ним – Kurir.mk

Љубомир Врањеш нов тренер на Ним

Бошко Тасиќ — Tue, 14 Jun 2022 20:53:21 +0000

Екипата на Ним за следната сезона на тренерската функција го ангажираше Љубомир Врањеш. Искусниот тренер клупата на францускиот клуб ќе ја преземе од тренерската палка на Јан Балмосиер, кој беше привремено решение на тренерската позиција откако Франк Морис го напушти клубот. Врањеш и Ним се договорија на четиригодишна соработка. Врањеш во Ним ќе пристигне од бундеслигашот Рајн Некар. Во таборот на „лисиците“ беше назначен за тренер по неуспехот со словенечката репрезентација на Европското првенство оваа година, но бидејќи раководството на Рајн Некар реши да ангажира нов тренер за следната сезона.

Еурофарм Пелистер против француски Ним на стартот на Европската лига

Тале Кристо — Tue, 19 Oct 2021 06:58:10 +0000

Ракометарите на Еурофарм Пелистер вечер ги почнуваат натпреварите од групната фаза во Европската ракометна лига. Во првото коло битолчани го пречекуваат францускиот претставник Ним. Според Жељко Бабиќ, тренер на Еурофарм Пелистер, Ним е клуб за респект заради квалитетот и државата од која што доаѓа. – Претстои тежок меч, во кој мораме да бидеме многу прецизни, тактички добри. Ним е класична екипа и репрезент на францускиот ракомет, цврста и многу брза. Подготвени сме за малку поинаква игра, не каква што сме навикнати досега во Европа. Натпреварите во домашната лига дадоа придонес, иако Европа е нешто поинаку и тешко е да се споредува квалитетот. Важно е што со нас ќе биде и публиката, истакна Бабиќ пред вечерашниот натпревар во Битола. Ракометната средба меѓу Еурофарм Пелистер и Ним почнува во 20:45 часот.

Двајца повредени кога возило удри во група луѓе во Ним

Ристе Здравков — Fri, 14 Sep 2018 09:01:03 +0000

Две лица се полесни повредени кога возило влетало меѓу група луѓе кои стоеле пре еден бар во францускиот град Ним, по што удрило во заштитните бариери. Според француските медиуми, автомобилот марка „Пежо“, управуван од 32-годишен маж, ноќеска околу еден часот по полноќ влетал меѓу 50-тината гости што стоеле пред барот, нанесувајќи им полесни повреди на двајца од нив. По инцидентот возачот се обидел на избега, но бил фатен од присутните, кои почнале да го тепаат. По доаѓањето на полицијата, возачот на „Пежото“ бил префрлен во болница. Некои очевидци изјавија дека мажот при влетувањето кон толпата пред барот извикувал „Алах е голем“, но Обвинителството случајот не го третира како терористички напад и против возачот е покрената истрага за обид за убиство.