Младинската кошаркарска репрезентација се подготвува за Европското првенство дивизија „Б“

Бошко Тасиќ — Fri, 09 Jun 2023 06:13:46 +0000

Нема време за одмор за нашите најдобри млади кошаркари и играчи родени 2003 година и помлади. Селекторот на оваа репрезентација Никола Василев го одреди поширокиот список на кандидати, ги собра на едно место, во салата на СРЦ „Кале“, каде и официјално стартуваа подготовките за она што следува во наредниот период. Согласно со плановите на стручниот штаб, во кој освен селекторот, се и Нино Чачиќ и Миодраг Тодоровиќ, како асистенти, и Тони Богдановски, кој ќе се грижи за физичката подготовка на оваа наша селекција, во изминатите два дена кандидатите за место на ЕП ги минаа задолжителните лекарски прегледи. И во следните денови ќе почнат со воведниот дел од подготовките преку кои стручниот тим ќе се определи за најдобрите 12 кошаркари кои ќе ја претставуваат Македонија на шампионатот кој ќе го организира нашата федерација. СПИСОК НА ПОВИКАНИ КОШАРКАРИ Амар Хот – Феникс 2010 Марин Петков – Феникс 2010 Андреј Митревски – Феникс 2010 Карло Блажевски – МЗТ Скопје Уни Банка Филип Пандев – МЗТ Скопје Уни Банка Виктор Стојковски – МЗТ Скопје Уни Банка Димитар Иванов – Навико Академија ФМП Никола Василевски – Навико Академија ФМП Лука Димитриевски – Куманово 2009 Милош Јовановиќ – Куманово 2009 Андреј Шошкиќ – Работнички Петар Бошалески – Работнички Филип Наков – Водно Санс Никола Бојчев – Еуро Никел 2005 Тома Стојаноски – Гостивар Христијан Настовски – Чаир 2030 Ненад Јовановиќ – Росето Баскет, Италија Резарт Мемед – Сигал Приштина, Косово Теодор Симиќ – Борац Бања Лука, БиХ

Василев селектира 12 кошаркари за скопскиот „Челенџер“

Ивана Ефремовски — Sun, 01 Aug 2021 15:12:06 +0000

Селекторот на македонската репрезентација до 18 години, Никола Василев одбра 12 кошаркари за скопскиот „Челенџер“. На списокот на Василев се најдоа: Андреј Митревски, Филип Наков, Марин Петков, Никола Василевски, Резарт Мемед, Амар Хот, Тома Стојановски, Димитар Иванов, Мирослав Ѓорѓевиќ, Горазд Величковски, Теон Богатиновски и Павел Атанасов. Турнирот ќе се игра во салата на СРЦ „Кале“ во Скопје од 3 до 8 август. Ривали на „црвено-жолтите“ во А-групата ќе бидат селекциите на Хрватска, Грузија, Шпанија, Србија и Германија. (МИА)

Никола Василев – Kurir.mk

Младинската кошаркарска репрезентација се подготвува за Европското првенство дивизија „Б“

Василев селектира 12 кошаркари за скопскиот „Челенџер“