нилтон мело – Kurir.mk

Вардар 1961 потпиша со португалски тинејџер

Ивана Ефремовски — Tue, 25 Jul 2023 18:43:20 +0000

Младинскиот репрезентативец на Португалија, 19-годишниот Нилтон Мело, е нов ракометар на Вардар 1961, објави попладнево македонскиот прволигаш. Португалскиот лев бек потпиша двегодишен договор со двократниот европски првак и треба да биде поддршка за Стефан Петриќ и Марко Мишевски, кои играат на истата позиција во редовите на „црвено – црните“. Нилтон потекнува од академијата на Спортинг Лисабон, а изминатата сезона го носеше дресот на португалскиот прволигаш Виторија. Претходно Вардар 1961 потпиша и со Кубанецот Хансер Микел Родригер. (МИА)

„Не ми се веруваше дека ме бара голем тим како Вардар“

Ристе Здравков — Fri, 09 Jun 2023 11:50:25 +0000

Поранешниот македонски и европски шампион Вардар наскоро треба да потпише договор со талентираниот португалски ракометар Нилтон Мело, кој игра на бековската позиција. Понудата го изненадила Мело, кој вели дека е среќен затоа што добил можност да игра за голем клуб како Вардар. „Барав проект кој ќе ми дозволи да бидам професионалец. Имав понуди од Шпанија, но потоа се појави Вардар и не можев да го одбијам. Бев изненаден што ме бара голем тим како Вардар, тоа ми дава мотивација за да се докажам и да напредувам“, вели Мело.