош со цел обезбедување на финансиски средства за лекување во Турција.

Стефковски застана на чело на одборот за собирање на средства за лекување на 19-годишниот Никола

Ивана Ефремовски — Mon, 03 Apr 2023 17:02:35 +0000

Градоначалникот на општина Гази Баба, Бобан Стефковски застана на чело на одборот за собирање на средства за лекување на 19-годишниот Никола. „Ова е официјалната страна преку која во следниот период ќе се објавуваат сите активности и информации поврзани со собирање на средствата за лекување на нашиот Никола. Како градоначалник на општина Гази Баба, но пред се како човек ќе ја предводам групата на луѓе, организирана како иницијативен одбор кои изминатиот период до мене доставија низа на предлози за реализација на активности во насока на собирање на потребните средства за лекување на младиот Никола. Приклучете се и споделете ја страна“ - посочи градоначалникот.

Македонските одбојкари го започнуваат настапот на Европското првенство

Ивона Петрова — Thu, 12 Sep 2019 06:58:11 +0000

Македонската одбојкарска репрезентација денес ќе го има своето деби на евро-шампионатите. „Црвено-жолтите“ изборија историски пласман на 31. Европско првенство каде прв противник ќе им биде Финска. Натпреварот се игра од 17:30 часот во Љубљана. – Не сакаме да бидеме само обични учесници, сакаме и да победуваме. Нема што да се плашиме од Финска, тоа е добра репрезентација, но од наш ранг. Треба да бидеме агресивни, да ги намалиме грешките, да се бориме за секоја топка. Тие играат мудро, но имаат проблеми со високите топки. Очекувам ова да биде наш ден, да биде убав ден, оптимист е капитенот Никола Ѓорѓиев. Другите две двојки за 1.коло од Ц-групата се: Турција – Русија и Словенија – Белорусија.

Ѓорѓиев: Доколку играме како со Бугарија, Финска сигурно ќе падне

Ивона Петрова — Wed, 04 Sep 2019 07:26:17 +0000

Капитенот на македонската одбојкарска репрезентација Никола Ѓорѓиев е со зголемен оптимизам по доброто издание против Бугарија минатиот викенд на турнирот „Чајка“. -Со изданието против Бугарија, играчите ме убедија дека можеме да играме на Европското првенство, а пред тоа, искрено, не верував дека ќе биде добро. Но доколку играме како со Бугарите, Финска сигурно ќе падне! Игравме зрело, не правевме глупави грешки, со Бугарија ниту една топка не падна на терен, постојано ја допиравме, се боревме. Ако немаме проблеми со повреди, мислам дека ќе ја победиме Финска, вели Ѓоргиев. На Европското првенство во Љубљана, Македонија е во групата-Ц со Финска, со Турција, со Русија, со Белорусија и со домаќинот Словенија.

Ѓорѓиев: Со победа да ги завршиме квалификациите

Дарко Андоновски — Wed, 09 Jan 2019 08:13:33 +0000

Капитенот на македонската одбојкарска репрезентација Никола Ѓорѓиев, кој е прв поентер во квалификациите за Европското првенство се надева на дебитантско учество на континенталните самити. За да му се исполни желбата потребно е Македонија вечер да ја совлада Унгарија, како и да се остварат резултати во прилог на „црвено-жолтите“ на уште два натпревара од другите групи. -Многу работи зависат од резултатите од другите натпревари коишто се пред нашиот, но ние мора да победиме без оглед дали тие резултати ќе ни одговараат или не. Сакаме да завршиме со победа, а ако даде Бог, да одиме на Европското првенство 2019. Ако не можеме, треба да мислиме на иднината и на нашиот рејтинг со цел да имаме подобра ждрепка за наредниот циклус идната година. Јас имам некое чувство дека Летонија и Шведска ќе победат и дека со наш триумф над Унгарците ќе се радуваме на пласман, изјави Ѓорѓиев за веб-страницата на Одбојкарската федерација на Македонија. Натпреварот Македонија – Унгарија се игра вечер од 20:15 часот во СРЦ „Кале“ во Скопје.