николас круз – Kurir.mk

Доживотен затвор за напаѓачот во училиштето на Флорида

Ивона Петрова — Thu, 03 Nov 2022 06:42:26 +0000

Напаѓачот во училиштето во Паркленд, Флорида, 24-годишниот Николас Круз е осуден на 34 казни доживотен затвор без можност за помилување, откако семејствата на 17 убиени жртви сведочеа дека станува збор за злобно лице, кукавица, монструм и нечовек. Судијката Елизабет Шерер определи 34 доживотни казни за Круз. Седумнаесет за секое убиено лице и уште толку за секоја повредена личност во масакрот извршен на 14 февруари 2018 година во предградието Форт Лодердејл. По тримесечното судење, поротата на 13 октомври соопшти дека со 9:3 гласови го осудува на смртна казна. Но, законот на Флорида бара едногласнот за да се спроведе таква казна, па судијката Шерер му изрече доживотна.

САД: Доживотен затвор за убиецот на 17 лица во средното училиште во Паркленд

Катерина Бојаџиева — Thu, 13 Oct 2022 20:02:12 +0000

Николас Круз, кому се судеше за убиство на 17 лица во средно училиште во градот Паркленд во 2018 година, осуден е на доживотен затвор без можност за помилување. Како што пренесува Гласот на Америка, таа пресуда е донесена откако дванаесет членови на поротата не успеале да донесат едногласна одлука за осудениот Круз да биде погубен за делото што го направил. Со ова заврши тримесечното судење, кое се состоеше од изнесување аргументи и сослушување сведоци. Обвинителството бараше смртна казна, додека одбраната се залагаше за единствената преостаната можна опција – доживотен затвор. Николас Круз (24) се изјасни за виновен за убиството на 14 ученици и тројца наставници во средното училиште Марџори Стонман Даглас во Паркленд, едно од најсмртоносните масовни убиства во училиште во историјата на САД.

Напаѓачот кој уби 17 средношколци останува во притвор без право на кауција

Катерина Бојаџиева — Thu, 15 Feb 2018 20:57:21 +0000

Судија од Флорида нареди напаѓачот Николас Круз, кој е обвинет за убиство на 17 лица во средно училиште, да биде задржан во притвор без право на кауција.

Круз се појави на судско сослушување во портокалова облека со лисици на рацете зад грбот. Неговата адвокатка рече дека нема да поднесе жалба на одлуката на судот. Николас Круз беше уапсен откако уби 17 луѓе во училиштето Марџори Стоунман Даглас во градот Паркленд на околу 70 км северно од Мајами и е обвинет по 17 точки за убиство со предумисла.