николовски – Kurir.mk

Анастасов: Николовски во Делчево ги злоупотребува институциите за партиски цели

Тале Кристо — Mon, 08 Feb 2021 13:50:43 +0000

Во врска со одржаниот состанок во просториите на ЈЛБ “Илинден” Делчево вчера на кој што гостин беше Генералниот секретар на СДСМ Љупчо Николовски во организација на највисоките функционери на СДСМ во Делчево, своја прес конференција во јавноста имаа од Општинскиот комитет на ВМРО-ДПМНЕ од Делчево. Потпретседателот на ОК на ВМРО-ДПМНЕ Делчево, Кирчо Анастасов го прозва Николовски како и функционерите на СДСМ во Делчево за злоупотреба на салата за венчавки и просториите на градската библиотека за одржување на партиски состанок на СДСМ и за ажурирање на партиско членство. Во продолжение во целост нја пренесуваме прес конференцијата на Кирчо Анастасов од ОК на ВМРО-ДПМНЕ Делчево: “Почитувани сограѓани, претставници на медиумите, Вчера локалните функционери на СДСМ засилени со генералниот секретар на СДСМ Љупчо Николовски, ја претворија салата за венчавки во Спомен домот АСНОМ Делчево во партиски штаб каде што одржуваат состаноци и ажурираат партиско членство. Синоќа Министерот за корупција Николовски, како што беше именуван неодамна на една национална телевизија, на социјалните мрежи без никаква обзирност за функцијата што ја врши и без ни најмало чувство на одговорност, одржа партиски состанок во просториите на Јавната локална библиотека “Илинден” Делчево. Човекот кој што е платен со пари на граѓаните за да се справува со корупција во државата вчера во Спомен домот АСНОМ изврши груба партизација на јавните простории на ЈЛБ “Илинден”со амин на највисоките функционери на СДСМ во Делчево кои беа присутни на состанокот. Злоупотребата на јавни општински ресурси на сите граѓани, во интерес на СДСМ е дотолку поголема затоа што овие простории во кои синоќа беа истакнати партиски симболи и иконографија, секојдневно ги посетуваат најмладите делчевчани кои што сакаат да позајмат книга за читање од библиотеката во Делчево. Во недостиг на конкретни политики за подобрување на секојдневниот живот на граѓаните, СДСМ во криза го прави она што најдобро го знае: Партизацијата на институциите и злоупотреба на јавни ресурси за остварување на нивна партиска агенда и корист. Ваквата политика на СДСМ од типот “државата- тоа сум јас” мора да престане, а одговорните лица за ваквата пракса треба да сносат одговорност во најкус можен рок.”

Јанушев му одговори на Николовски: А зинете – лажете!

Тале Кристо — Sun, 07 Jun 2020 18:16:58 +0000

Кога Љупчо Николовски лаже, се подлабоко влегува во сопствената лага, вели во својата реакција генералниот секретар на ВМРО-ДПМНЕ Игор Јанушев. Фејсбук статус на Игор Јанушев: Она што тој го предлага е Мицкоски што седнал во кафеана да оди во затвор, а да го награди Заев за успешно справување со короната, за најнекорумпиран политичар и најискрен човек на светот, колку и апсурдно да е сето ова. Но, не со тие куршуми. А зинете - лажете! И, нема да редам колку лажни вести сте пуштиле затоа што списокот е долг. Па, дојдовте до таму да излажете и за почитувањето на карантинот, сликата со желката, помножено со бројот на километри од Паланка до Берово, минус времето потребно за патување, покажува дека Љупчо излажавте дури и за тоа. На народот му се превртува во стомакот од вашето лицемерие. Откако Шекеринска гласаше за карантинот, си отиде во Маврово слободно да си одмара. На власт сте Николовски и изгледа заборавивте дека Агенција за вработување излезе со бројка од 15.371 луѓе кои останаа без работа. Рекордери сте единствено по задолжување и криминални тендери, не залудно Македонија е на сите листи во светот меѓу први по хибриден режим, криминал и корупција. Но, народот знае тоа да го цени, и вам и на тие како вам ќе им одговори на избори. П.С. - И околу лажните вести добро е Љупчо Николовски да одговори, како тоа отиде и се врати од Берово за еден ден со полициски час кој почнува од 16 часот, а патот од Паланка до Берово и назад е 5 и пол до 6 саати? Изгледа некоја посебна желка е?

