никола калиниќ – Kurir.mk

Калиниќ се договори со Барселона

Бошко Тасиќ — Tue, 28 Jun 2022 19:21:47 +0000

Никола Калиниќ од следната сезона ќе игра за Барселона, откако ги договорил деталите со каталонскиот гигант, а Црвена Звезда ќе добие 100.000 евра. Трансферот сè уште не е комплетиран затоа што во последен момент може да се вмеша и Валенсија, која има право на откуп на договорот на кошаркарот. Калиниќ сезонава одигра 32 меча во Евролигата, а во просек постигнуваше по 12,6 поени, 3,9 скокови и 3,4 асистенции.

Калиниќ ќе се пресели од Фенербахче во Валенсија

Дарко Андоновски — Fri, 17 Jul 2020 19:18:19 +0000

Српскиот кошаркар Никола Калиниќ кариерата ќе ја продолжи во Шпанија. Досегашниот член на Фенербахче, се договорил со Валенсија, јавува инсајдерот на Евролигата, Варлас Никос. Дваесет и осумгодишниот Калиниќ последните пет сезони ги мина како играч на клубот од Истанбул. Договорот на српскиот репрезентативец со Фенербахче заврши, а турскиот клуб не беше во можност да го продолжи договорот поради финансиски проблеми.

Калиниќ потпиша тригoдишен договор со Атлетико Мадрид

Ивона Петрова — Thu, 09 Aug 2018 18:43:28 +0000

Хрватскиот фудбалер Никола Калиниќ по само една година помината во Милан, направи трансфер во Атлетико Мадрид и потпиша тригoдишен договор со шпанскиот клуб. Вредноста на трансферот изнесува 15 милиони евра, а со овие средства Милан само делумно ќе го покрие неговото доаѓање од Фиорентина, кое изнесуваше 25 милиони евра. Калиниќ мината сезона одигра 31 натпревар и постигна само шест гола за Милан, што беше далеку под очекувањата на италијанскиот клуб. Тој летово ќе остане запаметен по тоа што беше вратен од Светското првенство во Русија, поради несогласувањата со хрватскиот селектор Златко Далиќ.

Атлетико Мадрид пред договор за трансфер на Калиниќ

Ивона Петрова — Mon, 06 Aug 2018 19:50:00 +0000

Атлетико Мадрид е пред договор со Милан за трансфер на Никола Калиниќ, информира спортскиот директор на клубот од Милано, Леонардо. - Трансферот на Калиниќ е речиси договарен. Ние сме многу блиску до постигнување на договорот, изјави Леонардо. Во меѓувреме, Атлетико Мадрид постигна договор за трансфер на Кевин Гамеиро во Валенсија. Французинот ќе оди на „Местаља“ за сума од 16 милиони евра. Во последната сезона Гамеиро одигра 25 натпревари и поситгна седум гола за „црвено-белите“. Гамеиро играше за Атлетико од 2016 година, а претходно беше фудбалер и на Севиља, Пари Сен Жермен, Лориен и Стразбур.

Калиниќ одби да го земе сребрениот медал од Мундијалот

Дарко Андоновски — Fri, 20 Jul 2018 09:51:02 +0000

Хрватскиот фудбалер Никола Калиниќ одби да го земе сребрениот медал од Светското првенство, откако на самиот почеток на турнирот во Русија беше избркан од репрезентацијата. Селекторот Златко Далиќ и неговите соиграчи одлучиле Калиниќ да добие медал, иако одби да влезе во игра против Нигерија (2:0). - Ви благодарам, но јас не играв во Русија, порача Калиниќ и се заблагодари на гестот на неговите соиграчи. Калиниќ во наредниве денови би требало да го комплетира трансферот во Атлетико Мадрид за 20 милиони евра. Хрватска заврши на второто место на Мундијалот, а тоа е најголемиот успех во историјата на „ватрените“.

Најголемиот губитник на Мундијалот повторно главна тема: Откриено дали Никола Калиниќ ќе го добие медалот

Матеја Петровски — Thu, 19 Jul 2018 08:45:41 +0000

Стигна и одговорот на прашањето кое со денови ја мачеше Хрватска: Ќе добие ли Никола Калиниќ медал? Во една емисија на хрватска телевизија гостуваа челниците на фудбалската федерација на Хрватска кои одговараа на прашања кои ја интересираа тамошната јавност. Тема на разговор беше иднината на репрезентацијата, дали Далиќ ќе остане селектор, „реконструкцијата“ на тимот и уште многу теми за кои зборуваа гостите, но дефинитивно главниот разговор се водеше околу фудбалерот кој на почетокот на Мундијалот беше отстранет од тимот, Никола Калиниќ. Ќе добие ли „најголемиот губитник“ медеал? -Тоа дека избркан од тимот е малку пресилен збор, тој со одлука на селекторот беше оддалечен од тимот и тоа на крајот се покажа како добра одлука. Што се однесува до медалот, она што јас го знам, е дека Никола Калиниќ со одлука на играчите и стручниот штаб исто така ќе го добие својот медал, кажа Томислав Пацак, портпаролот на хрватската федерација.

