Николас Кејџ – Kurir.mk

Николас Кејџ брутално искрен: Имав долг од 6 милиони долари, па прифаќав секакви улоги

Ивона Петрова — Thu, 27 Apr 2023 06:06:52 +0000

Актерот Николас Кејџ се сеќава на времето од неговата кариера кога прифаќал секакви улоги за да плати долг од 6 милиони долари, иако многу од тие филмови воопшто не биле толку добри. Кејџ е на филмската сцена повеќе од три децении, и додека глумеше во многу познати филмови, тој беше вклучен и во голем број на помалку успешни филмови кои не поминаа толку добро кај критичарите или публиката. Во едно неодамнешно интервју, Кејџ се осврна на некои од филмовите што ги снимил во 2010-тите, признавајќи дека тие биле „лоши“ -Бев премногу вклучен во недвижности. Пазарот на недвижности падна и не можев да излезам на време. Ги вратив сите, но тоа беше долг од околу 6 милиони долари. Никогаш не поднесов барање за банкрот. Бизнисот секогаш беше мојот ангел чувар. Можеби не беше успешен, но сепак беше бизнис. Дури и филмот да заврши лошо, мене ми е грижа секој пат, рече Кејџ.

ФОТО: Николас Кејџ непрепознатлив на снимањето на филмот „Сценарио од соништата“

Ивона Петрова — Wed, 23 Nov 2022 07:09:02 +0000

Николас Кејџ целосно го промени својот изглед за снимањето на филмот „Сценарио од соништата“. Со новиот изглед бил фотографиран во Торонто. Оваа комедија е во режија на Кристофер Боргли, а заплетот сè уште не е познат. Продуценти се Ари Астер и Ларс Кнудсен. Покрај Николас, во филмот ќе играат и Џулијан Николсон, Дилан Бејкер, Кејт Берлант, Мајкл Сера и други. Николас во наредниот период ќе работи на уште неколку филмски проекти. Познатиот актер и неговата сопруга Рико Шибата добија ќерка во септември. Кејџ со поранешните партнерки ги има синовите Вестон (31) и Кал-Ел (16).

Николас Кејџ не бил платен за филмот кој му донесе Оскар

Ристе Здравков — Fri, 07 Oct 2022 12:55:04 +0000

Николас Кејџ не бил платен за филмот „Leaving Las Vegas“ кој му донесе Оскар, открил режисерот Мајк Фигис. Филмот е објавен во 1995 година, а снимен е според истоимениот роман на Џон О'Брајан од 1990 година. Во филмот исто така глумат и Елизабет Шу, Џулијан Сендс, Ричард Луис итн. „Leaving Las Vegas“ ја следи приказната за холивудскиот сценарист Бен Сандерсон (Николас Кејџ) кој поради алкохолизмот губи сè. Тој одлучува да замине во Лас Вегас и да се опие до смрт, но попатно запознава проститука која ќе му го промени животот. Кејџ освои Оскар и Златен глобус за најдобра улога, а Фигис беше номиниран за најдобар режисер. Но, и покрај големиот успех, двајцата не успеале да заработат ниту цент од ова остварување бидејќи им било кажано дека филмот немал никаков профит. Режисерот во разговор за „The Hollywood Reporter“ навел дека буџетот за филмот бил 4 милиони долари, но сепак ништо не ѝ замерил на продуцентската куќа. Фигис смета дека процесот на снимање бил толку прекрасен што сè би повторил иако не бил платен за тоа.

Николас Кејџ откри која улога е негова неостварена желба

Ивона Петрова — Mon, 11 Apr 2022 07:17:27 +0000

Холивудскиот глумец Николас Кејџ на „Редит“, призна дека „поради љубовта кон океанот“ негова неостварена желба е да ја толкува улогата на ликот капетан Немо, од познатиот роман на Жил Верн. -Би сакал да го глумам капетанот Немо, поради љубовта на тој лик кон океанот, што ја споделувам со него, рече Кејџ, а запрашан дали го нервираат репликите на неговите ликови што луѓето ги извикуваат јавно, додаде: „Немам проблем со ниту еден цитат. Мило ми е што се сеќаваат на моите филмови“. Ѕвездата сподели и колку му се допаѓало да работи на неговиот последен филм „Свиња“, бидејќи тој бил „тивок“ и „природен“. -Ви благодарам. Сакав да се вратам на потивок, природен стил на снимање филмови откако направив серија луди улоги. Мојот филм повеќе личи на народна песна или стихотворба, а мојот лик Роб се бори со голема тага, како и јас – со наметната изолација и мислам дека ние како луѓе кои ја доживуваме пандемијата 2020-21 веројатно имаме слични чувства на загуба и изолираност. Ова е еден од моите омилени филмови и веројатно моето најдобро дело, истакна 58-годишниот глумец.

Николас Кејџ добил 20.000 долари на коцка и ги дал во хуманитарни цели

Ивона Петрова — Wed, 21 Oct 2020 08:34:12 +0000

Во заеднички интернет-разговор за порталот „Интервју“, Николас Кејџ му се пофали на металецот Мерилин Менсон, оти во една прилика, со 200 негови долари добил 20.000 долари на коцка и сите ги подарил во хуманитарни цели. – Последниот пат кога се коцкав беше пред околу 30 години… Бев на Бахамите, па влегов во едно казино и се чувствував како да „ја имам силата во мене“ – како ништо да не може да тргне наопаку… Мојата игра беше рулетот. Влегов со 200 долари и не утнав бројка. Дури и дамата што го врти тркалото рече: „Ништо послатко од повторувач“. За 20 минути претворив 200 долари во 20.000 долари, па излегов и најдов сиропиталиште на Бахамите, ги запознав сите деца и директорката и им реков: „Ова е за вас…“ Ѝ ги ставив 20-те „илјадарки“ во нејзината рака (на директорката), си отидов и никогаш повеќе не се коцкав, бидејќи ако продолжев, тоа ќе ја уништеше моќта на токму тој миг!, раскажува глумецот. Николас Кејџ – генијалец во коцкање и добротвор – дали тоа е точно? Никој не знае со сигурност, но како што гласи еден од коментарите на гледачите потоа – „доволно е откачено“ за да биде вистина. Оваа година, обожавателите ќе можат да го погледнат Кејџ во акциониот филм „Џиу џицу“, чиешто прво прикажување е најавено за следниот месец.

Николас Кејџ како Николас Кејџ во филм за Николас Кејџ

Ивона Петрова — Mon, 18 Nov 2019 09:59:30 +0000

Холивудскиот актер Николас Кејџ наводно е во преговори да се глуми самиот себе во филм кој го следи него како се обидува да добие улога во новото остварување на Квентин Тарантино. Филмот „Unbearable Weight of Massive Talent“ е во последната фаза преговори и планови да биде превземен од продукциската куќа Лајонсгејт. Во остварувањето Кејџ наводно и зборува на егоистичната верзија на самиот себе, која истовремено ја исмева својата идна верзија што не станала позната и што има снимено голем број нискобуџетни филмови. Ликот на Кејџ се обидува да се избори и со долгови, па прифаќа да се појави на роденденска забава на обожавател и член на мексиканскиот нарко-картел. Паралелно со сите случување, Кејџ се обидува да ја усреќи својата ќерка тинејџерка.