никола најдовски – Kurir.mk

Градоначалникот Најдовски на увид во градежните работи при изградба на локален патен правец од село Граиште до манастир Св. Тома

Ивана Ефремовски — Thu, 14 Apr 2022 15:04:14 +0000

Градоначалникот на општина Демир Хисар, Никола Најдовски, заедно со директорот на ЈКП „Комуналец“, Демир Хисар, Гоце Мицковски, извршија увид на градежни работи - изградба на општински пат, локален патен правец од с. Граиште до манастир Св. Тома, крак пат с. Вардино до манастир Св. Тома. Тие извршија и увид во работата каде што механизација на ЈКП „Комуналец“, вршеше расчистување и проширување на патот до населеното место Мало Илино.

Најдовски: Се расчистува дивата депонија кај местото „Застава“ во Демир Хисар

Ивана Ефремовски — Thu, 17 Mar 2022 14:18:40 +0000

Општина Демир Хисар во соработка со ЈКП „Комуналец“, спроведе активност за расчистување на диви депонии кај местото „Застава“, Демир Хисар. -Грижата за животната средина е наша обврска и должност, затоа апелираме до сите совесно и одговорно да се однесуваме кон неа и да ја унапредуваме, да биде врежана во личната индивидуална свест со цел да ја зачуваме животната средина, истакна Никола Најдовски, градоначалник на општина Демир Хисар.

Најдовски за 100 дена локална власт: Градиме 3 локални патишта, канализациона мрежа и во тек е набавка на ново противпожарно возило

Ристе Здравков — Wed, 23 Feb 2022 12:36:17 +0000

Како кандидат за Градоначалник, ветив пред Вас дека ќе ја направиме општина Демир Хисар да биде сервис на граѓаните и дека секогаш ќе биде во функција на континуирано создавање на услови за развој на локалната заедница, како и создавање на услови за поквалитетно живеење на своите жители. За мене, како избран Градоначалник, одговорното, транспарентно и отчетно работење претставува врвен принцип на функционирање и обврска со чија реализација се создаваат предуслови за успешно остварување на локалните политики, истакна Никола Најдовски, градоначалник на општина Демир Хисар на денешниот регионален отчет во организација на ВМРО-ДПМНЕ насловен „Промени што носат иднина - 100 дена локална власт отчет на ВМРО-ДПМНЕ“. Најдовски обвини дека претходниот градоначалник не работел домаќински и општината а наследил со големи долгови Наследена финансиска состојба на 08.11.2021 година, на денот на извршеното примопредавање, вкупни обврски во износ од 33.540.313,00 денари од кои, долгорочни обврски по кредити – 27.278.469,00 денари, краткорочни обврски кон добавувачи – 6.261.844,00 денари, рече тој. Исто така тука треба да ги додадеме и обврските кои ги наследивме во Јавното комунално претпријатие а кои вкупно изнесуваат 5.911.742,00 денари од кои долгорочни обврски – 2.000.000,00 денари, краткорочни обврски кон добавувачи – 3.911.742,00 денари, истакна тој. Најдовски додаде дека во првите 100 дена се започнати со реализација на голем број на проекти кои се од големо значење за сите жители на општината. Во првите 100 дена раководење со Општината, спроведовме проекти и активности кои ќе донесат директна корист за жителите на Општина Демир Хисар. Во наредниот период ќе ги завршиме веќе отпочнатите проекти но и ќе се посветиме на реализирање нови, со цел модернизација на Општината и подобрување на условите за живот на граѓаните на општина Демир Хисар. Во тек на реализација се следните проекти:, изградба на општински пат врска Граиште до манастир Св. Тома , крак Вардино до манастир Св. Тома. Патот е во должина од 2 км, предвидено е негово проширување и асфалтирање. Изградба на канализациона мрежа со пред третман на отпадни води за н.м. Белче, во вкупна должина од 2.201 метар. Реконструкција на општински пат во с.Слоештица во должина од 2300 метри, реконструкција на улица во с.Сопотница во должина од 540 м, доизградба на краци од фекална канализациона мрежа во Демир Хисар, реконструкција на улица Гоце Делчев во Демир Хисар. Набавка на противпожарно возило, а со набавката на возилото ќе се доопреми ТППЕ Демир Хисар, додавајќи дека целосно се завршени: Реконструкција со рехабилитација на улица 11-ти Октомври во Демир Хисар, изградба на потпорен ѕид во Слоештица, како и дека Најдовски ги наброи: Изработка на проектна документација за реконструкција на училишна зграда во с.Вардино. Изработка на проектна документација за Уредување на градски парк, изработка на техничка документација за спортски игралишта во с.Сопотница и с.Вардино, изработка на урбанистичка документација за Кутретино, Белче, Единаковци, Жван, Вардино, Сладуево и продолжување на постапката за ГУП во Демир Хисар. Најдовски потенцираше дека е започната градежна работа односно изградба на кабинет по природни науки во ООУ Гоце Делчев, како и дека со сопствени средства се врши реконструкција и уредување на домот на културата во општината. Извршен увид на градежни работи – изградба на кабинет по природни науки во ООУ „Гоце Делчев‟, со што училиштето ќе добие современа просторија за учениците и ќе се овозможат модерни услови за стекнување на знаења и практични вежби по предметите. Со сопствени средства се врши реконструкција и уредување на просториите во Домот на културата Илинден Демир Хисар, а планирана е реконструкција на санитарните јазли во домот. Се реализира санација на кров и прочистување на хоризонтални олуци на спортската сала „Јордан Пиперката‟, Демир Хисар, со што се реши повеќегодишниот проблем со протекување и оштетување на салата. Со одлука донесена од страна на Советот на општината за секое новороденче и за секој склучен брак во општината се исплаќа еднократна парична помош во износ од 10.000 денари, изјави тој. Во однос на комуналните работи, Најдовски додаде дека се мапирани неколку диви депонии и е започнато со еко акција за чистење на истите, како и дека е извршена поправка на локалните патишта кои водат до манастирските комплекси. Мапирани се сите диви депонии од страна на надлежните служби кои се под ингеренции на општината и, следствено на тоа, ЈКП „Комуналец‟, во соработка со општината, започна со еко – акции за чистење на истите и дислоцирање, со што ќе се спречи и појава на други. Овие еколошки активности сѐ со цел заштита на животната средина и чиста и здрава околина. Извршени се поправки на локални патишта кои водат до манастирските комплекси во населените места во општината. Санирани се оштетени делови од патот, сѐ со цел непречено да се празнуваат и да се овозможи пристап до црковно – народните собири кои ги организираат граѓаните, заклучи Најдовски.

