нива – Kurir.mk

Приведен жител на Џепчиште, еве што најде полицијата во неговата нива

Ивана Ефремовски — Mon, 19 Sep 2022 12:40:58 +0000

На 18.09.2022 околу 08:00 часот на нива во атарот на тетовски Требош, во месно викано „Капашница“, сопственост на 52-годишен жител на тетовско Џепчиште, полициски службеници на СВР Тетово пронашле 50-70 стебла канабис. Извршен бил увид, стеблата се подигнати за вештачење и се расчистува и документира случајот.

Запалиле оган на нива, па предизвикале пожар во Дебар

Ивана Ефремовски — Tue, 10 Aug 2021 14:44:46 +0000

На 09.08.2021 во 19:35 часот во ОВР Дебар било пријавено дека настанал пожар на нива-стрниште во атарот на селото Аме. Полициски службеници излегле на местото и ги затекнале А.Ш.(47) и З.К.(37), двајцата од истото село, кои појасниле дека при чистење на нивата, сопственост на нивниот соселанец Л.Џ., запалиле оган. Со интервенција на Територијалната противпожарна единица од Дебар пожарот бил целосно изгаснат. По целосно документирање на случајот, против нив ОВР Дебар ќе поднесе соодветна пријава.

При вршење на земјоделски работи на неговата нива пронашол две стари неексплодирани артилериски гранати – еве за што се работи

Магдалена Андонова — Sun, 11 Apr 2021 14:26:49 +0000

На 10.04.2021 во 16.30 часот во СВР Куманово, Б.С.(46) од с.Агино село, кумановско, пријавил дека при вршење земјоделски работи на негова нива во место викано „Прогон“, во атар на Агино село, пронашол две стари неексплодирани артилериски гранати 75 мм од Втората светска војна. Увид извршила увидна екипа од СВР Куманово, а гранатите се безбедно подигнати од пиротехничар од Дирекцијата за заштита и спасување и предадени за понатамошна постапка.

Во нива во струшко најдена муниција, гранати и ракетни фрлачи

Магдалена Андонова — Thu, 20 Aug 2020 17:29:52 +0000

Во нива меѓу струшките села Франгово и Калишта полицијата нашла муниција, гранати и ракетни фрлачи. Оружјето било најдено денеска околу пладне по претходни оперативни сознанија. -Во координација со обвинителството работиме на расчистување на случајот, велат од МВР. Детали за акцијата се најавуваат за подоцна.

70 годишен кочанец пукал во сограѓанин, се скарале за наводнување нива

Ивона Петрова — Fri, 31 Jul 2020 09:33:14 +0000

Полицијата вчера вечерта го уапсила А.Д.(70) од Кочани, по добиена пријава од Итна медицинска помош од Кочани. -Околу 19.00 часот, на место викано „Горно Подлошко“, во атар на с.Тркање, кочанско, по претходно нарушен јавен ред и мир околу наводнување на нива, А.Д. со пиштол пукал кон С.И.(49) од Кочани, по чие кажување бил погоден во стапалото, а потоа бил и физички нападнат од него. С.И. се здобил со тешки телесни повреди констатирани во Медицинскиот центар во Кочани, информираат од МВР. Полициски службеници од А.Д. одзеле пиштол „Застава М70“ кал.7,65мм, празна рамка, куршум и лопата. За настанот е известен Јавен обвинител, а увид извршила екипа од Полициска станица Кочани. Се преземаат мерки за расчистување на случајот.

ВИДЕО: Начекал невеста со 20 мажи во неговата нива во Војводина

Магдалена Андонова — Thu, 09 Jul 2020 09:00:56 +0000

Девојка во венчаница и дваесетина голи мажи начекал еден земјоделец во Војводина, работејќи на својата нива. Снимката која ја направил за кратко време се раширила по социјалните мрежи и стана хит во регионот. Што е белграѓани, дојдовте овде да се снимате? Сиктер!, им порача тој.

Da li je ovo (nad)realno? ??? pic.twitter.com/6GYklYRjJQ
— Toda *~40%* (@lupamcvrge) July 2, 2020

Пожар во скопско, маж фатен на дело како пали нива

Ивана Ефремовски — Fri, 27 Dec 2019 16:11:02 +0000

На 26.12.2019 во 14:09 часот во СВР Скопје било пријавено дека настанал пожар во нива во с.Петровец, скопско. Подоцна, пожарот се проширил во дворното место на И.Ј.(29) од с.Ржаничино. Според изјава на очевидци, околу 13:40 часот бил забележан З.М.(56) од с.Ржаничино дека го предизвикал пожарот. По документирање на случајот ќе следува соодветен поднесок.

Жители на Шемшово нападнати од соселанец поради нива

Ивона Петрова — Thu, 24 Oct 2019 09:15:14 +0000

С.Ј.(62) и Ќ.Ќ.(68) од тетовското село Шемшово вчера пријавиле дека околу 16 часот на нива во месноста „Вардариште“ физички биле нападнати од 65-годишниот Е.Ј. од истото село, со кого подолго време имале нарушени односи околу сопственоста на нивата, информира Марјан Јосифоски, портпарол на СВР Тетово. Подоцна, Е.Ј. самиот се пријавил во Полициското одделение Јегуновце. Се преземаат мерки за расчистување на случајот.

Новак Ѓоковиќ не се срами од работа- ги засука ракавите и откопуваше компири, па си ја наполни вреќата за дома (ФОТО)

Дарко Андоновски — Wed, 18 Sep 2019 17:04:43 +0000

Светски познатиот тенисер Новак Ѓоковиќ на својот Фејсбук профил сподели фотографии кои изненади многумина фанови ширум светот. Имено тие не ни можат да замислат дека тенисерот би се нашол на нива и би работел со земјоделие, иако тој тоа го обожува и е горд што потекнува од таква земја. Имено тој сподели фотографии од една нива во местото Брзеќ каде собирал компири заедно со жителите. Тој им се заблагодари на сите за ова убаво искуство во родниот крај, а за возврат за неговата помош добил и вреќа компири, погледнете.

Гостиварец измамен: Продавач му наплатил 54 илјади евра за туѓа нива

Дарко Андоновски — Tue, 17 Sep 2019 15:07:27 +0000

Надворешната канцеларија за криминалистички работи Гостивар поднесе кривична пријава против А.С. (44) од с. Добри Дол, гостиварско, поради постоење основи на сомнение за сторено кривично дело ,,измама“. Во текот на 2018 до август 2019, пријавениот, на С.Ф. (53) од с. Добридол, кој живеел во САД, му понудил за продажба нива во туѓа сопственост. Притоа, тие склучиле договор за купопродажба, за што С.Ф. на пријавениот му исплатил 54.500 евра.