ниво на реки – Kurir.mk

Зголемени нивоата на повеќе реки, дел се уште под јунскиот просек

Дарко Андоновски — Mon, 14 Jun 2021 09:12:06 +0000

Нивоата на реките Вардар кај Јегуновце и Демир Капија, Треска кај Македонски Брод, Пчиња кај Катлановска Бања, Бабуна кај Богомила, Струмица кај Сушево и Ново Село, кај кои денеска се извршени хидролошки мерења, покажуваат вредности повисоки од просекот за јуни. Како што информира Управата за хидрометеоролошки работи, пониски нивоа од просекот имаат реките Вардар кај Скопје ЖМ, кај Велес, Лепенец кај Скопје, Пчиња кај Пелинце, Крива Река кај Крива Паланка, Црна Река кај Новаци и Р.Б. Мост и Црн Дрим кај Ложани. Повисок водостој е измерен на Дојранското Езеро.

Нивото на реките под просекот за месец мај

Магдалена Андонова — Mon, 17 May 2021 09:15:59 +0000

Нивото на најголем дел од реките во земјава денеска е под просекот за месец мај. Измереното ниво на реката Вардар кај Јегуновце изнесува 94 сантиметар, а мајскиот просек е 116 сантиметри. Нивото на Вардар на мерно место кај Скопје е 97 сантиметри, што е за десеттина сантиметри под просекот за овој месец, кој изнесува 115 сантиметри. Нивото на реката Вардар на мерното место кај Демир Капија е 136 сантиметри, што е за дваесеттина сантиметри пониско од просекот за мај. Големо намалување на нивото на водата бележи и реката Црн Дрим кај мерно место во Ложани и изнесува 60 сантиметри. На ова мерно место просекот во мај е 149 сантиметри. Што се однесува на нивоата на водата во езерата во земјава, мало отстапување од мајскиот просек се бележи кај Преспанското Езеро со 842,65 мнм, а просекот за овој месец е 844,26 мнм. Ниво повисоко од просечното има Дојранското Езеро со 147,18 мнм, а просекот за мај е 144,39 мнм. Охридското Езеро е во рамки на мајскиот просек. (МИА)

Нивоата на повеќето реки се над просекот за јануари

Магдалена Андонова — Thu, 21 Jan 2021 10:07:59 +0000

Нивоата на повеќето реки во земјава се над просекот за јануари, но дел се со пониски водостои, покажуваат денешните хидролошки мерења. Лепенец кај Скопје покажува двојно намалување на нивото, додека Бабуба кај Богомила е речиси двојно покачена. Според УХМР, водостојот на Преспанското езеро за 34 сантиметри го има надминато апсолутниот минимум. (МИА)

Нивоата на реките, Охридското и Преспанското езеро под ноемврискиот просек

Магдалена Андонова — Mon, 23 Nov 2020 09:49:23 +0000

Под просекот за ноември се нивоата на Охридското и Преспанското езеро, како и на сите реки кај кои денеска се извршени хидролошки мерења. Како што информира УХМР, драстичен пад и натаму бележат Вардар кај Јегуновце и Велес, Треска кај Македонски Брод и Сатеска кај Ботун. Преполовени се водостоите на Црна Река, Струмица, Крива Река и Лепенец. (МИА)

Нивоата на реките под и околу октомврискиот просек

Магдалена Андонова — Thu, 29 Oct 2020 09:52:52 +0000

Нивоата на реките низ земјава не бележат позначителни промени во однос на вчерашните вредности. Како што покажуваат денешните хидролошки мерења, и натаму нивото на Вардар кај Јегуновце е драстично намалено во однос на просекот за октомври. Пониски од октомврискиот просек се водостоите на Сатеска кај Ботун, Треска кај Македонски Брод, Вардар кај Демир Капија, Лепенец кај Скопје, Струмица кај Ново Село и Црна Река кај Новаци. И состојбата со езерата, Охридското, Преспанското и Дојранското, не бележи поголеми промени од вчера. (MИА)

