никола спасов – Kurir.mk

Никола Спасов го мери рејтингот на партиите, а сега ќе произведува и струја

Ристе Здравков — Tue, 18 Jul 2023 13:29:40 +0000

Никола Спасов, сопственикот на агенцијата „Рејтинг“ за мерење на јавното мислење и организирање промотивни активности, стана сопственик на нова компанија за производство на електрична енергија „Гама Солар“, објави порталот фактор.мк Барањето било поднесено на 26 мај, а на 7 јули се олдржала подготвителна седница, за одобрување на регистрацијата на компанијата која ќе треба да ја гради својата фотоцентрала, а покрај Спасов, основач на „Гама Солар“ е и микро-претпријатието Солар ЕТ кое во 2018 направило обид да произведува соларни панели. По три дена Регулаторната комисија за енергетика, на 10 јули, одржала редовна седница, на која со одлука му одобрила привремена лиценца за изградба на прва фотоцентрала во околината на Кавадарци под име „Гама Солар1“ со моќност од 2,18 мегавати, што е релативно висок производствен капацитет. Спасов во телефонскиот разговор ни потврди дека одлучил да вложува во овој бизнис и ни рече дека неговата намера да инвестира во овој сектор не е ништо посебна во однос на другите јавни личности кои донеле одлука да вложат во производство на електрична енергија од обновливи извори. Инаку агенцијата „Рејтинг“ на Спасов често е ангажирана за осмислување и реализација на активности и промотивни дејности, за консултантски услуги за оцена на успешноста на реализацијата на програмските активности со редовно, или по потреба, спроведување на анкети за институциите. „Рејтинг“ на Спасов изминатиот период организираше завршни конференции и настани за промовирање на државата, но го истражуваше и јавното мислење за активностите на разни централни и локални институции. Пред избори, но и во меѓувреме, редовно го мери рејтингот на политичарите и партиите.

Поранешениот фудбалски тренер на Брегалница ја загуби битката со Ковид-19

Магдалена Андонова — Mon, 23 Nov 2020 11:54:55 +0000

Како што јавуваат бугарските медиуми, Никола Спасов утринава на 61 година почина и тоа како последица од Ковид-19. Инаку стратегот од Бугарија, во минатото, во три наврати беше тренер на Брегалница. Тој ги предводеше штипските “сини“ од 2004 до 2006 година, потоа беше шеф на струката на Брегалница и во 2011 и во 2012 година. Последен клуб му бил Монтана, а смртта го затекна без тренерски ангажман. Спасов покрај Брегалница и Монтана беше тренер и на екипите на Черно Море, Спартак Варна,Царско Село и на уште многу други клубови. Штипјани на Спасов ќе се сеќаваат како одличен педагог, уште подобар тренер и скромна личност кој за секого имаше само добар збор. Извор: СПОРТМЕДИА

Спасов од „Рејтинг“ го мери рејтингот на СДСМ додека работи како администратор на нивната ФБ страница

Ивана Ефремовски — Sat, 29 Feb 2020 16:42:31 +0000

Агенцијата „Рејтинг“ пред секои избори во Република Македонија објавува анкети во полза на СДСМ. Колку и да им е на сите јасно дека народот нема доверба во Зоран Заев и СДСМ, оваа агенција во своите анкети ги претставува како политичар и партија во кои граѓаните веруваат. И сите изборни резултати ги побиваат анкетите на „Рејтинг“. Сопственик на агенцијата е Никола Спасов. Во слободно време овој човек, очигледно, е администратор на Фејсбук страницата на СДСМ. На Фејсбук страницата „Тесна кожа“ беше објавен и доказ за ова. -Се прашуваме како тоа Никола Спасов сопственик на Agencija Rejting (која „транспарнтно“ го мери рејтингот на сите политичари во земјава) истовремено ја води и официјалната страна на СДСМ, пишуваат таму.