Калиниќ најголем пораз за селекторот Далиќ

Ивона Петрова — Thu, 05 Jul 2018 06:13:00 +0000

Осврнувајќи се на досегашниот тек на Светското фудбалско првенство, селекторот на Хрватска, Златко Далиќ, го посочи случајот со Никола Калиниќ како негов најголем пораз. Далиќ го врати Калиниќ дома уште по првото коло, бидејќи тој одби да влезе на средбата со Нигерија пред крајот на мечот, објавија тогаш хрватските медиуми, додека верзијата на стручниот штаб беше повреда на фудбалерот. - Ситуацијата со него е мој пораз. Но, јас сметам дека направив се што е можно од моја страна и затоа сум целосно мирен. Далеку о дтоа дека сум среќен и задоволен, бидејќи таков играч ни недостасува концепциски. Да беше тука сигурно ќе играше, соопшти Далиќ. Хрватска се пласира во четвртфиналето на Мундијалот каде в сабота (7 јули) ќе игра со домаќинот Русија.

Хрватите го оставија Калиниќ на „seen“ во групната порака за збогум

Дарко Андоновски — Wed, 20 Jun 2018 07:39:25 +0000

Никола Калиниќ си замина од Русија по несогласувањата со селекторот Златко Далиќ – два пати одби да влезе во игра и пропушти тренинг, па Далиќ му покажа дека веќе не смета на него. „Ви посакувам среќа“, кратко напишал Калиниќ до соиграчите откако замина од кампот на хрватската репрезентација на Светското првенство во Русија. Во групната порака на апликацијата WhatsApp од Калиниќ до соиграчите – штама. Хрватските репрезентативци го оставија Калиниќ на „seen“. Подоцна му одговориле двајца, но меѓу нив не се капитените Лука Модриќ и Ведран Чорлука, дознава хрватски „Спортски новости“ од репрезентативците на Хрватска во Русија. Наводно, токму Модриќ и Чорлука први дознале за одлуката на Далиќ да го прати дома незадоволниот играч и го поддржале во тоа. Според исстиот извор од репрезентацијата, Калиниќ воопшто не ја славел победата над Нигерија во првото коло од Светското првенство и сам заминал во соблекувалната, а со селекторот воопшто не разговарал, иако Далиќ очекувал дека напаѓачот на Милан барем ќе дојде да се пожали што е резерва, а не во првата постава. Веста за бркањето на Калиниќ од хрватската репрезентација силно одекна во фудбалскиот свет, а неговиот матичен клуб Милан исто така бара одговори за тоа што точно се случило.

По скандалот се врати дома: Се огласи Калиниќ откако беше избркан од хрватската репрезентација од страна на селекторот

Дарко Андоновски — Tue, 19 Jun 2018 13:09:57 +0000

Хрватската фудбалска репрезентација деновиве ја тресе скандал затоа што селекторот Златко Далиќ се реши да го испрати дома еден од најискусните репрезентативци, Никола Калиниќ.

Напаѓачот на Милан вчера слетал на аеродромот во Сплит, а таму го чекал неговиот агент Томас Ерцег кој бил „натрупан“ со повици од Милано од каде барале објаснување што точно се случило со Калиниќ. И покрај обидите на Калиниќ да ги избегне хрватските новинари, тоа не се случило затоа што аеродромот во Сплит имал само еден излез. При излегувањето Хрватот не делувал разочаран што ја напуштил репрезентацијата и само кратко изјавил: - Што да ви кажам кога знаете дека не можам ништо да зборувам. Доколку се одлучам да кажам нешто ќе ви јавам - гласел краткиот коментар на Калиниќ.

Голем скандал во хрватската репрезентација: Селекторот го врати дома еден од најдобрите фудбалери поради бизарна причина (ФОТО)

Дарко Андоновски — Mon, 18 Jun 2018 08:32:20 +0000

Атмосферата во хрватската репрезентација е малку нарушена и покрај рутинската победа над Нигерија на почетокот на Светското првенство. Хрватските медиуми објавија дека селекторот Златко Далиќ го отстранил од националниот тим Никола Калиниќ. Оваа одлука на селекторот е резултат на одбивањето на Калиниќ да влезе во игра пет минути пред крајот на натпреварот со Нигерија. - Златко Далиќ по натпреварот со Нигерија изјави дека нема повредени играчи, туку постојат само неколку мали „проблемчиња“. Тешко дека одбивањето на Калиниќ да влезе во игра може да се нарече „проблемчиња“, пишуваат хрватските медиуми. Селектор Далиќ не сакаше да коментира за овој настан и се очекува својот став да го соопшти попладне на прес-конференција.