Најдовски: Исчистена е дивата депонија кај село Сладуево во општина Демир Хисар

Ивана Ефремовски — Thu, 17 Feb 2022 20:17:50 +0000

Исчистена е дивата депонија кај село Сладуево во општина Демир Хисар, информира градоначалникот на општината, Никола Најдовски. „Денес, исчистена е и дивата депонија кај с.Сладуево! Апелираме за одговорен пристап и грижа кон животната средина“ - напиша Најдовски на својот Фејсбук профил.

Најдовски: Нови работни места, решавање на проблемот со водоснабдувањето, нови паркови и патна инфраструктура во Демир Хисар

Ивана Ефремовски — Fri, 22 Oct 2021 18:49:36 +0000

Тргнаа против нас со сите расположливи средства, со целиот нивен арсенал, со закани и крајно нечовечки пристап и очекуваа дека ќе ја украдат народната волја, но она што не го очекуваа, е дека ќе наидат на нашиот пркос, достоинство и големо срце. Почитувани, во неделата испишавте историја. За прв пат во овие 30 години независност, од позиција на опозиција извојувавме нерешен резултат и влегуваме во втор круг на локални избори, а на 31-ви октомври, веќе сум 100% убеден дека заедно, обединети и сплотени, ќе извојуваме голема победа за ВМРО-ДПМНЕ, голема победа за Демир Хисар и нашата Македонија, истакна кандидатот за градоначалник од ВМРО-ДПМНЕ Никола Најдовски, на вечерашната средба со граѓани во Демир Хисар. Најдовски посочи дека во Демир Хисар го посетил секое населено место, стотици сограѓани, пред кои го претставил политички концепт, но и програма за овие локални избори, па повика сите граѓани да ја ја прочитаат истата и да се уверат во нејзината реализација на проекти за Демир Хисар и околните населени места кои ќе донесат нова иднина. -Преку реализација на овие проекти, комплетно ќе се промени ликот на нашата општина, ќе се подобри патната и комунална инфраструктура, ќе се подобри водоснабдувањето во општината, ќе се изградат нови пешачки патеки, паркови, повеќенаменски спортски игралишта,ќе се реконтруираат училишните згради, но и ќе се обрне посебно внимание кон социјалната заштита на социјално загрозените семејства и најважно од се, општината ќе обезбеди услови со што ќе се содаде позитивна бизнис клима за привлекување на домашни и странски инвеститори и отворање на нови работни места.Работни места кои ќе овозможат достоинствен живот за нашите сограѓани и повисок животен стандард, вели Најдовски. Најдовски увери дека со напорна, чесна и транспарентна работа, општината навремено ќе ги детектира и ќе нуди функционални и трајни решенија за сите проблеми. Почитувани, остануваат уште десетина дена до конечната победа во оваа битка. -Искористете ги овие денови да стапите во контакт со секој ваш роднина, сосед, пријател и колега и повикајте го да се приклучи кон оваа огромна победа на народот. Охрабрете ги да ги издржат притисоците и заканите овие денови и сами да одлучат за нивната иднина. Охрабрете ги и кажете им, дека за неколку недели од денес ќе имаме ново парламентарно мнозинство и нова влада предводена од проф.д-р Христијан Мицковски.Повикајте ги да ја видат големата слика, да ги видат промените и новата реалност во цела Македонија, повикајте ги сите заедно, одлучно и масовно да заокружиме број 7 на 31-ви октомври да го впишеме Демир Хисар во листата на победнички општини, порача Најдовски.

Најдовски: Доста беше лаги и празни ветувања, време е за нов Демир Хисар

Магдалена Андонова — Thu, 21 Oct 2021 17:47:41 +0000

Доста беше лаги и празни ветувања! Време е за промени, проекти и победи, стои во Фејсбук статусот на Никола Најдовски, кандидат на ВМРО-ДПМНЕ за општина Демир Хисар. Тој преку својата објава ги повикува граѓаните на Демир Хисар да заокружат 7, за нов Демир Хисар!

