Николај Јакобсен – Kurir.mk

Николај Јакобсен ќе биде селектор на Данска до 2030 година

Бошко Тасиќ — Sun, 30 Apr 2023 05:03:09 +0000

Николај Јакобсен ќе остане на чело на данската ракометна репрезентација откако овој стратег потпиша нов договор со важност до 2030 година. Екс-тренерот на Рајн-Некар Левен е селектор на својата држава од 2017 година, успевајќи да ја предводи Данска до три титули во низа на светските шампионати. Во федерацијата очекувано се задоволни од неговата работа, што резултираше со потпис на овој долгорочен договор.

„Презадоволен сум што потпишав договор на толку долг период. Имам можност да работам со исклучително талентирани ракометари, но и со еден извонреден стручен штаб со кој уживам да соработувам. Затоа, забавно ми е секој пат кога ќе имаме репрезентативен собир. Се надевам дека дадов свој придонес за уште поголем развој на данскиот ракомет, што во секој случај ќе ми биде приоритет и во наредниот период. Ова не се однесува само на А-селекциајта, се андевам дека помогнав да се воспостави систем и во младите категории, за развој на талентираните дански ракометари“, изјави Јакобсен.

Јакобсен: Ова е фантазија, направивме нешто што никому не му успеало

Ристе Здравков — Mon, 30 Jan 2023 08:57:06 +0000

Ракометарите на Данска го комплетираа својот „хет-трик“, освојувајќи ја третата последователна титула на Светските првенства. Вчера во Шведска, скандинавскиот колектив беше подобар од Франција со 34-29 и третпат во низа стана мундијалски првак. По мечот, еден од „творците“ на оваа златна данска репрезентација, селекторот Николај Јакобсен, го изнесе своето мислење. „Немам многу паметни зборови во моментов. Можам да кажам дека ова е фантазија, да си во ваква ситуација, да направиш нешто што не му успеало никому во историјата... Фокусот кој го имавме низ турнирот е нешто што не сум го виде досега, како и начинот на кој го одигравме финалето против неверојатно силен ривал. Имаме многу врвни ракометари, а денес ни беше неопходен придонес од сите на теренот. Имавме посебен, дополнителен дел на тренингот посветен на Лауге, да видиме колку е подготвен да игра финале. Тој беше одлучувачки фактор во второто полувреме. Видовте и што ни донесе влегувањето на Менсах Ларсен, влезе и даде два гола кога се „кршеше натпреварот“. Сите дадоа свој придонесе, ова е неверојатен меч на нашата репрезентација“, кажа Јакобсен. Данците покажаа доминација каква што светот досега не видел, го креваа трофејот за светскиот првак во 2019, 2021 и сега, што е подвиг за почит.

Јакобсен: Непотребно го направивме возбудлив натпреварот

Бошко Тасиќ — Sat, 28 Jan 2023 07:26:41 +0000

Ракометната репрезентација на Данска ќе игра ново финале на Светските првенства откако во првото полуфинале ја победи Шпанија со 26:23. Данците водеа во текот на целиот натпревар, а во 43.минута имаа водство и од + 5 (20:15), но му дозволија на противникот со серија голови да го однесе натпреварот во неизвесна завршница.

Второто полувреме беше тешко. Мислам непотребно го направивме возбудливо. Ние го контролиравме натпреварот. Секако имаме голман од светска класа. Фантастично е третпат по ред да се игра финале. Кога играте полуфинале, секогаш постои страв дека нешто може да се случи и тимот да си одам со „празни раце“. Целиот фокус ќе биде во недела и дома да си заминеме со злато, изјави селекторот на Данска Николај Јакобсен за данските медиуми.

