нисан – Kurir.mk

Сите нови европски модели на „Нисан“ ќе бидат целосно електрични

Тале Кристо — Tue, 26 Sep 2023 11:09:00 +0000

Автопроизводителот „Нисан мотор ко“ објави дека сите негови нови модели за пазарот на Европа ќе бидат целосно електрични и оти во иднина се планираат само електрични возила (ЕВ) на „Стариот Континент“ до 2030 година. Јапонскиот производител на автомобили соопшти дека еден од двата нови модели на електромобили што веќе ги потврди за Западот ќе биде произведен во неговата фабрика во Сандерленд, Англија. - Сега нема враќање назад. Сите нови модели на „Нисан“ за во Европа отсега ќе бидат целосно електрични, изјави извршниот директор на Ниссан, Макото Учида. Производителите на автомобили се жалат дека непочитувањето на „правилата за потекло“ утврдени во договорот за „Брегзит“ меѓу Велика Британија и Европската Унија може да доведе до царини од 10 отсто за електричните возила со коишто се тргува меѓу блокот и Велика Британија уште во јануари. Од друга страна, претседателот на „Нисан“ за Африка, Блискиот Исток, Индија, Европа и Океанија, Гијом Картие изјави дека електромобилите произведени во Сандерленд ќе ги исполнуваат тие правила. Колин Вокер, шеф за транспорт во Единицата за информации за енергијата и климата (ЕЦИУ), истакна дека регулаторната сигурност е клучен елемент за компаниите да одлучат каде да произведуваат електрични возила. Одлуката на „Нисан“, според него, се заснова на јасното сознание дека европскиот и британскиот пазар се префрлаат на електрични возила, и тоа прилиочно брзо.

Фото: Нисан „GT-R50“ чини скоро милион евра

Ристе Здравков — Wed, 20 May 2020 17:37:16 +0000

Овој ексклузивен спортски автомобил доаѓа во ограничена сетија од вкупно 50 примероци. Нисан „GT-R50 by Italdesign “ дебитираше како концептен прототип во 2018 година. Автомобилот е настанат во чест на два јубилеја- 50ти роденден на легендата на Нисан, моделот „GT-R“ и половина век од постоењето на фирмата „Italdesign“. Автомобилот првобитно требало да биде прикажан пред публиката на саемот во Женева, на почетокот на март, но премиерата е одложена по откаќувањето на оваа манифестација. Два и пол месеци подоцна, Нисан ги објави фотографиите и техничките детали од ова прекрасно возило. Нисан „„GT-R50 by Italdesign “ е базиран на моделот „GT-R Nismo“, што значи дека во себе носи рачно направен 3.8 литарски твин турбо „V6“ мотор кој е унапреден во работилниците на „Nismo“ одделението. Моторот испорачува 720 коњски сили. Податоци за перформансите за сега не се достапни. Серијата е лимитирана на 50 примероци, што на овој модел му дава посебен ексклузивитет, но и ја условува неговата висока цена од дури 990.000 евра. Тоа е пет пати повеќе од сумата која е потребна за да се изработи регуларен Нисан „GT-R Nismo“. Среќните сопственици првите примероци ќе ги добијат на крајот на 2020 или почетокот на 2021 година.

Нисан отпушта над 10.000 работници

Ивана Ефремовски — Wed, 24 Jul 2019 10:36:30 +0000

Јапонскиот производител на автомобили, Нисан Мотор Ко ЛТД има намера да отпушти повеќе од 10.000 вработени во своите фабрики ширум светот, открива неименуван познавач на состојбите во фирмата. Од Нисан одбија да ги коментираат наводите, меѓутоа се претпоставува дека планот за отпуштања, како и финансиските резултати на компанијата, ќе бидат претставени утре. Горенаведената бројка изнесува седум отсто од вкупната работна сила на Нисан, а отпуштањата се очекуваат во земјите со ниска стапка на искористеност. Нисан во мај прогнозираше 28-отстотен пад на годишните оперативни добивки, што заедно со ланскиот пад, чинат вкупен пад од 45 отсто. Рено поседува 43 отсто акции во Нисан. (МИА)