Мицкоски за статусот на Николовски: Веројатно тој е напишан од аболицираниот Заев во состојба на нервоза

Тале Кристо — Thu, 13 Feb 2020 21:35:34 +0000

Не би го коментирал ставот на тој господин. Мислам дека текстот е напишан од неговиот претседател, аболицираниот политичар Зоран Заев кој како што слушнавме финансирал медиум, бил запознаен со злоупотреба на партиска моќ, рече лидерот на ВМРО-ДПМНЕ на гостувањето на телевизија Алфа говорејќи за фејсбук на статусот на Љупчо Николовски од СДСМ кој меѓудругото вели „.... постои реална можност ние да направиме ново парламентарно мнозинство, а потоа и нова стабилна влада која ќе организира редовни парламентарни избори“. Според лидерот на ВМРО-ДПМНЕ, Мицкоски, ова говори дека стравот е голем. -Јасна е намерата на СДСМ, на Зоран Заев да ги одложи изборите или на насилен начин да ги постигнува работите, рече Мицкоски.

Генералниот секретар на СДСМ, Љупчо Николовски се помакедончи?!

Љупчо Цветаноски — Thu, 23 Jan 2020 13:51:01 +0000

Во наплив на „македонштина“, Љупчо Николовски, генерален секретар на СДСМ и ексминистер за земјоделство, доживеа драстична промена и на Твитер ја нарече нашата држава онака како што треба - Македонија? Зборуваме за државата на која неговата партија ѝ го смени името во „Северна“ и чии функционери, на чело со лидерот Зоран Заев, инсистираат на тоа име и по неколку пати во една реченица. Граѓаните се во очекување на воспитна од партијата за својот непослушен син, кој всушност, станува дел од предизборното помакедончување на партијата, чин кој постојано го ремети токму нивниот екс премиер Заев.

Николоски: Владата да го почитува мислењето на Венецијанската комисија и да достави нов текст на Законот за јазици, ако не тоа ќе го направи ВМРО-ДПМНЕ

Тале Кристо — Sun, 13 Oct 2019 16:37:44 +0000

Венецијанската комисија го потврди само она што ВМРО-ДПМНЕ го зборуваше години наназад. За потсетување Законот за јазици кој беше основа на тиранската платформа и Заев да формира влада. Тој Закон е крајно неуставен, не може во држава како Македонија да наметнете двојазичност, тука нема пола Македоци пола Албанци, рече Александар Николоски, потпретседател на ВМРО-ДПМНЕ на гостувањето на дневникот на телевизија Алфа. -Венецијанската комисија само гопотврди тоа што сите го знаеме. Тој Закон е неприменлив во судството, во јавната администрација, Знаеме дека Заев повторнува се обидува да се поигрува со правто, па барање одлагање на извештајот на Комисијата, рече Николоски. Тој додаде дека еве сега е одложено за три месеци, но оти одлагањето не решава ништо. -Експертите од оваа Комисија кога ќе кажат нешто не го менуваат мислењето, укажа Николоски. Тој ја повика владата да го почитува мислењето и да достави нов ревидиран текст на законот во кој ќе бидат поништени сите неуставни одредби, а доколку тоа не го направи тоа ќе го стори ВМРО-ДПМНЕ.

Николоски екслузивно за Алфа: Нема раздвојување од Албанија, големите сили велат реформите во Македонија се на ниско ниво како во Албанија

Тале Кристо — Sun, 13 Oct 2019 16:32:06 +0000

Не доаѓаат позитивни сигнали од ЕУ за Македонија. Ако треба да направам оценка денес, мислам дека најдоброто што може Македонија да го очекува е многу услови, откако ќе се исполнат тие услови дури тогаш да се отпочнат преговори некаде за година и пол до две од сега. Самата одлука за датум пак ќе се префрли за средината на следната година, како што лани се префрли за годинава па фледаме дека се одлага, рече потпретседателот на ВМРО-ДПМНЕ, Александар Николоски во гостувањето на дневкот на телевизија Алфа. Според него причини има неколку. -Не е само до Франција, туку тука се и неколку држави од ЕУ. Второ, владата на Заев не даде аргумент овие држави да се залагаат за поддршка на Македонија, напротив даде аргументи за да ја напаѓаат затоа што со афери како Рекет и корупција која стига до највисоко ниво не може да очекувате да добиете датум за преговори. Тука е и моментот што Македонија е ставена во иста група со Албанија која е држава со најлош имиџ во Европа. Ставањето на македониа во група со Албанија е нешто на што ние преупредувме април минатата година е најлоша работа што може да и се случи на Македонија, рече Николоски. Тој еклузивно за Алфа соопшто дека во разговор со министер за надворешни работи и европски прашања одедна од 4 водечки држави члеки на ЕУ му било кажано дека раздвојување не доаѓа во предвид зошто доколку дојде до раздвојување ќе има вето за двете држави. -Причината зошто нема раздвојување е затоа што чувството на големите држави е дека во Македонија нема доволно реформи и дека за жал Македонија е на исто јсико ниво со Албанија на Еди Рама, потенцираше Николоски.