Критично нивото на водата во Скадарско Езеро

Дарко Андоновски — Thu, 11 Feb 2021 15:29:58 +0000

По поројните дождови кои ја зафатија Црна Гора во изминатите денови, во неколку места на брегот на Скадарско Езеро ситуацијата е критична, бидејќи водостојот се зголемува и вода почнала да влегува во објектите. Жителите, иако не се соочуваат првпат со слични проблеми, се многу загрижени, бидејќи доколку продолжат врнежите, водата ќе им причини сериозни штети. Тие стравуваат дека би можело да се повтори сценариото од 2010 година, кога Црна Гора ја зафатија налошите поплави во поновата историја. – Не можете да замислите како ја минавме ноќта. Цела ноќ ветер, дожд, вода. Тоа е хаос, се е поплавено, изјави жител на Врањина. Според неговата проценка, недостасуваат уште половина метар за да влезе водата во куќите, а надлежните органи се уште не реагираат.

Трипуновски: Нивото на водата во Мавровското езеро е паднато за 22 метри, Зоран Заев направи пустош

Магдалена Андонова — Tue, 17 Nov 2020 11:39:32 +0000

Зоран Заев и СДСМ направија пустош со акумулациите ширум Република Македонија. Ова зад нас е Мавровското езеро, но фактичката состојба повеќе наликува на бара, отколку на езеро, изјави Цветан Трипуновски од ВМРО-ДПМНЕ. - Нивото на водата во последните неколку месеци е драстично опаднато, и во моментов Мавровското езеро се наоѓа на 22 метри под максималната кота и е на само 4 метри од минималната кота. Ова е вистинска катастрофа. Пресушеното езеро е резултат на прекумерното и расипничко располагање со водата за производство на струја. Владата и раководството на АД ЕЛЕМ за да покаже дека нешто сработиле прекумерно произведуваше струја од хидроакумулациите и со тоа го доведе под знак прашање опстанокот на езерата во Република Македонија. Ниту владата, ниту раководството на АД ЕЛЕМ не зема во обзир дека Мавровското езеро е езеро и за рекреативни цели и истото привлекува голем број на туристи, како во зимскиот, така и во летниот период. Ниту владата, ниту раководството на АД ЕЛЕМ не земаа ни во предвид дека со наглото празнење на хидроакумулациите се доведува под знак прашање и целиот биодиверзитет, вели тој. - Трката за брз профит и желба да покажат наводен успех во производството на струја, сега резултира со пресушени езера, но и поскап увоз на електрична енергија. Пред нас е зимски период, потрошувачката на струја ќе се зголеми, а со тоа и увозот, така да владата не само што не решила ниту еден проблем, туку создала два нови.Кога Зоран Заев е премиер епилогот е пустош, посочи Трипуновски.

ниво на вода – Kurir.mk

Критично нивото на водата во Скадарско Езеро

Трипуновски: Нивото на водата во Мавровското езеро е паднато за 22 метри, Зоран Заев направи пустош