њу орлеанс – Kurir.mk

Букер ќе го пропушти натпреварот 5 против Њу Орлеанс

Дарко Андоновски — Tue, 26 Apr 2022 09:48:31 +0000

Прес-службата на Феникс санс, објави дека нивниот играч Девин Букер ќе го пропушти натпреварот 5 од плејоф серијата од првото коло против Њу Орлеанс. – Букер е загрижен за тетивата на десната нога. Тој ќе го пропушти трет меч по ред откако на втората средба ја повреди тетивата. Предводникот на Санс се чувствуваше подобро во последните денови, но допрва треба да му биде дозволено да се врати во акција, стои во информацијата на Феникс. Местото на Букер во стартната петорка го зазеде Кам Џонсон, кој оттогаш има само шест реализирани од 19 обиди од поле. Моменталниот резултат во серијата прв до четири победи е 2:2. Петтиот натпревар на кој домаќин е Феникс ќе се игра ноќта вторник кон среда (почеток 4 часот).

НБА: Атланта и Њу Орлеанс последни учесници во плејофот

Ивана Ефремовски — Sat, 16 Apr 2022 09:06:46 +0000

Кошаркарите на Атланта и Њу Орлеанс ги пополнија последните две места во разигрувањето за титулата во НБА лигата, откако и двете екипи синоќа славеа во завршните плеј-ин натпревари, и тоа на гостински терен. Аталанта триумфираше над Кливленд со 107-101 и во првиот круг од плејофот ќе игра против Мајами, најдобрата екипа во регуларниот дел од сезоната во Источната конференција. Њу Орлеанс, пак, во Лос Анџелес ги совлада „Клиперси“ со 105-101 и на стартот од плејофот ќе се соочи со најдобрата екипа на Западот, Феникс. (МИА)

Силно торнадо го погоди Њу Орлеанс

Магдалена Андонова — Wed, 23 Mar 2022 14:34:29 +0000

Спасувачките екипи ги пребараа урнатините во текот на ноќта во Њу Орлеанс, откако торнадо го погоди градот, при што загина најмалку едно лице, уништени се куќи и далноводи. Силното торнадо уништи згради и преврте голем број возила во областа Араби. Шерифот на округот Џејмс Полман изјави дека неколку луѓе се повредени, а едно лице го загубило животот. – Штом малку ќе ја расчистиме областа, ќе испратиме повеќе луѓе да ја пребаруваат, им рече тој на новинарите, додавајќи дека противпожарните екипи спасиле неколку блокирани луѓе. Весникот „Вашингтон пост“ објави дека жртва на торнадото е 26-годишно момче кое спасувачите го пронашле пред куќата. Поголемиот дел од јужна Луизијана сè уште се опоравува од ураганот Ајда, бура од четврта категорија што минатиот август ги уништи руралните заедници дури до јужниот дел на Њу Орлеанс, при што загинаа над 100 луѓе во неколку американски сојузни држави и на Карибите. Њу Орлеанс, со мнозинско афроамериканско население, е познат по џезот и некогаш бил пристаниште за робови. Градот сè уште има последици од ураганот Катрина во 2005 година, една од најсилните бури во американската историја, во која загинаа најмалку 1.800 луѓе.

Во Њу Орлеанс полициски час по ураганот Ида

Ивона Петрова — Wed, 01 Sep 2021 06:32:28 +0000

Во Њу Орлеанс синоќа беше воведен полициски час, два дена откако ураганот Ида го погоди брегот на американската држава Луизијана, и точно 16 години откако ураганот Катрина уби повеќе од 1.800 луѓе. Во Луизијана загинаа најмалку четири лица, а спасувачите почнаа потрага по луѓе кои останаа изолирани по ураганот. Како што се повлекува водата, се гледа штета долж брегот на Мексиканскиот Залив во САД. Градоначалничката на Њу Орлеанс, ЛаТОја Кантрел, изјави дека воведува полициски час во градот, во кој одредени делови сè уште немаат електрична енергија. Ида, која сега е тропска бура, се движи кон долините на Тенеси и Охајо. Научниците предупредија на зголемување на активноста на различни циклони поради затоплувањето на површината на океанот и климатските промени, што претставува зголемена закана за крајбрежните населби низ целиот свет.

ВИДЕО: Пустош по ураганот Ида, една од најсилните бури во историјата на САД – милиони луѓе без струја

Ивона Петрова — Mon, 30 Aug 2021 06:59:52 +0000

Повеќе од еден милион домови во американската сојузна држава Луизијана останаа без струја, додека во предградие во близина на Батон Руж едно лице загина во налетот на ураганот Ида. Ураганот предизвика значителни штети и поплави во целата држава, предизвикувајќи стравување дека бројот на жртви може дополнително да се зголеми.

New Video: This is Delacroix as #Ida comes ashore. Storm surge pushed in over a back levee and flooded the area. St. Bernard Parish is expecting 8-12 feet of tidal surge. Courtesy Delacroix Yacht Club. pic.twitter.com/p2ulADLYC4
— Paul Murphy (@PMurphyWWL) August 29, 2021

Ураганот Ида го остави без струја целиот град Њу Орлеанс, неколку часа откако ја погоди американската држава Луизијана. Енергетската компанија Ентерџи потврди дека Њу Орлеанс е без електрична енергија и дека единствената електрична енергија во градот доаѓа од генератори.

