Стојановски: Бугарија и денес не го прави тоа што треба да го прави како сосед, но се надеваме дека тоа ќе се поправи

Тале Кристо — Tue, 09 May 2023 13:04:43 +0000

Денот на победата над фашизмот е славен ден за нас, за сите граѓани на Македонија. Не треба да зборавиме на овој ден никогаш оти тоа е и славен ден за сите народи од демократските земји, вели претседателот на Здружението на Сојузот на борците од НОАВ Никола Стојановски кој денеска присуствуваше на одбележувањето на 9 Мај – Денот на победата над фашизмот и Денот на Европа пред споменикот на Ослободителите на Скопје. Тој порачува дека е потребна соработка меѓу народите и постојано да се потсетуваме на значењето на 9 Мај, а тоа особено важи за младите генерации кои треба да продолжат да ги надоградуваат нивните традиции. -Старите го направиле тоа што можеле да го направат, а младите генерации треба да се угледаат на тоа, да учат добро, да работат добро, да им помагаат на старите, вели Николовски. Тој на новинарско прашање потврдува дека во време на Втората светска војна Бугарија беше окупатор, и оти и денес не се покажуваат како добри соседи. -Ден денес не го прават тоа што треба да го прават како соседи, но се надеваме дека тоа ќе се поправи, затоа што мора да се живее со соседите, да се соработува со соседите. Мора да работиме на напредок, вели Николовски. За тоа дали Бугарија треба да се извини за окупацијата во Втората светска војна, тој вели дека тоа треба да дојде од нив самите, за тоа што го направиле. -Верувам дека тоа ќе се поправи. Со соседите треба да се живее добро, тоа е многу важно. Како што треба да живееме добро со соседите, тоа важи и за државите кои се соседи, нагласува Николовски. Никола Стојановски е учесник во НОБ и еден од ретките живи борци од Втората светска војна. Тој годинава наврши 100 години.

Првиот претседавач на македонското Собрание Никола Стојановски наполни 100 години

Тале Кристо — Tue, 14 Feb 2023 12:22:10 +0000

Претседателот на Собранието Талат Џафери, денеска беше домаќин на првиот претседавач на првото повеќепартиски Парламент, д-р Никола Стојаноски, кој како најстар избран пратеник ја имаше таа чест и одговорност на 8 јануари 1991 година да ја отвори конститутивната седница на тој пратенички состав. На приемот, покрај Џафери, беа присутни и потпретседателот на Собранието, Горан Мисовски, координаторите на партеничките групи на СДСМ и на ВМРО-ДПМНЕ, Јован Митрески и Никола Мицевски, претставникот на Движењето БЕСА, Бастри Бајрами, генералната секретарка на Собранието, Цветанка Иванова, замениците генерални секретари и други претставници од собраниската служба. Повод за денешниот прием беше заедничкото одбележување на неговиот 100-ти роденден, меѓутоа и одлична прилика да се слушне непосредно од д-р Стојаноски за чувството и искуството кое го доживеал на тој толку значаен историски ден од поставувањето на темелите на повеќепартиското Собрание и градењето на еден нов почеток за државата, нов за сите присутни на таа пленарна седница. Истовремено, горд што сепак успеал да ја исполни својата должност без забелешки. - Во искрениот и непосреден разговор со присутните, почитуваниот д-р Стојаноски, со сиот свој позитивизам и енергија, упати порака до присутните и до следните генерации дека постарата генерација се потпира на тоа дека младата генерација ќе стори подобро и поубаво од претходните генерации за да биде добро за сите, и за државата и за народот, се посочува во соопштението од Кабинетот на претседателот на Собранието. Претседателот на Парламентот Џафери и сите присутни на средбата му посакаа на д-р Стојаноски добро здравје и уште многу родендени и идни средби во законодавниот дом.

Никола Стојановски – Kurir.mk

Стојановски: Бугарија и денес не го прави тоа што треба да го прави како сосед, но се надеваме дека тоа ќе се поправи

Првиот претседавач на македонското Собрание Никола Стојановски наполни 100 години