ниш – Kurir.mk

ВИДЕО: Фудбалски „балон“ одлетува како да е хартија во Ниш, децата избегале

Ивона Петрова — Thu, 20 Jul 2023 09:15:41 +0000

За само 3 часа силна супер бура ги зафати речиси сите делови на Србија. По разорните налети на ветрот што прво ја погодија Сремска Митровица и западниот дел на земјата, налетите на силниот ветер стигнаа до Ниш. Неверојатна снимка од вториот по големина српски град прикажува фудбалски „балон“ како се распарчува како хартија од ветровите. За среќа, децата кои биле внатре навреме избегале и се засолниле.

View this post on Instagram

A post shared by 192.RS (@192_rs)

Хорор во Србија: Маж си го убил братот со секира

Ивана Ефремовски — Fri, 07 Apr 2023 17:33:16 +0000

Страшно злосторство се случи денеска во Ниш, каде маж си го уби братот. Влада В.(47) со секира го убил Бобан В.(52). Хоророт се случил во семејната куќа, а Влада по кратка расправија ја повлече секирата. -Се сомничи дека денеска по кратка расправија во семејната куќа во Ниш со секира го убил својот педесет и двегодишен брат, соопшти полицијата. На осомничениот му е одреден притвор до 48 часа и со кривична пријава ќе биде изведен пред виш јавен обвинител во Ниш.

Хирурзите во Ниш со херојски подвиг, еве што направиле за пациентите да не чекаат на листа за операција

Ивана Ефремовски — Fri, 24 Feb 2023 17:57:41 +0000

Хирурзите од нишката Клиника за кардиохирургија извеле 22 операции за три дена и кажаа дека продолжуваат со зафатите и преку викенд без да бараат финансиски надомест за тоа. Тие додаваат дека работат со забрзано темпо за да се намали листата на чекање за операција, бидејќи на некои пациенти им е потребна итна интервенција. -И овој викенд, петти по ред, го поминавме работно, оперирајќи ги пациентите од листата на чекање. Првпат го правевме тоа во две операциони сали, па од петокот до неделата извршивме дури 22 операции. Сите оперирани пациенти се добро и без компликации, изјави директорот на клиниката Драган Милиќ. Тој додаде дека од почетокот на годината направиле 101 операција, додека во истиот период лани нивниот број бил 36.

ВОЗ ВО НИШ УДРИЛ ВО МЛАДО МОМЧЕ: Малолетникот носел слушалки и не го слушнал возот

Магдалена Андонова — Tue, 08 Nov 2022 09:27:04 +0000

Воз удри 15-годишно момче од Ниш на шините во улицата Димитрија Туцовиќа. - Во Ургентниот центар на Универзитетскиот клинички центар (УКЦ) е донесен малолетник со стабилни витални параметри. Повредениот млад човек е свесен и комуникативен, соопшти УКЦ. Оттаму додаваат дека повредениот млад човек е испратен на скенер за понатамошна дијагностика. Според неофицијални информации, оваа несреќа се случила бидејќи младиот човек имал слушалки и не го слушнал возот. Полициското одделение во Ниш се уште не соопштува детали за оваа тешка сообраќајна несреќа,пренесуваат српските медиуми.

Претставата „Црнила Ремикс“ на меѓународна сцена

Тале Кристо — Thu, 04 Aug 2022 06:26:46 +0000

Театарски хип-хоп проект на МКЦ Скопје – „Црнила Ремикс“ е дел од официјалната селекција на Меѓународниот џез театарски фестивал „Нишвил“, кој од 5 до 9 август ќе се одржи во Ниш, Србија, на сцените во Нишката тврдина. Во рамки на популарниот „Нишвил џез фестивал“ од 2017 година како посебна програмска целина постои Меѓународниот џез театарски фестивал „Нишвил“, на кој оваа година ќе бидат прикажани продукции од Франција, Швајцарија, Србија, САД, Хрватска, Бугарија и Македонија. Програмската селекција на овој фестивал е базирана на продукции кои ја користат музиката како еден од главните драмски елементи во креирање на самата претства, а целата програма се прикажува исклучиво на отворени сцени низ градот. -Ќе погледнеме од многу мали трупи како француската Les Nouveaux Ballets du Nord-Pas de Calais од Лил која ги комбинира техниките на театар, кукларство и танц, или пак хрватската трупа CIrk од Загреб која спојува театар, филм, циркус и визуелни уметности, или вашата Црнила Ремикс која ни доаѓа како претстава-концерт. Тука се и најдолговечните Мимарт театар (1984) - танцов и физички театар, и Дах театар (1991) - лабораториски театар поврзан со работата на Јержиј Гротовски и Еуџенио Барба, па се до светски познатата театарска трупа ЛаМама од Њујорк (1961) која ја негува работата на експерименталниот театар, потенцираше Маја Митиќ, уметнички директор и селектор на Нишвил меѓународен џез театар фестивал. Со гостувањата на фестивалот Егзит во Нови Сад и клубот Мочвара во Загреб во 2019 година „Црнила Ремикс“ ги започна своите меѓународни активности, а проектот беше дел и од хибридната меѓунардона програмска соработка реализирана за време на пандемијата во 2020 година меѓу МКЦ Скопје и Кино Шишка од Љубљана - Cross Stream. За потсетување, „Црнила Ремикс“ е урбано читање на класичното дело на Коле Чашуле, работено по идеја и режија на Јордан Симонов, со оригинален препев и музика на Дарко Димитриески и Павле Димковски од колективот Зад Аголот. Членови на Организацијата се: Стефан Вујисиќ, Александар Михајловски Хонда, Владимир Петровиќ, Горан Ников, Ненад Анѓелковиќ, Сања Арсовска и Павле Димковски. Оваа музичко - драмска продукција имаше свои премиери во 2019 година на меѓународниот театарскиот фестивал МОТ и музичкиот фестивал Здраво млади, а покрај театарска и концертна верзија, овој проект во 2020 го доби и својот трет формат - аудио запис на винил.