View from Downtown New Orleans from 24th floor, looking out toward French Quarter. (And in this darkness, all residents just got emergency flood warning alerts on their phones) pic.twitter.com/Hjf5llrHSG
— Tim Craig (@timcraigpost) August 30, 2021

Националниот центар за урагани соопшти дека Ида ослабела до бура од категорија 3, откако беше ураган од категорија 4 кога стигна до копно. Ида носеше покриви на згради и предизвика поплави во крајбрежните области на Луизијана. Тоа е една од најсилните бури во историјата на САД.

Our crew just shot video of roof damage at this hospital in Houma. This is the Terrebonne General Medical Center. @WAFB’s @ChrisJRosato has been reporting in the area all day. #HurricaneIda pic.twitter.com/SYu6oDPc17
— Farrah Yvette (@farrah_yvette) August 29, 2021

Удри точно 16 години по ураганот Катрина, кој предизвика пустош во Луизијана и Мисисипи.

FLOODING in NOLA: Look at this in Venetian Isles in @CityOfNOLA. This is one area in New Orleans under a *mandatory* evacuation. Venetian Isles, Lake Catherine & Irish Bayou; areas outside the levee protection system. Water is almost up to the stop sign 🥺 @wdsu #HurricaneIda pic.twitter.com/RQ8uMwpWRJ
— Christina Watkins (@CWatkinsWDSU) August 29, 2021

Во Њу Орлеанс наредена итна евакуација поради ураганот Ида

Дарко Андоновски — Sat, 28 Aug 2021 13:01:32 +0000

Ураганот Ида што денеска ја погоди Куба, во текот на викендот и се заканува на американската сојузна држава Лујзијана, поради што е наредена евакуација на поширокото подрачје на главниот град Њу Орлеанс. Ида денеска се засили и од ниво на тропска бура премина на ураган и со брзина на ветерот од 128 километри на час помина над западниот дел на Куба и се движи кон Мексикански Залив. Според американскиот Национален центар за урагани Ида ќе прерасне во ураган од четврта категорија со ветер од 225 километри на час пред да го погоди јужниот дел на САД. Градоначалничката на Њу Орлеанс, Латоја Кантрел нареди евакуација на населението кое живее вон системот на насипи, што го штити градот од поплави. Додека градоначалниочката на Батон Руж, Шерон Вестон Брум прогласи вонредна состојба во градот. Гувернерот на Лујзијана, Џон Бел Едвардс уште на 26 август прогласи вонредна состојба, а вчера побара од претседателот Џо Бајден федерално прогласување на итна состојва пред Ида да стигне до американска територија, Се очекува Ида да ја погоди Лујзијана на ист ден како и ураганот Ктрин пред 16 години, кога беше опустошен поголем дел од брегот, при што загинаа над 1.800 луѓе.

Бил собори НБА анти-рекорд стар 60 години

Ивона Петрова — Thu, 28 Jan 2021 08:06:54 +0000

Кошаркарот на Вашингтон, Бредли Бил ноќеска на натпреварот со Њу Орлеанс (106:124) постави уникатен анти-рекорд во НБА-лигата. Дваесет и седумгодишниот Американец стана првиот кошаркар во историјата на лигата кој изгубил 10 натпревари по ред, кога постигнал 40 или повеќе поени. На натпреварот против Пеликанс, Бил постигна 47 поени, но не му помогна на неговиот тим да го избегне поразот. Претходно, рекордот му припаѓаше на Волт Белами, кошаркарот го постави пред 60 години (9 порази по ред, сезона 1961/1962). Вашингтон се најде на последното, 15. место на табелата во Источната конференција со три победи и 11 порази. Во сезоната 2020/21, Бредли Бил има просек од 34,4 поени, 5,4 скока и 4,8 асистенции по натпревар.

Ураганот Зета предизвика прекин на електричната енергија во Њу Орлеанс

Ивона Петрова — Thu, 29 Oct 2020 06:49:03 +0000

Едно лице е повредено, а повеќе од 80.000 луѓе во Њу Орлеанс, кој број 400.000 жители, останаа без електрична енергија откако ураганот го погоди американскиот град. Ураганот Зета од втора категорија, со ветер со брзина од 170 километри на час го погоди Њу Ореланс, откако претходно помина преку јужниот брег на Лијзијана. Според локалните власти едно лице е полесно повредено откако објект паднал врз него.

Дејвис со 46 поени ги предводеше Лејкерс до триумф над Њу Орлеанс

Тале Кристо — Sat, 04 Jan 2020 08:17:03 +0000

Ентони Дејвис со дабл-дабл ефект – 46 поени и 13 скока беше најзаслужниот за победата на Лос Анџелес лејкерс над Њу Орлеанс со 123:113 на дуелот одигран рано утрово во „Стејплс центар“. Резултати на натпреварите од НБА-лигата одиграни ноќеска: Бостон – Атланта 109:106 Орландо – Мајами 105:85 Вашингтон – Портланд 103:122 Хјустон – Филаделфија 118:108 Феникс – Њујорк 120:112. Лејкерс со биланс 28 победи и седум порази се најуспешна екипа во досегашниот дел од сезоната во Западната конференција, на Истокот лидер е Милвоки со скор 31-5.

Се урна хотел во Њу Орлеанс, две лица загинаа

Дарко Андоновски — Sun, 13 Oct 2019 08:38:34 +0000

Најмалку две лица загинаа, а едно е пријавено за исчезнато кога се урна дел од хотел во изградба во Њу Орлеанс, Луизијана. Повеќе од 20 лица се повредени. Според американските медиуми, најголемиот дел од хотелот Хард Рок ненадејно се урнал. Повисоките катови почнале да се рушат, а потоа дел од зградата беше целосно урнат. Зградите во близина биле евакуирани од претпазливост.