Никола Ристановски – Kurir.mk

Наградата за најдобар актер повторно во рацете на Никола Ристановски

Ивана Ефремовски — Mon, 30 Oct 2023 09:51:55 +0000

Наградата „Борисав Станковиќ“ на 43. Интернационален театарски фестивал „Борини позоришни дани“, за најдобра машка улога му се доделува на Никола Ристановски за ликот на д-р Томас Стокман во претставата „Народен непријател“ од Хенрик Ибзен, во режија на Нина Николиќ, а во продукција на Македонскиот народен театар - Скопје. Одлуката ја донесе жири-комисијата во која членуваа: Катерина Коцевска, актерка од Скопје, Душан Петровиќ, режисер и професор на ФДУ во Белград и Давор Шпишиќ, драматург и сценарист од Загреб. Како што стои во образложението од комисијата: „Никола Ристановски во улогата на д-р Томас Стокман рискантно и дрско го спојува неспоивото: најдрската превртливост и пеливанската балканска итрина. Игра човек кој како денешниот слеп Едип незапирливо ја напаѓа општествената неправда и тврдоглаво истрајува во битките за правда, до работ на Бекетовите кловнови, отфрлен од сите и упорен во тоа“. Фотографиите се преземени од ВРАЊЕЊУЗ.

Гран при за Никола Ристановски на фестивалот во Никшиќ

Ивона Петрова — Mon, 14 Nov 2022 08:32:37 +0000

Никола Ристановски е добитник на наградата гран при за најдобра машка улога на 18. Меѓународен фестивал на актерот, Никшиќ 2022, Црна Гора, за улогата д-р Стокман во претставата „Народен непријател“ во режија на Нина Николиќ. Оваа награда му ја додели жирито во состав: Тања Бошковиќ, претседател, и Славиша Чуровиќ и Тања Перишиќ, членови. Таа е трета награда по ред за истата улога по оние на МТФ „Војдан Чернодрински“, Прилеп, и на фестивалот „НОВ ТВРДИНА ТЕАТАР“, Србија. Од МНТ истакнуваат дека таа е и уште една театарска награда во низата награди која тој ја добива, а со тоа е и најтрофејниот актер во историјата на македонскиот театар.

All Stars спот на „Паскалин“: Најдобрите го избираат најдоброто

Super Admin — Wed, 27 Apr 2022 09:19:30 +0000

Врвните актерски имиња Никола Ристановски и Јелена Јованова, топ-моделот Катарина Ивановска, Дрита Ислами – атлетичарка, олимпијка и национална рекордерка, како и нашите извонредни музичари Каролина Гочева и Влатко Лозановски се собраа на едно место во новиот ѕвезден ТВ-спот на најдоброто кафе на македонскиот пазар – „Паскалин“. Истрајност, храброст и неуморност се особините што ги поврзуваат овие шест докажани имиња, кои долги години опстојуваат на врвот, секој во својата област. Токму таков е и „Паскалин“, бренд препознатлив меѓу љубителите на кафе по својот квалитет, вкус и стил.

- Некои луѓе едноставно не прават компромиси, храбро и неуморно грабат кон врвот, веруваат во себе, ги совладуваат препреките, ги надминуваат стравовите и никогаш не запираат. Токму такви се нашите нови бренд-амбасадори, кои се одбрани неслучајно. Тоа се вредностите кои се вткаени во секое пакување „Паскалин“, направено од најдобрите арапски зрна кафе, преработени со врвна италијанска технологија за производство – велат од „Паскалин“ и додаваат дека благодарение на контролата на квалитетот и соодветната амбалажа, омиленото кафе на познатите ја задржува својата арома подолго време.

Врвно. Без компромиси. Спотот се снимаше цели четири дена, на седум локации, меѓу кои и скопскиот акведукт и салата на македонската Филхармонија. Реализиран е во продукција на агенцијата „Бец Шолц енд Френдс“, а на него работеше екипа од над 20 врвни професионалци. Овој спот е само почеток на соработката меѓу „Паскалин“ и шесте македонски ѕвезди. Можете да го погледнете тука. https://www.youtube.com/watch?v=TrxnoWh9Smg