Јакобсен: Хрватите беа насилни

Бошко Тасиќ — Sat, 21 Jan 2023 07:11:41 +0000

Селекцијата на Данска одигра реми против Хрватска, 32:32, на стартот на главната рунда на Мундијалот и веќе со една нога се наоѓа во четвртфиналето. Дуелот меѓу актуелниот светски шампион и ,,коцкестите” беше проследен со голема борба за секоја топка и цврста одбрана. Селекторот на Данска, Николај Јакобсен смета дека ракометарите на Хрватска биле премногу насилни во вчерашниот дуел. ,,Мислам дека Хрватите беа многу насилни, особено кон Матијас Гидсел. Тоа беше многу тежок натпревар за младиот ракометар. Затоа често моравме да играме 7 на 6, за да внесеме повеќе смиреност во играта… Тоа беше една хаотична игра и можеме да кажеме дека исходот од дуелот е најреален. Играме сосема друг стил на игра, за мој вкус ова беше премногу насилно. Не се согласувам со критериумите што ги имаа шпанските судии. Хрватите беа насилни, знаевме дека ќе не „тепаат“, изјави Јакобсен.

Јакобсен: Ќе играме во полн ек и на победа против Македонија

Ристе Здравков — Mon, 17 Jan 2022 11:49:11 +0000

Николај Јакобсен ќе се обиде да сочува сили за понатамошниот дел од Европското првенство на последниот меч од групната фаза против Македонија. Данска ќе биде фаворит за бодовите и ќе игра без притисок. Поради тоа селекторот се одлучи да им даде одмор на неколку ѕвезди, а во текот на натпреварот ќе се обиде да го разигра целиот тим од клупата на резерви. „Секогаш сум поддржувач на штедењето. Ако можеш да заштедиш, направи го тоа затоа што ќе ти треба подоцна. Дали чини нешто? Не верувам дека е така. Има толку многу смиреност и самодоверба во тимот овде што ако играме лош натпревар, веројатно ќе бидеме конкурентни за победата. За нас е важно да влеземе и да го направиме она што треба да го направиме против Македонија. Мора да играме натпревар во полн ек и да играме за да победиме“, вели Јакобсен. Македонската репрезентација со двата порази на стартот ќе ги заврши настапите на шампионатот. Останува само да ја доигра групната фаза и достоинствено да ги комплетира натпреварите.

Јакобсен останува селектор на Данска до 2025 година

Бошко Тасиќ — Tue, 04 May 2021 15:46:00 +0000

Данската ракометна федерација и селекторот на оваа репрезентација Николај Јакобсен ја продолжија соработката до 2025 година. Јакобсен ја презеде функцијата во 2017 година, а сега двете страни повторно ја продолжија соработката овој пат, до летото 2025 година за СП чиј домаќин ќе биде Данска. Јакобсен и Данска на последните два Мундијали го освоија златниот медал и станаа Светски шампиони.

Николај Јакобсен: Одамна не ми се случило да загубам на ваков начин

Бошко Тасиќ — Thu, 11 Mar 2021 21:11:54 +0000

Светскиот првак Данска доби ракометна лекција од нашата репрезентација на чело со новиот селектор Кирил Лазаров . Поразот го призна и селекторот на гостинската селекција Николај Јакобсен кој рече дека не се сеќава на ваков меч откако е дел од данската репрезентација. „Не бевме подготвени за ова. Направивме многу грешки во нападот и пропуштивме многу шанси за да победиме во Скопје. Со репрезентацијата сум долго време, одамна не ми се случило да загубам на ваков начин. На реваншот мора да покажеме поголема храброст“, рече данскиот селектор. Данците загубија првпат по девет меча во низа.

Николај Јакобсен: Ќе играме против малку чудна селекција

Бошко Тасиќ — Wed, 10 Mar 2021 15:34:36 +0000

Селекторото на данската маша ракометна репрезентација Николај Јакобсен за двомечот со нашите ракометари изјави дека Македонија игра традиционален ракомет и ја нарече по малку чудна екипа, затоа што во тимот има двајца тренери-играчи и нов селектор. „Македонија игра традиционален ракомет. За дуелите со нас имаат нов селектор, двајца тренери-играчи и вратија неколку искусни ракометари. Така што може да се каже дека ќе играме против малку чудна селекција. Сепак, кога ќе се погледне комплетната слика, се работи за млада екипа, со неколку искусни ракометари“, рече Јакобсен. „Реванш“ средбата против Данците ја игра во Алборг, в недела со почеток од 16:00 часот, додека мечот во Скопје е закажан за од 20:00 часот.