Нинослав Јовановиќ – Kurir.mk

Почина монструмот кој го потресе цел Балкан: „Малчанскиот бербер“ беше осуден на доживотен затвор – ова се неговите ужасни дела

Ивана Ефремовски — Fri, 08 Jul 2022 07:49:58 +0000

Нинослав Јовановиќ, осуден на доживотен затвор за киднапирање и силување на дванаесетгодишно девојче од Ниш, почина вчера во Општата болница на Казнено поправниот дом во Пожаревац, објавија медиумите. Според „Телеграф“, Јовановиќ, кој во медиумите беше означен како „Малчанскиот бербер“, наводно „го издало срцето“. Јовановиќ на 5 август минатата година беше законски осуден на доживотен затвор за киднапирање и продолжено кривично дело силување. Тоа е првата казна доживотен затвор пропишана со „Законот на Тијана“, кој беше донесен во 2019 година. На 20-ти декември 2020 година, Јовановиќ киднапираше девојче во населбата Брзи Брод во Ниш на пат кон училиште, со измама во автомобил, претставувајќи се како нов школски мајстор кому требаше да му го покаже патот до училиштето. Заедно со неа поминал девет дена во селата околу Ниш и Књажевац, а потоа ја оставил во напуштена викендичка во селото Пасјача, каде што била пронајдена, додека продолжи со бегството. Тој беше уапсен во јануари минатата година, по 17-дневна полициска и воена потера. Тој веќе беш осуден за силување жена и девојка (1995), киднапирање две и силување девојка (2005) и испраќање нејасни пораки до жени на својот Фејсбук профил (2018), за што помина 22 години во затвор.

Доживотен затвор за „малчанскиот берберин“ кој ја киднапираше и злоставуваше малата Моника

Ивона Петрова — Tue, 05 Jan 2021 11:15:36 +0000

Нинослав Јовановиќ, попознат како Малчански берберин, осуден е денес во Високиот суд во Ниш на првостепена казна доживотен затвор заради злоставување на малолетно девојче од Брзи Брод, јави допсиникот на МИА од Белград. Постапката беше затворена за јавноста поради заштита на интересите на малолетничката. Јовановиќ го доби прекарот Малчански берберин според неговата потреба да им ги шиша главите на жртвите пред да ги силува. За истото дело поминал повеќе од 20 години од својот живот во затвор. Во образложението на пресудата се вели дека тој бил свесен што прави и дека и нанел тешки телесни повреди на девојчето. Јовановиќ беше обвинет во декември 2019 година за киднапирање и десетодневно злоставување на девојче. Пресудата беше изречена точно на годишнината од денот кога Јовановиќ беше уапсен на гробиштата во селото Малча, по потера во која учествуваа околу 800 полицајци, жандарми и граѓани. Дванаесетгодишното девојче тој ја киднапираше на 20 декември 2019 година во Брзи Брод, крај Ниш, на пат кон училиштето, а девојчето е пронајдено на 29 декември во селото Пасјача.

Се криел на гробишта: По 16 дена, конечно уапсен монструмот кој ја киднапираше малата Моника- еве за што бил претходно осудуван

Катерина Бојаџиева — Sun, 05 Jan 2020 16:52:36 +0000

Во Србија е уапсен Нинослав Јовановиќ, познат како „Малчанскиот берберин“, кој е осомничен за киднапирање на малата Моника Каримановиќ, потврдија во Вишото јавно обвинителство во Ниш. Потрагата по Јовановиќ траеше од 20 декември, кога ја киднапираше и ја злоупотребуваше Каримановиќ (12) во селото Суви До. Во меѓувреме, таа беше пронајдена во село Јасеновиќ, по 10-дневна потрага, јави дописникот на МИА од Белград. Јовановиќ е уапсен од полицијата, по пријава, на Малчанските гробишта, каде се криел деновиве. Тој беше уапсен во средината на октомври 2018 година под сомнение дека преку апликацијата месинџер испраќал пораки до повеќе женски лица, каде барал од нив да му достават скратена коса или да ги шиша во замена за паричен надомест. „Малчанскиот берберин“ претходно беше осуден на 12 години затвор за шишање и силување 12-годишно девојче, а во 90-тите години исто беше осуден за силување на 10 години затвор. Јовановиќ по издржувањето на казната беше ослободен на 18 март оваа година. Во моментов во Србија има запишано 306 лица во Регистарот на педофили. Тоа се лица кои се конечно осудени за некое од кривичните дела против сексуалната слобода врз малолетни лица, на кои се применува „Законот на Марија“, донесен во 2013 година.

ФОТО: Куќата на ужасот – Во оваа соба била држена киднапираната Моника (12)

Ивона Петрова — Mon, 30 Dec 2019 11:03:52 +0000

Дванаесетгодишната Моника Каримановиќ која беше киднапирана, синоќа по 10 дена потрага беше спасена од рацете на педофил и силувач. Нинослав Јовановиќ најверојатно во четвртокот на сила ја донел Моника до селото Пасјача и заедно со неа се затворил во една куќа. Сопственикот на истата забележал дека има некој внатре, по што повикал полиција. Киднаперот избегал пред да биде фатен, а девојчето спасено. Српските медиуми сега објавуваат фотографии од собата во која престојувала малата Моника.