Николче Дамчевски – Kurir.mk

Од корона вирус почина гинекологот Дамчевски кој лажеше пациентка дека е бремена

Тале Кристо — Sun, 13 Dec 2020 14:13:30 +0000

Македонскиот гинеколог Николче Дамчевски кој беше осуден затоа што доведуваше жени во заблуда лажејќи ги дека се бремени почина како последица на Ковид 19. Тој откако беше осуден од македонските судски власти, избега во Софија, каде што и починал. Дамчевски беше македонскиот гинекологот осуден на две години затвор за тешки дела против здравјето на луѓето и за несовесно лекување, а лекарската комора му ја одзема лиценцата на седум години. Иако во медиумите се пишуваше дека Дамчевски е избеган во Софија и врши прегледи на пациентки, полицијата не успеа да го најде. По објавата на информациите во македонските медиуми, во Софија му беше прекинат работниот однос.

И Бугарија му забрани на Дамчевски да работи како гинеколог

Ивона Петрова — Thu, 06 Dec 2018 13:51:17 +0000

Раководството на Медицински центар „Мајчин дом“ во Софија се обрати до Агенцијата за медицинска ревизија при Министерството за здравство на Бугарија да изврши проверка во врска со гинекологот Николче Дамчевски, кој има потврдена казна затвор од две години од Апелацискиот суд во Скопје, објави бугарската агенција БГНЕС. До утврдување на околностите во случајот, на докторот му се забранува да извршува медицинска дејност, изјавија од софискиот Медицински центар „Мајчин дом“ за агенцијата. Дамчевски девет месеци лажел пациентка во Македонија дека е бремена. Тој во Македонија има осумгодишна забрана за работа како доктор и е во бегство. Во меѓувреме, станал член и на Бугарскиот лекарски сојуз, а работел во една приватна болница во бугарскиот главен град. Во пресудата против Дамчевски пишува дека „како гинеколог тој има вина за тешки злосторства извршени врз здравјето на луѓето и фалсификување документи”. Пред судот тој ја признал вината и по двете обвиненија – фалсификување на медицински документи и несовесно извршување на лекарската професија. Раководството на Медицинскиот центар е подготвено да соработува целосно со истражните и надзорните органи за да се разјаснат околностите на случајот, наведува БГНЕС. МИА

Апелација му ја зголеми казната на гинекологот Дамчевски кој лажеше пациентка дека е бремена

Катерина Бојаџиева — Wed, 07 Nov 2018 15:14:56 +0000

Апелациониот суд Скопје ја потврди пресудата на Основниот суд Скопје 1 и донесе построга казна од претходната која беше 1,5 година затвор – 2 години затвор за гинекологот Николче Дамчевски, кој 9 месеци лажеше пациентка дека е бремена. Апелација ја потврди и забраната за вршење дејност во траење од 8 години. Пресудата е извршна, што значи дека Дамчевски во секој момент може да замине на издржување на казната затвор. Според пресудата, гинекологот Дамчевски е виновен за тешки дела против здравјето на луѓето и фалсификување исправа. Тој пред пред судот ја призна вината и за двете дела, несовесно лекување и фалсификување на медицински документи.