ВИДЕО: Талентираниот Никола Зацески објави уште една песна – слушнете ја „За вас“

Ивона Петрова — Wed, 05 Jan 2022 12:02:18 +0000

Песна по песна, скромно и ненаметливо, младиот пејач Никола Зацески ја гради својата музичка кариера по враќањето од Австралија во Македонија. По „Мојот пат“, „Срцето мое тука чука“, по одличната преработка на „Лихнида“, талентираниот Зацески продолжува да твори и да создава нова музика. Овојпат Никола и неговиот тим ја промовираат песната „За вас“, нумера на која работеа едни од најдобрите во нашата земја. Музиката и аранжманот се дело на познатиот Николче Мицески, текстот го потпишуваат Никола заедно со одличната Весна Малинова, а се снимаше во студиото „XL“ на Дејан Момироски. Станува збор за нумера во која буквално ќе може да се пронајде секој од нас, бидејќи инспирацијата е љубовта кон фамилијата. - Ова за мене е најдрагоценото нешто што сме го креирале до сега со мојот тим, бидејќи секоја буква и нота има длабоко значење за мене и е преполно со емоции од љубов, среќа, тага, солзи - сето тоа испреплетено во една песна. Живеењето неколку години надвор од Македонија разбудија уште поголеми емоции кон мојата татковина и родители (фамилијата), па од таму моите први песни се инспирирани од нив - вели младиот Зацески За екранизацијата на ова емотивно „соголување“ на Никола Зацески се погрижи младиот Никола Митревски, кој се потишува како режисер на видеоспотот.

„Лихнида кајче веслаше“ во едно поинакво светло – прекрасна изведба на битолчанецот Никола (ВИДЕО)

Ивана Ефремовски — Tue, 13 Jul 2021 12:27:44 +0000

Битолчанецот Никола Зацески објави прекрасно видео на кое тој ја изведува прекрасната македонска песна „Лихнида кајче веслаше“. Песната компонирана од Ефто Пупиноски со текст на Мирослав Кузман и аранжман на Миодраг Божиноски која во 1986 година го освои првото место на „Фолк Фест Валандово“ после 35 години доби уште една верзија. -Со огромно задоволство ви ја претставуваме “Лихнида“ во едно поинакво светло. Длабоко од моето срце и душа произлезе инспирацијата за овој проект, а особено ми е драгоцен бидејќи и јас ќе дадам мал допринос во збогатувањето на нашиот мозаик на македонски песни, кои треба вечно да бидат препејувани и слушани од сите наши нови генерации. Се надевам ќе уживате во нашата магична бајка, напиша Зацески на Facebook по повод објавувањето на спотот за „Лихнида“.

Никола Зацески – Kurir.mk

ВИДЕО: Талентираниот Никола Зацески објави уште една песна – слушнете ја „За вас“

„Лихнида кајче веслаше“ во едно поинакво светло – прекрасна изведба на битолчанецот Никола (ВИДЕО)