Најдовски: Граѓаните на Демир Хисар заслужуваат поквалитетен живот, нови работни места и сигурен пласман на земјоделските производи

Предраг Кукиќ — Tue, 07 Sep 2021 09:07:53 +0000

КУРИР: Што ве поттикна да се кандидирате за градоначалник на Демир Хисар? Секојдневната комуникација со моите сограѓани, како и мојот професионален и политички ангажман изминатиов период придонесоа во детаљи да се запознам со проблемите и потребите на демирхисарци. Ги имало секогаш, но никогаш како во последниве 4 години откако сдсм ја презеде локалната власт. Никаква реализација на ветените проекти од 2017-та година, тотално фијаско на секое поле 4 години сомнителни и криминални тендери како во општината, така и во јавните претпријатија и невиден непотизам. Демирхисарци него заслужуваат тоа, напротив. Заслужуваат просперитетна општина која ќе нуди решенија на проблемите, ќе обезбеди поволна клима за нови инвестиции и нови работни места, целосно ќе ја обнови патната и комунална инфраструктура, ќе обезбеди подобри услови во образовниот систем, спортот, земјоделието и туризмот. Јас сметам дека како млад, образован, амбициозен и пред се чесен човек, имам должност, вложувајќи се со целиот свој капацитет, заедно со својот тим, да внесеме нова енергија и нова надеж за сите граѓани на Демир Хисар, на спроти сивилото и апатијата која го остави оваа власт во заминување. КУРИР: Каква е сликата во општината сега? Тоа што ништо не реализираа од нивната програма можеби и не е најстрашното за нашата општина. Впрочем демирхисарци според мене, уште на почетокот немаа некои големи очекувања од оваа власт. Но, како што споменав, криминалот, непотизмот и неработењето на власта во последниве години придонесоа да завладее апатија меѓу граѓаните, како и целосна недоверба во инстутуциите на системот, која се одрази со масовно исселување пред се на млади и образовани луѓе во земјите од Западна Европа. Но, тука се и разочараните земјоделци, накои земјоделските производи им беа откупувани по багателни цени со кои не можат да ги покријат ни основните трошоци за производство. Да не ги заборавиме и оние наши сограѓани на кои им беа ветувани нови инвестиции и работни места, а наместо тоа се затворија и постоечките. За да ја комплетираме сликата, мора да се спомене и целосно уништената патна инфраструктура, која не може да се спореди ни со земјите од Централна Африка. КУРИР: Во која насока би ја менувале општината, кои проекти би ги спровеле? Мораме да изградиме модерна и функционална општина по европски терк која исклучиво ќе работи во интерес на граѓанитена Демир Хисар. Општина која ќе биде отчетна и транспарентна и ќе ги сервисира сите нивни потреби. За таа цел, внимателно и професионално ја изработивме програмата за овие локални избори во која се нудат решенија запроблемите на граѓаните, како и бројни проекти за локален економски развој со што ќе се обезбеди одржлив развој на локалната заедница. КУРИР: Од сите проекти, кој е приоритетен, со кој ќе стартувате? Создавањето на позитивен деловен амбиент за сите потенцијални нови инвеститори како и за постоечките фирми кои во моментов делуваат на територија на општина Демир Хисар ќе биде еден од моите врвни приоритети. Исто така мора да го споменам и планот за иницирање на партнерства со меѓународни и домашни развојни агенции со што ќе се овозможи реализирањето на покрупните капитални проекти во Демир Хисар. КУРИР: Од кои начела ќе се водите во текот на работата како градоначалник? Како градоначалник на општина Демир Хисар, пред моите сограѓани, се обврзувам дека моите работни обврски ќе ги извршувам чесно, навремено и квалитетно.

