Никола Христовски – Kurir.mk

Муцунски: Спортското игралиште „Никола Христовски” е пуштено во употреба

Тале Кристо — Tue, 19 Jul 2022 16:11:16 +0000

Спортското игралиште „Никола Христовски” е пуштено во употреба! Општина Аеродром доби уште едно современо спортско игралиште на кое сите наши жители ќе можат да спортуваат, да се дружат и да создаваат спомени за паметење. Спортското игралиште кое е сместено во срцето на Ново Лисиче го носи името на нашиот прерано починат Никола Христовски - Кољо. Игралиштето е со сите најсовремено услови погодни за сите годишни времиња. Со ова игралиште споменот за Никола ќе трае вечно, а токму тука ќе се градат нови спортски таленти кои гордо ќе ја претставуваат Општина Аеродром и Република Македонија! #НашАеродром #ПроменитеСеСлучуваат, пишува на социјалната мрежа на Фејсбук градоначалникот на општина Аеродром.

Спортското игралиште „Никола Христовски” е пуштено во употреба! Општина Аеродром доби уште едно современо спортско...
Posted by Timco Mucunski on Monday, July 18, 2022

ДЕНЕСКА ВО СКОПЈЕ: Протестен марш за правда за убиството на младиот Никола Христовски

Ивана Ефремовски — Tue, 23 Jun 2020 11:26:37 +0000

Денеска во 18 часот придружете ни се на маршот за правда за еден млад живот, објавуваат Млади за Македонија за протестниот марш што ќе се одржи денеска во Скопје по повод убиството на младиот кошаркар Никола Христовски и пресудата за убиецот од три години затвор. -Придружи ни се затоа што секој млад живот е светост! Придружи ни се затоа што младите животи вредат! Придружи ни се за затоа што насилниците не смеат да поминат неказнето! Придружи ни се затоа што правда мора да има! НАПОМЕНА: Маршот е целосно непартиски и неполитички! Секој кој ќе се обиде да предизвика инцидент или ќе истакне партиска порака или знаме/амблем на политичка партија, ќе биде изолиран и физички отстранет од протестот, а доколку има потреба и предаден на полицијата, пишува во објавата на Фејсбук. И минатата недела беше одржан масовен протестен марш во скопската населба Аеродром. Убиството на младиот кошаркар Христовски се случи пред една година во скопската населба Ново Лисиче.

Граѓаните револтирани бараат правда за Никола, еве што порача таткото на убиеното момче (ВИДЕО)

Ивана Ефремовски — Mon, 15 Jun 2020 19:59:35 +0000

Правда за Никола Христовски побараа стотина граѓани во знак на револт поради ниската затворска казна за неговиот убиец. Тие со неверување ја слушнале судската пресуда на Скопскиот Кривичен суд со која убиецот на 17-годишното момче, со иницијали А.Т. е осуден на само 3 години затворска казна. Деветнаесетгодишниот А.Т. ја доби ниската казна затоа што е осуден за дело убиство во миг за што следува казна од 1 до 5 години. Родителите на убиеното момче се сомневаат во непристрасноста на судот и обвинителите, пред се поради фактот што делото од убиство, било преквалификувано во убиство во миг и зошто биле сменети, како што тврдат дури тројца јавни обвинители. -Овде сме собрани за мојот син да изразиме барање за правда, затоа што од самиот старт од водењето на случајот од страна на обвинителството до крајот се сменија тројца обвинители. Од првиот обвинител се до јануари месец, според мои информации што јас си ги дознавав, во јануари месец се прави некое медицинско вештачење на сторителот на кривичното дело и актот преминува од убиство во убиство во миг со умисла, вели Игор Христовски –родител на убиеното момче. Инаку убиството се случи лани на 14 август на улицата Февруарски поход, во паркот на музиката во населбата Ново Лисиче, каде расправија меѓу група тинејџери и А.Т. се претвори со физичка пресметка, во која со нож во гради беше прободен 17-годишниот Никола. Тој итно беше префрлен во болница, но поради сериозноста повредата таму почина. Убиецот А.Т. беше веднаш фатен и уапсен. За убиството сведочи и снимка на која се гледа и слуша како голема група на тинејџери се расправаат а оддеднаш едно од децата паѓа на земја, за кое се претпоставува дека е убиениот Никола. Извор:АЛФА

СЛЕДЕТЕ ВО ЖИВО: Граѓаните бараат правда за Никола Христовски

Ивана Ефремовски — Mon, 15 Jun 2020 16:38:38 +0000

Голем број на граѓани се собраа во Ново Лисиче да бараат правда за убиството на младиот Никола Христовски. Револтирани се дека на тригодишна затворска казна е осуден 18-годишниот скопјанец А.Т. кој беше обвинет за убиство на 17-годишниот Кољо. Протестот можете да го следите во живо на следниов линк:

Утре во 18 часот повик за правда за Кољо

Ивана Ефремовски — Sun, 14 Jun 2020 10:55:58 +0000

На тригодишна затворска казна е осуден 18-годишниот скопјанец А.Т. кој беше обвинет за убиство на 17-годишниот Никола Христовски лани во скопската населба Ново Лисиче. Граѓаните се гневни на оваа одлука и бараат правда. Ова е нивниот повик објавен преку социјалните мрежи: „Повик за правда од пред ЈО! Скопје се буди! Аеродром се буди! 15.06.2020 - 18:00 часот, кај Јарболот, фото 3!“

Тинејџер обвинет за убиството во Ново Лисиче

Ивона Петрова — Fri, 07 Feb 2020 10:34:33 +0000

По спроведена претходна постапка, Основното јавно обвинителство Скопје до Основниот кривичен суд Скопје поднесе обвинение против едно лице за кривично дело – Убиство на миг од член 125 од Кривичниот законик. На 14.08.2019 година на булеварот „Видое Смилевски – Бато“ во населбата Ново Лисиче, обвинетиот 18-годишник, доведен во состојба на силна раздразнетост, со умисла го лишил од живот оштетениот Никола Христовски. -Имено, група од повеќе лица, во која бил и оштетениот, го пресретнала обвинетиот во близина на една бензинска пумпа и започнале да го навредуваат и физички да го напаѓаат со влечење и удари по телото. Обвинетиот започнал да бега кон зградите, а групата од околу 30 лица трчале по него, извикувајќи навреди и пцовки. Кога се доближил до влезот на една зграда обвинетиот се обидел да влезе, но не успеал. Во тој момент, прв до него стигнал оштетениот Никола Христовски, па обвинетиот доведен во состојба на силна афективна раздразливост, реагирал импулсивно и не бил во состојба логично да размислува, да расудува и да раководи со своите постапки. Тој извадил нож со сечиво од 9 сантиметри и на оштетениот му задал убодна рана во десната страна на градниот кош. Оштетениот бил пренесен во Ургентниот центар „Мајка Тереза“ каде му бил извршен хируршки зафат, но починал како резултат на крваречки шок, соопштуваат од Обвинителството. Надлежниот јавен обвинител до Судот достави и Посебен предлог за продолжување на претходно определената мерка притвор за обвинетиот, бидејќи постојат околности кои укажуваат на опасност од бегство.