Никола Миротиќ – Kurir.mk

Никола Миротиќ потпишува за Олимпија Милано

Бошко Тасиќ — Mon, 31 Jul 2023 04:03:53 +0000

Сагата околу Никола Миротиќ и неговиот нов клуб откако си замина од Барселона, конечно е завршена. Миротиќ во новата сезона ќе го носи дресот на италијанскиот шампион Олимпија Милано, објави порталот „Ла Преалпина“. Според овој медиум Миротиќ ја прифати понудата на италијанскиот тим одд 1.52 милион евра по сезона. Миротиќ имаше договорено речиси се со Партизан, но поради заканите кои ги добиваше, одлучи да не потпише за Црно-белите. Шпанскиот репрезентативец кој е роден во Црна Гора, исто така ја одби понудата на Панатинаикос вредна осум милиони евра за две сезони.

Никола Миротиќ пред потпис со Олимпија Милано

Бошко Тасиќ — Fri, 28 Jul 2023 04:27:37 +0000

Никола Миротиќ оваа лето предизвика голема бура, дури и повеќе од очекуваното, откако се дозна дека нема да ја продолжи соработката со Барселона, односно дека договорот ќе биде раскинат. Веднаш потоа се поврзуваше со Олимпија Милано, но во еден момент се чинеше дека италијанскиот гигант се откажа од крилниот центар, откако во трката се вклучија Панатинаикос, Олимпијакос, Монако, Партизан и Црвена Звезда. Во еден момент беше речиси сигурно дека тој ќе го облече дресот на Партизан со кој постигна начелен договор. Но, по официјалното раскинување на соработката со Барселона, Миротиќ наеднаш се предомисли, наводно поради закани по живот упатени кон него. Веднаш по раскинувањето на соработката со каталонскиот клуб, во трката за негов потег се вратија Панатинаикос, Монако и Олимпија, со многу богати понуди. Сепак, ПАО изгледа повторно се повлече, а Миротиќ најверојатно нема желба да му се приклучи на Кемба Вокер во Монако, па се чини дека повторно е најблиску до Олимпија Милано. Наредните денови се очекува да стави потпис на договорот.

Миротиќ мета на три тима

Бошко Тасиќ — Sun, 23 Jul 2023 06:35:51 +0000

Црногорскиот кошаркар Никола Миротиќ беше блиску до потпис со Партизан, но поради закани реши да не се пресели во Србија, туку кариерата ќе ја продолжи на друго место. За потписот на Миротиќ се заинтересирани три екипи, а тоа се Панатинаикос, Монако и Олимпија Милано, кои во следниот период ќе преговараат со искусниот окшаркар. Барселона претходно му го прекина договорот на Миротиќ, кој ќе добие 16,9 милиони евра како отштета.

Никола Миротиќ се договори со Партизан

Бошко Тасиќ — Sun, 16 Jul 2023 06:05:55 +0000

Црногорскиот кошаркар Никола Миротиќ и Партизан веќе е завршена работа. Според српските медиуми тој треба во следните неколку дена да биде и официјално претставен како ново засилување на тимот предводен од Жељко Обрадовиќ. Договорот треба да биде на една плус една година, а неофицијално тој ќе заработи 3,5 милиони евра, плус плус бонуси за пласман на фајнл-фор завршницата во Евролига и освојување на пехарот во АБА-лига.

Црвена ѕвезда му нуди 3 милиони евра на Никола Миротиќ

Ристе Здравков — Tue, 04 Jul 2023 10:18:25 +0000

Никола Миротиќ сѐ уште не го решил статусот со Барселона, но неговиот следен клуб е една од главните теми во европските кошаркарски кругови. Речиси секојдневно се менуваат информациите за тоа каде би можел Миротиќ да игра следната сезона, а сѐ се врти околу три клуба, Монако, Олимпијакос и Црвена ѕвезда. Според грчките медиуми, Црвена ѕвезда води во трката за Миротиќ со фантастична понуда од 3 милиони евра по сезона. Миротиќ прво со Барселона треба да го разреши статусот за преостанатите две години од актуелниот договор вреден 22 милиони евра.