Пожар избувна во стан во Ниш, едно лице го загуби животот

Магдалена Андонова — Sat, 23 Jul 2022 09:14:34 +0000

Едно лице загина во пожар што синоќа избувна во стан на последниот кат од станбена зграда во населбата Пантелеј во Ниш, потврди нишката полиција. Како што јави РТС, пожарот не се проширил на останатите станови, а пожарникарите го локализирале во раните утрински часови. Според првичните информации, во моментот на пожарот во станот немало други лица.

View this post on Instagram

A post shared by 192.RS (@192_rs)

Засега не е познато што го предизвикало пожарот.

Србија: Полицијата откри кој испратил дојава за бомби во Белград и Ниш

Магдалена Андонова — Mon, 18 Apr 2022 17:55:28 +0000

Во текот на денешниот ден четири трговски центри беа евакуирани поради тоа што пристигнаа дојави за бомби, а тие биле испратени од „Протонмејл“. Од истата мејл адреса биле испратени пораки до трговските центри во Белград и Ниш, кои беа евакуирани. Полицијата во соработка со Обвинителството за високотехнолошки криминал работат на решавање на случајот.

View this post on Instagram

A post shared by SERBIA LIVE - BEOGRAD (@serbialive_beograd)

ЕВАКУИРАНИ ТРГОВСКИ ЦЕНТРИ ВО БЕЛГРАД И НИШ: Добиле анонимни дојави за бомба

Магдалена Андонова — Mon, 18 Apr 2022 15:16:44 +0000

Трговските центри „Галерија“, „Меркатор“ и „Рајичева“ во Белград и „Делта планет“ во Ниш денеска се евакуирани поради дојава за бомба, јави дописникот на МИА од Белград. Контрадиверзантските екипи се во трговските центри „Галерија“-(Белград на вода), „Меркатор“ (Нов Белград) и „Рајичева“ (најстрогиот центар на Белград), изјавија во Министерството за внатрешни работи. Исто така, околу 14 часот нишката полиција добила анонимна дојава дека во трговскиот центар „Делта планет“ била поставена бомба. Трговскиот центар бил веднаш евакуиран. Во тек се увиди на објектите. Украинското Министерство за надворешни работи денеска ги демантираше наводите за вмешаност на Киев во лажните закани со бомби на патничките летови од Белград до Москва по синќешната изјава на претседателот Александар Вучиќ за наводната вмешаност на Украина и една земја на ЕУ во заканите со бомби на авионите кои летаат од Србија за Русија Портпаролот на министерството Олег Николенко за Укринформ изјави дека станува збор за „неосновани обвинувања“. Николенко изјави дека изјавите на претседателот Вучиќ за наводната вмешаност на Украина во заканите со бомби на авионите кои летаат од Србија за Русија се „неточни“ и дека е разочаран што Србија сè уште не се приклучила на санкциите на Европската унија против Русија. -Војната можеме да ја завршиме со санкции и преку единство на демократскиот свет. Го повикуваме Белград да застане во одбрана на вистината и целосно да ја поддржи Украина и вредностите на кои се заснова обединета демократска Европа, порача Николенко

Шестмина ученици отруени со брза храна во Ниш

Магдалена Андонова — Thu, 31 Mar 2022 11:57:03 +0000

Шест средношколци од Ниш се отруле со храна купена во објект за продажба на брза храна кој се наоѓал во непосредна близина на комплексот во кои се Економското, Угостителското и Трговското училиште, дознава агенцијата Бета во Брзата помош. Петте екипи на Брзата помош ги пренеле во Детската интерна клиника на дополнителни прегледи и лекување. Од таа здравствена установа изјавиле дека интервенирале нивни две екипи и дека се уште се на терен, во случај уште некое дете да не се чуствува добро. - Се сомневаме на труење со храна затоа што учениците пола час или час откако ја изеле храната од тој објект почнале да се жалат на мачнина и повраќање, изјавиле од Брзата помош, пренесуваат српските медиуми. Тие исто така навеле дека пет деца се згрижени во Детската интерна клиника, а едно е пуштено на домашно лекување. Директорот на Економското училиште за агенцијата Бета изјавил дека учениците по големиот одмор и ужината се пожалиле на мачнина и поради тоа училиштето повикало Брза помош. Тој додал дека меѓу шесте ученици кои се затруле од храна има и ученици од сите три училишта.

ГОЛЕМО НЕВРЕМЕ ВО НИШ: Паѓаше град со големина на орев (ВИДЕО)

Тале Кристо — Thu, 15 Jul 2021 18:50:15 +0000

Силно невреме денес го погоди Ниш, покрај дожд, паѓал и град со големина на орев. Републичкиот хидрометеоролошки завод (РХМЗ) претходно предупреди на силни дождови, грмотевици и град. Како што дознава Танјуг, во зградата во која се одржува музичкиот фестивал „Нишвил“ се поплавени подрумските простории. Неколку улици се поплавени и во општината Палилула, каде според зборовите на граѓаните, до некои куќи не е можно да се пристапи поради големите количини на вода. Како што е наведено на сајтот на РХМЗ, облачноста со силни дождови, грмотевици, град и силен ветер се движи кон Пирот, пишува „Б92“.

A posle vrelog dana...#nevreme #grad #Niš #oluja pic.twitter.com/yNaiOXHrTR
— Vlada Stamenkovic (@Vlada222) July 15, 2021

Nis trenutno... pic.twitter.com/Z6mInE3ZAL
— BratkoBugarin (@Slogiranakokos1) July 15, 2021