њу јорк – Kurir.mk

Хаос во Њујорк: Напаѓач на скутер пукал во луѓе, има мртви

Ристе Здравков — Sun, 09 Jul 2023 11:34:45 +0000

Едно лице загина, а три други се ранети во повеќе престрелки во Бруклин и Квинс, области на Њујорк Сити во САД, за кои полицијата верува дека се случајни. Вооружен маж кој возел скутер без регистарски таблички отворил оган во саботата на пет различни локации во Џамејка, населба во Квинс, и во Бруклин, соопшти њујоршката полиција. Приведен е 25-годишен маж кај кого е пронајден пиштол калибар 9 милиметри со продолжена рамка, се вели во соопштението на полицијата. „Не го знаеме мотивот. Во овој момент, врз основа на видео снимката што ја имаме, веруваме дека тој не целел никого, не следел никого. Додека го вози својот скутер, тој пука во луѓе“, рече службеник на полицијата. На снимката што ја има полицијата, се гледа како осомничениот со скутер ѝ приоѓа на жртвата одзади и пука еден истрел. Потоа, 17 минути подоцна, истиот осомничен пукал со пиштол кон 87-годишен маж во Квинс, соопшти полицијата. Жртвата, која беше застрелана во грбот, им подлегна на повредите откако беше пренесена во болница, изјави полициски претставник. Тој додаде дека кога полицијата пристигнала на местото на настанот, дознала за уште едно пукање во кое никој не бил застрелан и дека бројни сведоци пријавиле дека виделе човек како вози скутер и „пука во група луѓе“. Четвртото пукање се случило во 11:35 часот кога 44-годишен маж бил застрелан во образот, хоспитализиран, и е во критична состојба. Неполна минута подоцна, осомничениот застрелал 63-годишен маж во десното рамо. И оваа жртва е хоспитализирана и е во стабилна состојба, соопшти полицијата. Полицијата соопшти дека напаѓачот употребил исто оружје во сите пет инциденти и дека осомничениот кој е уапсен веќе има криминално досие.

Мал авион се урна во Њујорк, едно лице загина (ВИДЕО)

Ристе Здравков — Mon, 06 Mar 2023 08:48:44 +0000

Мал авион се урна во населбата Лонг Ајленд во Њујорк, при што едно лице го загуби животот. Авионот се урнал околу 15 часот по локално време, соопшти полицијата на округот Сафолк. На социјалните мрежи е објавено видео од моментот кога авионот се урива. Во авиониот имало вкупно тројца патници, од кои двајца се повредени и со хеликоптер пренесени на лекување во болницата „Стони Брук“.

New York 🇺🇸A small plane crashed this afternoon in Lindenhurst, in the area of 5th Street and North Wellwood Avenue.
leaving at least one person dead and two others injured. A residence doorbell camera captured the moment when small plane crashed near the Long Island train track pic.twitter.com/7A6kLw1b5z
— Sophia Lambert 🇺🇸 (@DV16FDS5V) March 6, 2023

Во Њујорк рекордно намален бројот на убиства

Ристе Здравков — Fri, 04 Jan 2019 09:04:45 +0000

Во Њујорк во текот на 2018 година се извршени рекордно мал број убиства, соопштија полициските служби. Во најголемиот американски град во 2018 година се регистрирани 289 убиства, што претставува еден отсто помалку од минатата година и е најниското ниво од 50-те години на минатиот век. Бројот на убиства е намален за 45 отсто во последната деценија. Во 1990 година биле извршени 2.245 убиства. По осум отсто зголемување на бројот на убиствата во првата половина од минатата година, Големото јаболко ја заврши 2018 година со рекордно мал број убиства, а во октомври не е регистрирано ниту едно убиство, што не се случило во последните 25 години. Градоначалникот на Њујорк, Бил де Бласио ја пофали полицијата за нивната работа, нагласувајќи дека тие резултати се постигнати и благодарение на „соседската полиција“, која стапи во сила од 2015 година. Оваа политика подразбира поврзаност меѓу луѓето во еден кварт, со цел полесно да се идентификуваат потребите на заедницата и да се изгради доверба.