Миротиќ заминува од Барселона, но останува во Евролигата

Бошко Тасиќ — Thu, 15 Jun 2023 04:46:32 +0000

Кошаркарот Никола Миротиќ е пред разделба со Барселона и по се изгледа ќе се пресели во Италија. Еден од најдобрите кошаркари во Шпанија и Евролигата воопшто наводно има договор за личните услови со Олимпија Милано и италијанските медиуми се убедени дека е прашање на време кога трансферот ќе биде официјализиран. Миротиќ има уште две години од договорот со Барселона, но се чини дека решил да прифати нов предизвик, а шпанскиот клуб не би требало да му прави проблеми да ја исполни желбата. Пред Миротиќ и Барса е битката за титулата во шпанското првенство, односно финалето на плејофот со вечниот ривал Реал Мадрид, кој беше поуспешен во меѓусебниот дуел на евролигашкиот фајнал-фор турнир, а подоцна стана и европски првак. Поранешниот шпански репрезентативец со црногорско потекло настапува за Барса од 2019 година, а во Каталонија пристигна како повратник од НБА лигата.

Барселона со уцена за Миротиќ – или ќе ја намали платата или ќе добие отказ

Бошко Тасиќ — Fri, 26 May 2023 04:40:14 +0000

Кошаркарскиот коектив на Барселона доживеа дебакл во Евролигата откако загуби во полуфиналето од Реал Мадрид, а потоа и од Монако во битката за трето место. Раководството на тимот е незадоволно со резултатите и поради тоа го намали буџетот за следната сезона, а со тоа и платите на кошаркарите. Еден од кошаркарите кои мора да си ја намалат платата е Никола Миротиќ, кој заработува 11 милиони евра. Црногорецот мора да прифати помала плата за 50 отсто или во спротивно ќе треба да си бара нов клуб.

Никола Миротиќ се повлекува од репрезентацијата

Бошко Тасиќ — Thu, 19 Jan 2023 15:59:42 +0000

Кошаркарот на Барселона Никола Миротиќ ја потврди информацијата дека се повлекува од настапите во националната репрезентација на Шпанија. Миротиќ сп Шпанија го освои златото во 2015 година на ЕП, како и бронзениот мдела на Олимписките Игри во Рио 2016 година. „Разговарав со Хорхе Гарбахоса кој е претседател на Сојузот пред да го доведат Лоренцо Браун и ме праша дали ќе се вратам или не.Затоа на ЕП отидоа со други играчи.Благодарен сум на селекцијата која ми даде многу и да бидам дел од оваа репрезентација со која освоив и меделаи на ЕП и на Олимписки Игри - заклучи Миротиќ.

Миротиќ се повреди, го пропушта стартот на сезоната

Бошко Тасиќ — Fri, 23 Sep 2022 19:59:52 +0000

Кошаркарот Никола Миротиќ се уште се опоравува од повредата на Ахиловата тетива на левата нога, а неговиот клуб Барселона потврди дека тој ќе го пропушти стартот на сезоната во Евролигата и шпанската Ендеса лига. Лекарскиот тим на Барселона во официјалното соопштение наведува дека будно го следи опоравувањето на 31. годишниот кошаркар и дека се надеваат дека тој бргу ќе се врати на кошаркарскиот терен. Миротиќ е МВП на Евролигата за претходната сезона, во Барселона настапува од 2019 година. Минатата сезона во елитното европско натпреварување имаше просек од 19,5 поени и 6,9 скока. Освен за Барселона, во професионалната кариера настапуваше и за Реал Мадрид, Чикаго Булс, Њу Орлеанс Пеликанс и Милвоки Бакс.

Миротиќ во аут до крајот на годинава

Бошко Тасиќ — Sat, 23 Jul 2022 04:58:56 +0000

Шпанска Барселона се најде во сериозен проблем откако остана без својот најдобар кошаркар до крајот на годинава, а новата сезона не е ни започната. Никола Миротиќ, кој во минатата сезона не пропушти ниту еден меч и имаше просек од 16,9 поени, 5,2 скока и 1,4 асистенции по меч сега ја повредил ахиловата тетива и сега го чека долга пауза од најмалку пет месеци, па за него оваа календарска 2022 година е завршена. Според „Јурохупс“, Миротиќ дефинитивно нема да игра во првиот дел од сезоната во Евролигата, како и воведниот дел од АЦБ-лигата.