никола секулов – Kurir.mk

Никола Секулов во Јувентус до 2025 година

Бошко Тасиќ — Sat, 30 Oct 2021 08:05:06 +0000

Поранешниот македонски младински репрезентативец Никола Секулов, кој пред две години реши да настапува за Италија и го смени спортскиот пасош, доби нов четиригодишен договор од Јувентус со важност до 2025 година. Секулов, кој е роден во Пјаченца во младинскиот погон на Јувентус дојде пред пет години откако претходно првите фудбалски чекори ги направи во Пјаченца, Парма и Про Пјаченца, па стандардно играше за младинските категории на „старата дама“ до 15, 17, 19 и 23 години. Офанзивниот фудбалер за врска со продолжување на соработката даде до знаење дека „старата дама“ сериозно смета на него во иднина, па нема да биде и изненадување ако во следниот период дури и да дебитира за првиот тим. Секулов беше дел од македонската селекција до 15, 16 и 17 години, а потоа од декември 2018 година почна да игра за италијанските младински селекции и досега има осум настапи за селекцијата до 17 години, шест за таа до 18 години и три за селекцијата до 20 години.

ФОТО: Дресот од рекордната вечер Кристијано му го подари на Никола Секулов!

Ристе Здравков — Wed, 22 Jul 2020 14:29:50 +0000

Македонецот кој настапува за младинските категории на Јувентус и италијанската репрезентација, Никола Секулов вечерва беше покрај теренот за натпреварот со Лацио и ја искористи можноста за да се фотографира со Роналдо и доби подарок - дресот на Кристијано. Овој дрес има посебна вредност, бидејќи е рекорден. Роналдо ја мина границата 50 гола во Серија А и стана единствен во историјата на фудбалот со најмалку 50 гола во Англија, Шпанија и Италија. Секулов веќе тренираше заедно со сениорскиот тим на Јувентус, а стандардно игра за младинската екипа. Во период кога натпреварите се играат без присуство на гледачи, Секулов ја има таа привилегија да ги следи натпреварите на Јуве како дел од професионалците на клубот. Подарокот од Роналдо за Секулов:

ФОТО: Дресот на Роналдо од рекордната ноќ заврши во рацете на струмичанец- ова селфи ќе го памети целиот живот

Дарко Андоновски — Tue, 21 Jul 2020 09:01:09 +0000

Членот на младинската школа на Јувентус, Никола Секулов (18), го доби дресот на Кристијано Роналдо како подарок. По натпреварот Јувентус – Лацио, во кој Роналдо ги постигна двата гола за Старата дама, Секулов доби подарок за паметење. Португалецот му подари дрес, тие поминаа кратко време заедно, а освен тоа, Секулов овековечи сè со заедничка фотографија. Секулов е по потекло од Македонија, но подоцна играше за репрезентацијата на У-17 на Италија, и е член на јуниорскиот тим на Јувентус.

View this post on Instagram

Doppietta di @cristiano e si vola!!??⚽️ @juventus

A post shared by Nikola Sekulov (@nikosekulov) on Jul 20, 2020 at 3:11pm PDT

Македонец потпиша со италијанскиот првак Јувентус!

Предраг Кукиќ — Fri, 23 Aug 2019 18:10:29 +0000

Никола Секулов, фудбалерот кој настапуваше за Македонија, но реши да ја промени репрезентацијата, отвори ново поглавје во својата кариера и потпиша професионален договор со италијанскиот калчолигаш Јувентус. 17-годишниот Секулов кој е по потекло од Струмица важеше за голема иднина на мак-фудбалот, но поради несогласувања со Фудбалската федерација на Македонија (ФФМ) реши да го искористи правото да игра за Италија, земја во која е роден. Младиот фудбалер од средиот ред со неверојатна техника и визија за фудбалот настапуваше за младинските категории на Јувентус, а сега направи голем чекор напред во кариерата, па потпиша професионален договор со „бјанконерите“.

ФОТО: Никола Секулов го облече дресот на Италија

Ристе Здравков — Mon, 26 Nov 2018 17:35:30 +0000

Никола Секулов изминатиот викенд беше во базата на италијанската фудбалска репрезентација „Конверчано“, откако беше повикан за националниот тим до 17 години. Талентот кој има македонско потекло игра во екипата на Јувентус и важи за еден од најголемите таленти. Тој изминатиот период ги одбиваше сите повици во македонскиот национален тим до 17 години, но веднаш прифати да игра за „аѕурите“. Изминатиов викенд тој беше дел од репрезентативен камп на кој беа повикани дури 55 талентирани момчиња од оваа генерација. Секулов е во лоши односи со Фудбалската федерација на Македонија, но и натаму останува шанса тој да игра за Македонија, бидејќи нема официјален настап за Италија. Извор: sport1.mk