Минов: Бугарите биле фашистички окупатор во Втората светска војна, дали треба да ја жртвуваме вистината за некакво ветување

Ристе Здравков — Wed, 16 Feb 2022 10:35:38 +0000

Бугарите секако дека биле окупатори во втората светска војна. Имаме бугарска војска на меѓународно признаена држава која што не е Бугарија, бугарска војска која ја преземала власта на таа територија. Секако дека се работи за класична окупација, рече професорот на Институтот за историја, Никола Минов во „Студио 10“ на ТВ24. Тој истакна дека смешно е кога некој бара еуфемизам за окупатор дека не бил окупатор, па ќе каже дека бил администратор. - Целиот термин бугарски фашистички окупатор е проблематизиран, но не можам да разберам зошто, што им пречи на Бугарите. Ако им пречи терминот бугарски, значи не им пречи терминот фашистички окупатор, а зошто им пречи етничкиот предзнак? Ако им смета фашистички, без разлика дали била официјално признаена како фашистичка земја имало толку силни елементи за фашизам во Бугарија и недвосмислено укажува дека се работи за фашистичка држава во тој период, изјави Минов. Според него ако политичарите решат да сменат, тоа ќе биде на штета на вистината. Да ја жртвуваме вистината за некаков европски потенцијал кој не знам колку ќе биде остварен. - Дали ние сме спремни за ја жртвуваме вистината за некакво ветување?, прашува тој. Минов нагласи дека кога се кажува фашистички не се мисли на целиот бугарски народ туку за тогашната тогаш владејачка структура во Бугарија. - Тоа е нешто што светската наука го констатирала, нешто што самата бугарска наука го констатирала по втората светска војна, бугарските историчари пишуваат за монархофашистички режим на Цар Борис. Тие самите тоа го констатирале, целата светска наука тоа го констатирала и сега ние од нигде никаде сме поставени во ситуација да докажеме дека тоа е така. Поставени сме во ситуација да докажуваме дека небото е сино, рече Минов.

Минов до власта: Од 27 земји во ЕУ во 20 предметот историја е задолжителен, послушајте ги попаметните во Европа и надлежните во Македонија

Магдалена Андонова — Fri, 05 Feb 2021 18:18:26 +0000

Изучувањето на историјата и посебниот предмет историја придонесува за негување на националнит идентитет, почитување на иситиот, важна е за да се разбере важноста на самата историја, рече Никола Минов, професор на Филозофскиот факултет на денешната јавна расправа на тема реформа во образованието што се одржа во Собранието. Професорот се осврна на кажувањата на минситерката за образование, Мила Царовска дека спојувањето или укинувањето на предметот историја е коинциденција што се случува во период кога има проблеми со Бугарија на темата посебност на македонскиот јазик, идентитет. -И да се работи за несреќна коинциденција, еве да прифатиме дека е така, сепак за вакви реформи не може вака да се прави, не моѓе вака да се постапува, рече професорот Минов. Тој укажа дека миниситерството ги отфрла сите ставови на компетентните институции како Институот за историја при Филозофскиот факултет, Институот за национлна историја, МАНУ. -Ставовите на овие институции дека предметот треба да биде посебен и историјата да се изучува посебно наиде на ѕид кај надлежните, рече Минов. Професорот Минов се осврна и на наоди до кои дошле група на професори по историја во истражувањето спроведувано неколку месеци. -Се ова што ќе го кажам се официјални информации, информации од минситерствата за наука на соодветните земји. Или во 20 од 27 држави во ЕУ историја се изучува како посебен предмет во основното образование. Во Финска се изучува 4 години, исто во Грција, во Шведска се учи историја 5 години во текот на основното образование 5 години... Во Бугарија на пример предметот е историја и цивизлизација случајно или не не знам. Кај соседите, во Србија е задолжителен предмет во четори од 8 одделенија, во Албанија во четири од девет одделнија во основното, посочи професор Минов. Според него сите овие земји укажуваа на важноста на изучување на историјата пред се за „негување на националниот идентитет, почитување на иситиот, за да се разбере важноста на историјата на државата“. Профеорот на крај од своето обраќање апелираше до надлежните. -Послушајте ги попаметните во Европа дека историјата треба да е самостоен предмет и консултирајте ги надлежните во државава, кажа Минов.

никола минов – Kurir.mk

Минов: Бугарите биле фашистички окупатор во Втората светска војна, дали треба да ја жртвуваме вистината за некакво ветување

Минов до власта: Од 27 земји во ЕУ во 20 предметот историја е задолжителен, послушајте ги попаметните во Европа и надлежните во Македонија