Под просек повеќето реки во Македонија за месец јули

Тале Кристо — Fri, 10 Jul 2020 12:06:17 +0000

Нивоата на повеќето реки во земјава се под просекот за јули, покажуваат денешните хидролошки мерења. Водостојот на Црн Дрим кај Ложани е три пати понизок, а преполовени се Вардар кај Јегуновце и кај Велес, Треска кај Македонски Брод, Лепенец кај Скопје, Крива Река кај Крива Паланка, Сатеска кај Ботун и Црна кај Новаци. Над просекот, со двојно зголемување, е Бабуна кај Богомила. Состојбата кај езерата е без поголеми промени. (МИА)

Нивоата на реките во рамки на јунскиот просек

Дарко Андоновски — Wed, 26 Jun 2019 09:40:06 +0000

Нивоата на повеќето реки во земјава се во рамки на просекот за јуни, покажуваат денешните хидролошки мерења. Според УХМР, исклучок прават реката Вардар кај Демир Капија, Пчиња кај Катлановска Бања и Струмица кај Ново Село, каде нивото на водата е над просекот за овој месец. Водостоите на Охридското, Преспанското и Дојранското Езеро не отстапуваат значително.

Нивото на реките над просекот за септември

Катерина Бојаџиева — Thu, 20 Sep 2018 08:32:11 +0000

Нивото на реката Вардар е над просекот за септември кај Демир Капија, Велес, Јегуновце и Зајчев рид во Скопје. УХМР евидентира зголемено нивото и на Црна Река кај Новаци и на Црни Дрим кај Ложани. Според денешните хидролошки мерења на УХМР, намалувања на нивото на водата има на реката Вардар кај Јегуновце и на Пчиња кај Катлановска Бања. Кај природните езера е евидентирано мало зголемување на водостојот над договорената квота. Измерената температура на водата на Охридското Езеро е 21 степен, на Преспанското Езеро е 19,5 степени, а на Дојранското Езеро 22,2 степени.

Нивото на реките над просекот за септември

Катерина Бојаџиева — Mon, 03 Sep 2018 10:00:17 +0000

Нивото на реката Вардар е над просекот за септември кај Јегуновце, Скопје и Велес, додека реката Пчиња кај Катлановска Бања е речиси двојно под просекот за септември. Вардар кај Јегуновце покажува двојно покачување, додека кај Велес е само на два сантиметри над просекот за септември. Според денешните хидролошки мерења на УХМР, зголемувања на водостоите се измерени и на Треска кај Македонски Брод, на Брегалница кај Штип, на Црна Река кај Новаци и Црн Дрим кај Ложани. УХМР евидентира и намалувања, на Крива Река кај Крива Паланка и на Брегалница кај Берово. Кај сите природни езера е евидентиран зголемен водостој над договорената квота. Измерената температура на водата на Охридското и Преспанското Езеро е 23,5 степени, а на Дојранското Езеро 27,4 степени.

Mожни излевања: Поројните врнежи ќе ги зголемат нивоата на реките

Катерина Бојаџиева — Mon, 19 Mar 2018 14:25:01 +0000

Зголемување на сливните подрачја на Треска, Пчиња и Кумановска, како и на горните делови на Вардар, Радика, Сатеска, Црн Дрим и Голема (Ресенска), но и покачување на нивото на природните езера, особено на Охридското кое денеска е пет сантиметри над дозволениот максимум, очекува УХМР од врнежите што се најавуваат за попладневните и вечерните часови. Доколку на одредени места процесите локално бидат поинтензивни и врнежите бидат пообилни, можни се локални излевања на Треска кај Пласница, на Кумановска и во горниот дел од сливот на Вардар и Црна. Според прогнозите на синоптичарите, на некои места се очекува да наврнат над 20 литри на метар квадратен, додека на планинските места се очекува врнежите да бидат во вид на снег. - Водостоите на реките во западниот дел на земјата се релативно високи, особено во сливот на Треска, Радика и горниот дел на Вардар. Предупредуваме на претпазливо следење на состојбата и внимателно движење покрај реките и суводолиците, велат од УХМР.