Најдовски: Изминатите 4 години ветените проекти за живот од страна на СДСМ во Демир Хисар, останаа само празно слово на хартија

Магдалена Андонова — Mon, 30 Aug 2021 09:12:58 +0000

Изминуваат последните денови од четиригодишната голгота на демирхисарци под власт на СДСМ. Изминуваат последните денови на власта која пред граѓаните на Демир Хисар ветуваше живот за сите и бројни проекти кои останаа само празно слово на хартија. Ветуваа изградба на спортски игралишта, атмосферска канализација, соборен храм, прочистителни станици, хортикултурно уредување на јавни површини, ставање во функција на хидроакомулациите во општината, инфраструктурни проекти, водоводи, канализации, базени и што ли уште не, изјави на денешната прес конференција, Никола Најдовски, кандидат за градоначалник на ВМРО-ДПМНЕ за општина Демир Хисар. Тој рече дека за жал, демирхисарци не видоа ништо од ова, и дека биле брутално излажани и изманипулирани и само се потсетија што значи власт на СДСМ за нашата општина. - Во изминативе 4 години сите бевме сведоци на криминал, корупција и непотизам од невидени размери, што резултираше со масовно иселување на млади и образовани луѓе од нашата општина и целосно губење на довербата во институциите на системот. Затоа, почитувани, како кандидат за градоначалник на општина Демир Хисар од редовите на ВМРО-ДПМНЕ, Ве повикувам сите заедно да се обединиме околу вистинските вредности во едно општество и да го дадеме својот придонес за градење на развиена и модерна општина, како за сегашните, така и за идните генерации.Општина со целосно обновена патна и комунална инфраструктура, со што ќе се обезбедат услови за нови инвестиции и нови работни места. Општина во која ќе се гарантира откупот на земјоделските производи со отворање на откупни станици за истите, со што ќе се стави крај на девалвирањето на трудот на земјоделците. Општина која ќе биде партнер, а не рекетар на бизнис секторот. Општина каде ќе се развива спортот преку изградба на нови и реконструкција на постоечките спортски објекти, како во градот, така и во околните населени места со цел правилен и здрав развој на младите. Општина која ќе изобилува со уредени паркови и зелени површини, безбедни пешачки и велосипетски патеки.Општина која ќе го заштити и промовира природното и културно наследство и ќе развие стратегија за развој на туризмот, појасни Најдовски. - Ве уверувам дека јас и мојот тим, кој ќе биде составен исклучиво од професионалци во својата област, заедно со советниците од ВМРО-ДПМНЕ, ќе се вложиме со целиот свој капацитет,со цел, реализација на ветените проекти од нашата програма и ќе работиме чесно и транспарентно исклучиво во интерес на граѓаните на општина Демир Хисар, додаде кандидатот за градоначалник.